ကိုယ်တွေ့ဝတ္ထုတို

စားကျက်ကွင်းဆိုတာ . . . .  သားရဲတိုင်းသိတယ်
သားရဲတို့သိတဲ့ စားကျက်ကွင်းဟာ
အချိန်မရွေး . . . . . ခပ်ကွင်းလည်းဖြစ်နိုင်တော့
သားရဲတို့ . . . သတိထားရတာပေါ့။
၁-၃-၂၀၁၃- ၈း၅Pm
www.alinshin.com အရိုးမပါသော စာများကိုဖတ်ပါ။
မှကူးယူဖေါ်ပြပါသည် 

က ဗျာ နှုတ် ခမ်း

က   ဗျာ  နှုတ်   ခမ်း     

ကောင်မလေးရယ်

ငါဟာ ဒုက္ခတွေကို ခါချလို့မရနိုင်တဲ့

ဝန်တင်ခံ လားတစ်ကောင်လို

ကိုယ်တိုင်အိမ်မက်တဲ့ညမှာတောင်

ငါ့ကိုယ်မှာ အစွယ်ရာတွေကအထပ်ထပ်။

အဲဒီကတည်းက

စိတ်ကူးယဉ်ဆန်ဆန်ကို

ငါ့ရင်ဘတ်ထဲက ဆွဲနှုတ်ပစ်လိုက်နိုင်ခဲ့တယ်။

ဒါပေမယ့်

ပန်းတစ်ပွင့်

ရေစစ်စစ်တစ်ပုလင်း

ကော်ဖီခါးခါးတစ်ခွက်

ကြိုးသံကို ထိန်းထားနိုင်တဲ့ ဂစ်တာတစ်လက်နဲ့

နင့်နှုတ်ခမ်းရာတွေအကြောင်းကို

ကဗျာဆက်ရေးချင်သေးတယ်။

                                                       မောင်ဇရာ

www.alinshin.com အရိုးမပါသော စာများကိုဖတ်ပါ။

ခြေရာပျောက်

သနားစရာကောင်းတာက . .  မြန်မာပြည်
မြန်မာပြည်ထဲကမှ . . .  .
တိုင်းရင်းသားပြည်သူလူထု
တိုင်းရင်းသားပြည်သူလူထုထဲကမှ
ရခိုင်၊ကချင်၊
သဘာဝကိုပုံဆောင်ထားချင်တဲ့ လက်ပံတောင်းတောင်
စိမ်းစိုချင်တဲ့ ပုပ္ပါးတောင်
တကယ်သနားသင့်တာက . . . မြန်မာတိုင်းရင်းသူတိုင်းရင်းသားများ
ရက်စက်နေတာက . . . စစ်အာဏာရူးနဲ့ပူးပေါင်းခရိုနီ
တကယ်ရက်စက်တာက . . . စစ်အာဏာရူးရဲ့ခြံစောင့်စစ်ခွေးတွေ
တကယ်ခံရတာက . . .  ကျောင်းသားနဲ့ပြည်သူလူထု
တကယ်ကောင်းစားတာက . . . ခရိုနီနဲ့ ၀န်မင်းများ
ဒါ့ကြောင့်
မြန်မာပြည်လေးရေ . . .
ငါ . . .မင်းနဲ့ဝေးရာကိုသာ ထွက်သွားချင်တော့တယ်။
www.alinshin.com အရိုးမပါသော စာများကိုဖတ်ပါ။

သွေးတွေလမ်းလျှောက်တဲ့ ကမ္ဘာ

“အ”သုံးလုံးသင်ထားတဲ့ ကြွက်တစ်ကောင်က

မြန်မာစာသတ်ပုံကျမ်းကိုကိုင်ရင်း . . . . . .

နံရံကပ်စာလေးကို အခုလိုဖတ်လိုက်တယ်။

“ကြွက်”ရောင်းရန်ရှိသည် တစ်ကောင်ငါးကျပ်။

အဲလိုဖတ်ပြီးတာနဲ့တစ်ပြိုင်နက်

အဲဒီကြွက်ကလေးဟာ အဲဒီစာကြောင်းလေးရဲ့အောက်မှာ အခုလိုပြန်ရေးထားလိုက်တယ်။

“လူ”ရောင်းရန်ရှိသည် တစ်ယောက်ငါးကျပ်။

အဲဒီလို . .  . .

လူနဲ့ ကြွက်တို့ ကိုက်ပွဲ တိုက်ပွဲကို

လမ်းလျှောက်ရင်းအတွေးထဲက ထုတ်ကြည့်မိတယ်။

အလာ/အပြန် . . . ခရီးတစ်ခုအတွက်

ငရဲနဲ့ကောင်းကင်ဘုံမှာရော အဲလိုနံရံကပ်စာတွေ ကပ်ထားလေသလား?

အပင်မပေါက်နိုင်တဲ့ ငါ့တွေးအတွက်

တကယ်တော့ မျိုးစေ့မချဖြစ်တာပဲ ကောင်းပါတယ်။

လူတွေက . . . .

“ကြွက်”ရောင်းရန်ရှိသည် တစ်ကောင်ငါးကျပ်။

ဤအိမ်၌ ခလေးမရှိ ခွေးရှိသည်။

ဤအိမ်သည် ဗုဒ္ဓ၏မေတ္တာတော်ရိပ်အောက်တွင်ရှိသောကြောင့်

ရောက်လာသူတိုင်း အေးမြချမ်းသာကြပါစေ . . .  တဲ့။

ကြွက်တွေက

လူရောင်းရန်ရှိသည် တစ်ယောက်(၅)ကျပ်

ဤကြွက်သိုက်၌ ကြွက်ခလေးတွေမရှိ လူခလေးသာရှိသည်။

ဤကြွက်သိုက်ရှိကြွက်တို့သည် သူတစ်ပါး၏အသက်ကိုမသတ်သောကြောင့်

ကြွက်သတ်သမားတို့၏ဘေးမှ လွတ်ကင်းကြပါစေ။

သြော် . . . . 

ကမ္ဘာရဲ့ အနိမ့်အမြင့်တွေ . . .

သုဿန်နဲ့ မျက်ရည်စတွေအကြောင်းတွေကို စကားလုံးဂိုထောင်ထဲထည့်ပြီး

ကိုယ်ချင်းစာတရားနဲ့အတူထားခွင့်ရှိရင်

ဒို့ . . . ကမ္ဘာမှာ အခုလို . . .  သွေးတွေလမ်းထလျှောက်ဖြစ်မှာမဟုတ်ဘူး။

                                                                              မောင်ဇရာ

                          

အ ပ္ပ မာ ဒ

အ ပ္ပ မာ ဒ

တစ် ပြီး နှစ်

သုံး နောက်က လေး . . . . .။

သင်္ချာတစ်ကြောင်း

အလီတွေပေါင်းကြရအောင်

အဖြေက

ခူးခပ်ပြီးထမင်းတစ်ဝိုင်း။

ခလုပ်တိုက်မယ်နော်

နောက်ကလိုက်ကြသူတွေ

ကြည့်စား ကြည့်နား ကြည့်သွား

အရိုးများရင် ပိုသတိထား

မှောင်နေရင် မီးခွက်ထွန်းသွားလေ။

သူ ပြီးရင် နင်

နောက်က ငါတို့တစ်တွေ . . . .

သင်္ခါရ ဓမ္မတေးအတွက်

သံစဉ်ကွက်တွေကြိုးညှိရင်း

သူပြောလိုက်ပုံက

မကြာခင်က

ငါလည်း မင်းလိုပါပဲ

ဖြစ်ဒုက္ခ ပျက်ဒုက္ခ

အိုလိုက် နာလိုက် သေလိုက်ရာတာ

ပြာကျသွားတာတောင်ငါမသိလိုက်ဘူးတဲ့

. . . . . . . . . . . .

အပ္ပမာဒကိုယူသွား။

                   မောင်ဇရာ