အရိုမထွင်ဘဲ . . အဆီထုတ်စားခဲ့တဲ့ . . . သူ

by အလင်း ရှင် on Sunday, 10 February 2013 at 09:53 ·

ငါတို့ . . . .
သန်းခြောက်ဆယ်ရဲ့ဘ၀တွေကို
အရိုးမထွင်ဘဲ အဆီထုတ်စားခဲ့တဲ့ . . . သူ။
ငါတို့
သန်းခြောက်ဆယ်ရဲ့ မျက်လုံးတွေကို
မဖေါက်ပဲ အလင်းမဲ့အောင်လုပ်ခဲ့တဲ့သူ . . .သူ။
ငါတို့
သန်းခြောက်ဆယ်ရဲ့ဘ၀တွေကို
ပညာမတက် စာငတ်အောင်လုပ်ခဲ့တဲ့ . . . သူ။
ငါ့တို့
သန်းခြောက်ဆယ်ရဲ့ ဘ၀တွေကို
သံသာရာကန်း . ဒုက္ခလမ်းကို ပို့ခဲ့တဲ့ . . သူ။
သူ . . . သူ . . . သူ . . .
သူဟာ . . . ဘယ်သူလဲ ?
ဘယ်ဝှါလည်းလို့မေးစရာလို
အာဏာရူးနေ၀င်းကစလိုက်တာ သန်းရွှေမှာမဆုံး
သြော် . . . သိန်းစိန်အထိ . . . တို့ ပြုတ်ပြုတ်ပြုံန်းရပါတော့ . . .  လား။
By:အလင်းရှင် http://aungminkhoung.blogspot.com

စကားလုံးမိုးကြိုး

by အလင်း ရှင် on Wednesday, 31 October 2012 at 02:01 ·

ကောင်မလေးရေ . . .
ငါ့ရဲ့
သုံးဆယ်ခြောက် ရာသီပြင်က
စကာလုံးမိုးကြိုးတွေကို . . . . . သီကုံးကြည့်ပါဦး။
ငါ့ရင်ဘတ်ဖြူဖြူမှာ
အာဏာရှင်တို့ရဲ့ဒဏ်ရာတွေ . . . . .  ဗလပွနဲ့
ငါ့အနာ
ခုထိတောင် . . . . မကျက်သေးဘူး။   ။ 
တစ်နေ့သော ညနေပိုင်းမှာ အလုပ်အားရင်သူငယ်ချင်းများနဲ့ ထိုင်ဖြစ်နေကြ coffee aroma  မှာထိုင် ရင်း ̏ထူးကြီး˝ တို့တစ်သိုက်ရောက်ချလာပါတယ်။ ဆိုင်းမဆင့်ဗုံမပါဆိုသလို ̏ထက်အောင်လင်း˝ က  ကျွန်တော့ကိုလက်ညှိုးထိုးကာ

 ̏ ရုပ်နဲ့မလိုက်အောင် မိုက်ရိုင်းပက်စက်တဲ့အကောင် ̋ လို့

စကားသံ ခပ်ပြင်းပြင်းနဲ့ ပြောဆိုကာ ခုံလွတ်မှာဝင်ထိုင်ကြပါတယ်။ အိုးမလုံအုံပွင့်တဲ့ ကျွန်တော့ခမျာ မှာ လည်း ပြူးပြူးပြာပြာနဲ့ အထိတ်တစ်လန့်မျက်နှာကို ဟန်ဆယ်ရင်း

  ̏ဟေ့ကောင်˝ . . .
 ̏မင်းတို့က ကိုတွေတာနဲ့ စကားလုံးတွေက မိုးကြိုးစကားလုံးတွေနဲ့ပဲ ငါ့ကိုပွတ် သပ်ကြတယ်။˝
. . . ̏̏̏ငါ့ကိုနှုတ်ခွန်းဆက်မယ့် လေချိုတွေ မင်းတို့ပါးစပ်မှာအပင်မပေါက်ကြသေးဘူးလား̋

ကျွန်တော့စကားအဆုံးမှာ မင်းမင်းက . . .
 ̏ကျွန်တော် မြန်မာနိုင်ငံသားတွေကို ရွှေတိဂုံဘုရားဂေါပတွေကအင်တာနက်Wi-Fi ပေးမသုံးတာနဲ့ပတ် သက်ပြီး facebook မှာ  ပက်ပက်စက်စက်ရေးထားတာတွေ့လို့ မင်းကို ငါတို့က ရက်ရက်စက်စက် နှက်ဖို့လာတာကွ။̋ လို့ပြောပါတယ်။

အဲဒီတော့မှပဲ ကျွန်တော်သက်ပြင်းချနိုင်ပါတော့တယ်။ စောစောက ဘာမှန်းမသိလို့ ထိတ်လန့်သွားတဲ့ ၀ိညဉ်ဟာ စမ်းရေအိုင်ကြည်ကြည်လေးထဲမှာ အနည်ထိုင်သွားသလို။ ̏ရွှေတိဂုံဘုရားဂေါပကတို့ ခင်ဗျားတို့ သမီးပျိုလေးကိုပါအစမ်းပေးသုံးကြည့်ပါလား˝ ဆိုတဲ့ ကျွန်တော်ကိုယ်တိုင်ရေးဆောင်းပါးကို ကျွန်တော်ကိုယ်တိုင်ပဲရှင်းပြမှရတော့မယ်။ ဒီကိစ္စကို ရှင်းမပြလို့မဖြစ်တော့။ ဘာ့ကြောင့်လဲဆိုတော့ ရွှေတိဂုံဘုရား ဂေါကထဲမှာ ̏ထက်အောင်လင်း ˝မဲအဘိုးကပါတာကို။
̏သူငယ်ချင်း̋  ̏ ပြဿနာတစ်ခုရဲ့ ကြီးထွားလာမှုဟာ နားလည်မှုတွေပေါ်မှာပဲမူတည်ပါတယ်ကွာ̋̋ လို့ သူတို့ကို ပြေလည်ရာပြေလည်ကြောင်းရှင်းပြဖို့စကားပလ္လင်ခံတာတောင် ̏ ထူးကြီး˝ က ̏ ထက်အောင် လင်း˝ ကိုယ်စား ကျွန်တော့ကို အတော်ဒေါသထွက်နေကာ . . .
̏ဟေ့ကောင်̋  ̏ ဒီစကားဝိုင်းက မင်းရဲ့ facebook စာမျက်နှာမဟုတ်ဘူးနော်̋  ̏ မဆင်မခြင်ရေးတက်တဲ့ မင်းအတွက် သက်သက်လွတ်လက်သီးပန်းတွေဖြစ်သွားလိမ့်မယ် စကားပြောရင်လိုရင်းကိုပြော̋ ထူကြီးကကျွန်တော့်ကို ပေါက်ကွဲလေသံတွေနဲ့ပြောလိုက်တဲ့အခါမှ ကျွန်တော်က . . .
̏ဟာ . . . အဲဒါမှ ကျွမ်းသွားတာကွ˝ . . . .  ̏လောင်ရုံတင်မကဘူးနော် . . . သူငယ်ချင်း̋  ̏ မင်းတို့ ငါ့ကိုအပြစ်တင်နေမယ့်အစကားငါ့ပြောတာလေးကိုပဲဆုံးအောင်နားထောင်ကျပါဦးကွာ˝  ̏စကားဝိုင်း တစ်ခုမှာ စကားပလ္လင်/စာပလ္လင် ဆိုတာတော့ရှိသေးတယ်လေကွာ။̋
ကျွန်တော်က အဲလိုပြောလိုက်တော့မှ အားလုံးဟာ မှင်တက်တက်နဲ့ငြိမ်သွားကြပါတယ်။ သူတို့မငြိမ်ဘူးဆိုရင်လည်း ကျွန်တော်အဆုံးမဲဒေါသဒီကော်ဖီဝိုင်းအတွက် ရုပ်ဆိုးအကြည်းတန်စေ တော့မှာပါ။ ဒီလိုနဲ့ ဆိတ်ငြိမ်သွားတဲ့ကော်ဖီဝိုင်းလေးမှာ ဘ၀နာ/ရင်နာ/ကြေကွဲစရာအပိုင်းအစများ စွာနဲ့ကျွန်တော်ဟာ အိုဟောင်းနေတဲ့ ဒဏ်ရာဒဏ်ချက်တွေပေပွနေတဲ့ မြန်မာနိုင်ငံလေးကို ကြည့်ပြီး အခုလိုရှင်းပြခဲ့ပါတယ်။
ငါ့တို့မြန်မာနိုင်ငံဟာ အာဏာရူးအဆက်ဆက်ရဲ့ ခုတ်ခတ်မှုတွေကိုခံခဲ့ရတယ်။ ဒီနိုင်ငံလေးကိုမှီနေတဲ့ ငါတို့ပြည်သူပြည်သားအများစုဟာ ဒီအာဏာရူး/တဏှာရူးတွေရဲ့ ခြေကန်ခြေလှုပ်အောက်မှာ သွေးသံ ရဲရဲနဲ့ နေခဲ့ရတယ်။ တစ်နိုင်ငံလုံးမှာရှိတဲ့ ဘာသာရေးနယ်အထိ ခြေကုတ်ရထားတဲ့ အာဏာရူးတွေရဲ့ ခွေးတွေဟာ နေရာတိုင်းမှာ ငါတို့ကိုအချိန်အခါမကြည့်ဟောင်ကြတယ်၊ကိုက်ကြတယ်။ ငါတို့ပြည်သူ ပြည်သားတွေဟာ နောက်ဆုံးတော့ ငွတ်မွတ်မှုကအစပြုပြီး ချို့တဲ့တဲ့အဟာရ/ချို့တဲ့တဲ့ဉာဏ်ရည် ဉာဏ်သွေးတွေကြောင့် ရောဂါဘယပေါင်းမျိုးစုံနဲ့ကြုံလှီရင်း ဒီမိုကရေစီဆိုတဲ့ပြည်သူ့အာဏာကိုမျှော် လင့်ရင်း သေဆုံးခဲ့ကြရတယ်။ ပြောမယ်ဆိုရင် အာဏာရူးတွေကို ဘ၀အဆက်ဆက် မင်းတို့ကိုမကြေ ဘူးကွလို့ ဒေါသတရားတွေနဲ့သေခဲ့ရတယ်၊အသေဆိုးနဲ့ပေါ့။ ဒါ့ကြောင့် (၈၈)အရေးတော်ပုံမှာ ကြွေလွင့်ခဲ့ရတဲ့ တက္ကသိုလ်ကျောင်းသူလေး မ၀င်းမော်ဦးက သူ့အဖေနဲ့အမေကို ̏ မြန်မာနိုင်ငံမှာ ဒီမိုကရေစီရမှ သူ့ကိုအမျှဝေပါ˝တဲ့ အဲဒီလို မြန်ပြည်လေးရဲ့ကောင်းကင်မှာ လင်းလက်တေက်ပ မယ့်ကြယ်တွေဟာ အာဏာရူးတွေရဲ့ကြည်သင့်ရင်း ကြွေကျမြေခခဲ့ရတယ်။ ဒီလိုကြယ်တွေအများကြီး အကြွေစောခဲ့တဲ့အတွက် မြန်မာနိုင်ငံအတွက်သာမက ကမ္ဘာအတွက်ပါ ဆုံးရှုံးနစ်နာတာပါပဲ။ တို့ပြည် သူအများစုဟာ အဲလိုအသေဆိုး/အနေဆိုးတွေနဲ့ နေကြရပေမယ့် အာဏားရူးမိသားစုနဲ့ သူတို့ကို မှီတွယ် အခွင့်အရေးယူတက်တဲ့ ခရိုနီတွေကတော့ ကုဋေကုဋာပေါင်းများစွာကို ပြည်ပဘဏ်တွေမှာ အပ်နှံရင်း စည်းစိမ်ခံနေကြတယ်။ အခုမြန်မာပြည်ရဲ့ အရင်းအမြစ်မှန်သမျှဟာ တရုပ်စုတ်ကြီး တစ်ဦး ထဲ စားနေတာပဲမဟုတ်လား။ တောင်တွေကိုလှန်၊မြစ်တွေကိုမီးရှို့နဲ့ သစ်တောတွေကိုခုတ်နဲ့ မြန်မာ့ မြေဆီလွှာဟာ အချို့မဲ့အနှစ်မဲ့နေပြီ။ ဒါ့အပြင် ပြည်သူတွေရဲ့ထမင်းအိုးများဖြစ်ကြတဲ့ တောင်သူယာ သမားများရဲ့ လယ်ယာမြေတွေကို အာဏာရူးနဲ့ပူးပေါင်းပြီး အာဏာကိုရေလဲသုံးကာ လူယူခဲ့ကြတာ တွေဟာ ဒီကနေ့တရားဝင်ထုတ်ဂျာနယ်တွေမှ ပေပွနေတာပဲမဟုတ်လား။ အများနဲ့တစ်ယောက်ဟာ တစ်ယောက်သမားက အမှားဆိုတဲ့ စကားဟာ ပြောင်းပြန်ကြီးဖြစ်နေပြီး တစ်ယောက်သော ဇေကမ္ဘာ ခင်ရွှေ စတဲ့ခရိုနီတစ်သိုက်ကသာ တရားရုံးမှာ အနိုင်ရပြီး ဆင်းရဲသားတောင် သူဦးကြီးများဟာရှုံးခဲ့ ရတယ်မဟုတ်လား ငါတို့ပြည်သူတွေက မြူတစ်မှုန်လောက် မိုက်မဲမှုတစ်ခုကျူးလွန် မိရင် ငရဲတစ် ထုတ်နဲ့ပစ်ဒဏ်စီရင်ခဲ့ကြတယ်။ရေသန့်ဘူးခွံလေးတွေလောက်ကောက်ရောင်းစားနေရတဲ့ လူငယ်လေး တစ်ယောက်ကြောင့် မီးရထားမှာ သုံးလေးထောင်လောက်တန်တဲ့ မှန်တစ်ချပ်ကွဲသွားရင် အဲဒီ ကလေးကို ထောင်(၅)နှစ်အထိချပစ်တယ်။ တရားမ၀င် ဒေါ်လာတွေထောင်နဲ့ချီပြီးမိတဲ့သူကြတော့ တစ်နှစ်လောက်ပဲအမိန့်ချတယ်။
ကဲ . . . သူတို့တစ်တွေ နိုင်ငံနဲ့ဘာသာလူမျိုးအပေါ် ကမ္ဘာမှောက်တဲ့အထိလုပ်ကြတော့ ငါတို့ပြည်သူ တွေဘာမှပြန်လည်တင်ပြ ခုခံနိုင်ခွင့်မရခဲ့ဘူး။ ဥပမာကွာ ဂျာနယ်တစ်ခုမှာ ကာတွန်းလေးတစ်ခု ကပုံဆောင် ထားတာကို ငါပြန်ပြောပြမယ်။ သစ်ကိုင်းဖျားလေးတွေကို ထင်းအဖြစ်ခွေနေတဲ့ သူဆင်းရဲ သားကိုရဲကသစ်ခိုးမှုနဲ့ဖမ်းတယ်။အဲဒီအခါသူဆင်းရဲသားကအခုလိုပြန်ပြောလိုက်တယ်။  ̏ကျွန်တော်က သူများအပင်လိုက်ခုတ်သွားတဲ့အထဲက ဒီကိုင်းဖျားလေးကိုပဲ ထင်းစိုက်ဖို့ယူမိတာပါတဲ့။̋ အဲလိုပဲလေ ပြည်သူပိုင် ပစ္စည်းတွေကို တကယ်ခိုးနေတဲ့ လုနေတဲ့ သတ်ယူနေတဲ့ အာဏာရူးနဲ့တကွာ တေဇ၊ ခင်ရွှေ၊ဇော်ဇော်၊ ဋ္ဌေးမြင့်၊အေရှဝေါ . . . အစရှိတဲ့ကောင်တွေ ခိုးနေတာတွေ ဘိန်းဖြူတွေ လုပ်နေတာ တွေတော့ မဖမ်းနိုင်ဘူးမဟုတ်လား။ တို့ ပြည်သူတွေက ထမင်းတစ်နှပ်စာလေး မဟုတ်တာလုပ်မိ တာကျတော့ သေဒဏ်သေ မိန့်တွေပေးခဲ့တယ်။
ကဲ . . . သူငယ်ချင်းတို့ . . . ငါတို့ ပြည်သူတွေက ဒီအာဏာရူးခရိုနီတွေကို ပြန်လုပ်နိုင်တာဆိုလို့ ဆဲဆိုရေရွတ်ခြင်းမျှသာပါကွာ။ ဒါတွေကလည်း သူတို့အတွက် ဘာမှထိခိုက်နာကျင်သွားတာမဟုတ်ပါ ဘူး။ အဲ . .. တို့ပြည်သူတွေအတွက်တော့ အခုလိုလေးပြောလိုက်ရတာကိုက ပြောလိုက်ရမှာ ထမင်း မိန်တာ။ နောက်ပြီး သမိုင်းအတွက်အထောက်အကူရစေဖို့ပါ။
ဒီထက်မင်းတို့နားလည်အောင်ပြောရရင် . .  ခွေးတစ်ကောင်ကိုရိုက်ရင် အဲဒီခွေးက လူကိုပြန်ကိုက်ဖို့ အခွင့်မသာတော့ ကိန် . . . ကိန် . . . နဲ့အော်တာပေါ့ကွာ။
ဒီသဘောပါပဲ။ ငါ့ကိုရိုက်တဲ့ အာဏာရူးတွေကို ငါတို့က နာလို့ပြန်အော်လိုက်တာမျိုးပါ။ ဒါ့ကြောင့် မင်း တို့က ငါ့ရဲ့ facebook စာမျက်နှာကို နာနာကျင်ကျင်ဒဏ်ရာသံတွေလို့ နာလည်ပေးလိုက်ပါကွာ။ ခွေး လေးတစ်ကောင် နာလို့အော်တယ်လို့သာ သဘောထားလိုက်ကြပါ။
ကျွန်တော်အခုလိုရှင်းပြလိုက်တဲ့အခါ ရွှေတိဂုံဂေါပကမြေးဖြစ်သူ ထင်အောင်လင်း နဲ့တကွ အားလုံး ဟာ ပါးစပ်ဟောင်းသားနဲ့ နားလည်သဘောပေါက်သွားကြပြီး . . .
 ̏ အေးကွာ ̋  ̏ အိမ်ကခွေးကိုတော့ ထန်းလျှက်ကျွေးတယ်။˝ ̏ facebook စာမျက်နှာကခွေးကိုတော့ ကော်ဖီတိုက်လိုက်ကြပါကွာ။˝  ̏ခွေးလေး သနားပါတယ်။˝ ̏ငါတို့ကို ရှင်းပြရလို့ အာလည်းခြောက် ရောပေါ့˝ လို့ မင်းမင်းကပြောပြောဆိုဆို ရယ်လိုက်တဲ့အတွက် ကျွန်တော်တို့ တစ်ဝိုင်းလုံး ရယ်သံများ နဲ့လွှမ်းသွားပါ တော့တယ်။
အဲဒီနေ့ အိမ်ပြန်ရောက်တာနဲ့ မဖြစ်တော့ဘူး။ ငါ့ထက် ကလောင်စူးတဲ့ အဘဟံသာဝတီဦးဝင်းတင်ရဲ့ စကားလုံးမိုးကြိုးသံတွေကို ငါ့စာမျက်နှာတင်ထားမှ ငါအပြစ်ပေါ့တော့မယ်လို့ စိတ်ကူးရပြီး အခုလို ကာလပေါ်ငရဲခွေးလွတ်နေသေးတဲ့အကြောင်းကို Shaear ဖြစ်လိုက်တာပါခင်ဗျာ။
ဒါဆိုရင် ကျွန်တော့်ကို မိုက်ရိုင်းလိုက်တာပါလို့ ပြောဆိုကဲ့ရဲ့ကြတဲ့ အာဏာရူးနဲ့ပတ်သက်ဆက်ယှက် တွေလည်း ခွေးအကြီးလှည်းနင်းသလို ပေါ့။
          အဲဒီနေ့က ကော်ဖီတိုက်ခဲ့တဲ့ ရွှေတိဂုံဘုရားဂေါပကရဲ့မြေးထက်အောင်လင်းနဲ့တကွသူငယ်ချင်းများနဲ့ facebook စာမျက်နှာက မမြင်ဘူးမတွေ့ဘူးတဲ့ သူငယ်ချင်းအားလုံးကို                                   အထူးကျေးဇူးတင်လျှက်။

အဲကာလပေါ် ငရဲခွေးကြီးတွေ လွတ်နေသေး
ဟံသာဝတီ ဦးဝင်းတင်၊ အောက်တိုဘာ ၁၃၊ ၂၀၁၂
( Myanmar Independence Journal )
ဒီရက်ပိုင်းအတွင်း မြန်မာ အင်ဒီပဲန်ဒင့်ဂျာနယ်မှာ ဆန်းဆန်းထူးထူး စာတစ်ပုဒ် ဖတ်လိုက်ရတယ်။ တိုတို ပြောရရင် ဒီလိုဗျာ။  ဂျာနယ်ထဲမှာ ဖတ်လိုက်ရတဲ့ စာက ဂျာနယ်တွေထဲ၊ သတင်းစာတွေထဲမှာ ဖတ်ရလေ့ မရှိတဲ့စာဗျ။ ရေးတဲ့သူက ထင်ရှားတဲ့ နိုင်ငံရေး အကျဉ်းသား ဟောင်း “ကျောင်းသားလှုပ်ရှားမှု”ဆိုတဲ့ ဧရာမကျမ်းကြီးကို ပြုစုခဲ့သူ။ သူ့နာမည်က ကိုအောင်ထွန်း။
ကိုအောင်ထွန်းကို စစ်အာဏာရှင် အစိုးရက တစ်ချိန်က ဖမ်းဆီးခဲ့တယ်။ ချုပ်နှောင်ခဲ့တယ်။ ပြီးတော့ ထုံးစံ အတိုင်းပေါ့။ ညှဉ်းပန်းခဲ့တယ်။ နှိပ်စက်ခဲ့တယ်။ အားလုံးပြီးတော့ ဆိုပါစို့ ။ ထုံးစံအတိုင်း သံတိုင်နောက်က ထောင်ငရဲခန်းထဲ သွင်းလိုက်တယ်။ ထုံးစံအတိုင်း ထောင်ထဲမှာ နှစ်ပရိစ္ဆေဒတွေ  အကြာကြီး ပိတ်လိုက်တယ်။ထုံးစံအတိုင်း သူ့ကို လူ့ငရဲခန်းထဲပိတ်ထားခိုက် စစ်ထောက်လှမ်းရေး ယမမင်းတို့ လုပ်ကြံမှုတွေစိတ်ကြိုက်လုပ်ကြတယ်။
ဒီလို မတရား ချုပ်နှောင်မှုတွေ၊ ညှဉ်းပန်းမှုတွေ ၊ ငရဲခန်း သွင်းပိတ်မှုတွေ ထောင်တွင်း လုပ်ကြံမှုတွေ၊ လွတ်ချိန်သင့်လို့ လွတ်ခွင့်ကြုံလာရင်တောင် အကျဉ်းသားရဲ့လူ့သိက္ခာ၊ နိုင်ငံရေး သိက္ခာ၊ ယုံကြည်ချက် သိက္ခာကို ဖဲ့ခြွေချိုးဖျက်တဲ့ ခံဝန်ချက် အမျိုးမျိုးကို လက်မှတ်ထိုး ခိုင်းတာတွေ၊ အဲဒါတွေ အားလုံးအတွက် စစ်အာဏာရှင် ပါးကွက်သားတွေ ငါတို့ (နိုင်ငံရေး အကျဉ်းသားတွေ)ကို ဝန်ချတောင်းပန်ရမယ်။ ငါတို့ အဖွဲ့အစည်းတွေကို ဝန်ချ တောင်းပန်ရမယ်။ ငါတို့ ဘက်က ရပ်တည်ခဲ့တဲ့ ပြည်သူလူထုတွေကို ဝန်ချ တောင်းပန်ရမယ်တဲ့။
မြန်မာအင်ဒီပဲန်ဒင့် ဂျာနယ်မှာ လွှင့်လိုက်တဲ့ ကိုအောင်ထွန်းရဲ့အသံက ကြေညာချက်ပုံစံနဲ့ ထွက်လာတယ်။ သူ့အသံက စစ်အာဏာရှင်ဟောင်းကြီး ချုပ်နှစ်ချုပ်ကို နာမည်နှင့်တကွ လူကောင်ဆွဲထုတ် စွပ်စွဲတာ ဖြစ်တယ်။ သူ့အသံ က ပြည်သူလူထုကြီးတစ်ရပ်လုံးကို သိကြားစေ သက်သေညွှန်းတဲ့ ပုံစံမျိုးနဲ့ ဖွင့်ချတာ ဖြစ်တယ်။
အဲသလို နိုင်ငံရေး အကျဉ်းသားဟောင်း အကျော်ဇေယျတစ်ဦးရဲ့ အသံကို ကျွန်တော် ထွေထွေထူးထူး ပြောစရာမရှိပါဘူး။

ထပ်ဆင့် သဘောတူတယ်။
ထပ်ဆင့် ထောက်ခံတယ်။
ထပ်ဆင့် ဆန္ဒပေးတယ်။
ဒီလိုပဲ လိုရင်းကိုတိုတိုရှင်းရှင်း ပြောစရာရှိတယ်။ ကျွန်တော် ကိုယ်တိုင်ကလည်း ကိုအောင်ထွန်းလိုပဲ လူ့ငရဲကို ဖြတ်သန်း ခဲ့သူ။ ဒီတော့ နောက်ထပ် ထပ်ဆင့်ပြောစရာတွေ ရှိတယ်။ နည်းနည်းပြောပါရစေ။
အားနာလို့ နည်းနည်းပြောပါရစေ ခွင့်တောင်းတာ။ ပြောစရာတွေ ကတော့ အများကြီး။
၁၉၈၉ ဇူလိုင် ၃ ရက်မှာ ကျွန်တော်ထောင်ထဲ ရောက်တယ်။ အဲဒီနှစ် စက်တင်ဘာ ၃ဝ ရက်မှာ ထောင်ဒဏ်အပြစ် ပေးခံရတယ်။ ၃ လလောက် အကြား ကာလမှာ ကျွန်တော်ဟာ အချုပ်သား။ ပြစ်ဒဏ်ကျခံရတဲ့ ထောင်သား မဟုတ်သေးဘူး။ အပြစ် တစ်စုံ တစ်ရာ ရှိတယ်လို့ သတ်မှတ်ခြင်း ခံရတဲ့သူ မဟုတ်သေးဘူး။

ဒါပေမယ့် ကျွန်တော်ညှဉ်းပန်းမှုတွေ ခံရတယ်။ နှိပ်စက်မှုတွေ ခံရတယ်။ အများကြီး ခံရတယ်။ ကြိမ်ဖန်များစွာ ခံရတယ်။ ညမအိပ် နေ့မနား ရက်ပေါင်းများစွာ ခံရတယ်။ ညှဉ်းပန်းသမျှကို ဝမ်းဟင်းလင်းနဲ့ လည်စင်းခံရတယ်။
ဒါက အချုပ်သားဘဝ(အပြစ်မဲ့ ဘဝ)နဲ့ ညှဉ်းပန်းနှိပ်စက်ခံခဲ့ရတာ။
ထောင်သားဘဝ (အပြစ်ကျဘဝ) ရောက်တော့ကော။ မေးနေစရာ မလိုပါဘူး။ ပိုလို့သာ ဆိုးလာတော့တာပေါ့။ စစ်ထောက်လှမ်းရေးက ထောင်ထဲ မှာပဲ တပ်စွဲနေတာကိုး။ လာချင်ရင် အနီးလေး ဖြစ်နေတော့တာပေါ့။ အပြင်နိုင်ငံရေးက ချွတ်ချွတ်ပျက်ပျက် ဖြစ်နေတယ်။ ဒီတော့ ထောင်ထဲမှာ ကျွန်တော်တို့ ဖွတ်ဖွတ်ညက်ညက်ကြေနေကြရတော့တာပေါ့။ စစ်ခွေးတိုက် သွင်းခံရလိုခံရ။ ရဲဘက် စခန်း သွင်းခံရလိုခံရ။ စစ်ထောက်လှမ်းရေး က ကျောချင်တိုင်း ကျောတဲ့ စစ်ကြောရေး ရုံး သွင်းခံရလိုခံရ။ ကျန်ကောင်း ကျန်ရာ လူ့သိက္ခာ ဗလာကျင်း အောင် ဖဲ့ခြွေချွတ်ခွာ ခံရလိုခံရ။          ဖဲ့တာ ခြွေတာ ခံရတာတွေထဲမှာ အဆိုးဆုံးက ကျွန်တော့်ပါးစပ်ထဲက မွေးရာပါသွားတွေ ချောင်ခြွေ ချိုးချွတ် ခံရတာပဲ။ စစ်ထောက်လှမ်းရေး လက်ချက်နဲ့ ကျွန်တော့်သွားတွေ အကုန်ကြွေကုန်တယ်။
၁၉၉၁ ကနေ ၁၉၉၈ အထိ သွား ဝတ်လစ်စားလစ် ပါးစပ်နဲ့ ထောင်ထမင်းကြမ်း ဟပ်နေခဲ့ရတယ်။ ၇ နှစ်အကြာ ၁၉၉၈ ရောက်မှ သွားတုတပ်ခွင့် ပေးတယ်။
ပိုဆိုးတာ နောက်တစ်ခု ရှိသေးတယ်။
၁၉၉ဝ ဇန်နဝါရီမှာ ကျွန်တော် အူကျရောဂါ ရတယ်။ အိပ်ရာထဲ ဗုန်းဗုန်း လဲတဲ့အဖြစ် ဆိုက်တယ်။ အာဏာပိုင်တွေက ဘာကုသမှုမှ မလုပ်ပေးဘူး။ ပြောမရ ဆိုမရဘဲ။ ၅ နှစ်တိတိ ကြာတယ်။ နောက်ဆုံး အူတွေခေါက် သေမလောက် ဖြစ်မှ ဆေးရုံပို့တယ်။ ရန်ကုန်ဆေးရုံကြီး ခွဲစိတ်ခန်းထဲကို တိုက်ရိုက်ပို့ရတယ်။ ခွဲစိတ်ရတယ်။ လူတော့ မသေဘူး။  မွေးရာပါ တစ်ရှဉ်းတော့ “နတ်သင်း” ဖြစ်ရတယ်။
အဆိုးတကာ့ ထိပ်ခေါင် လူ့ငရဲ မီးလောင်ခံရတဲ့ အဖြစ်က ဒီလို။
၂ဝဝ၅ ဇူလိုင် ၆ ရက် မနက်မှာ ကျွန်တော့်ကို လွှတ်ပေးမယ်လို့ လာပြောတယ်။ ထောင်မှူးက ခေါ်ထုတ်တယ်။ လွှတ်မယ့် အကျဉ်းသား ၁ဝဝ ကျော်နဲ့ ဆုံရတယ်။ လွှတ်ဝရမ်းရေးဖို့ ကျွန်တော်တို့ တစ်တွေကို ကိုယ်မှတ်စစ် တယ်။ ထောင်ကျ တုန်းက မှတ်တမ်းယူ ထားခဲ့တဲ့ ကိုယ်အင်္ဂါ အမှတ်အသားတွေနဲ့ ပြန်ညှိတယ်။ အားလုံးပြီးတော့ လွှတ်ဝရမ်း ပေးတယ်။ ညျွန်မှူးရုံး အစည်းအဝေးခန်းမထဲ သွင်းတယ်။ အကျဉ်းဦးစီးညွှန်ချုပ် ဗိုလ်မှူးကြီး ဇော်မင်းက ဩဝါဒ ပေးတယ်။
နောက်ဆုံးအတန်းမှာ ထိုင်နေ တဲ့ ကျွန်တော့်ကိုညွှန်ချုပ်က နာမည် ခေါ်တယ်။ ရှေ့ဆုံးတန်းကို ဖိတ် တယ်။ ရှေ့ဆုံးရဲ့ ရှေ့ မှာ အပြင်က တရားသူကြီးတွေ၊ ဥပဒေ အရာရှိ ကြီးတွေ၊ ရဲအရာရှိကြီးတွေ၊ ထောင် အရာရှိကြီး တွေ ထိုင်နေတယ်။ညွှန်ချုပ်က သူ့ဩဝါဒထဲမှာ ကျွန်တော့်နာမည်ကို တကြော်ကြော် ခေါ်-အော်-ဖော်တယ်။
“ဆရာကြီး ဦးဝင်းတင်လည်း ဒီနေ့လွတ်ပြီ။ ကျွန်တော်တို့က ဆရာကြီးစာတွေကို ဖတ်ပြီး ကြီးခဲ့တာ။ ဆရာကြီး ကျန်းမာ ချမ်းသာ လိုရာဆန္ဒ ပြည့်ပါစေ”
ညွှန်ချုပ် ဩဝါဒ ဆုံးတော့ အားလုံး ခန်းမထဲက ထွက်ကြတယ်။
ထောင်ဘူး(တံခါးမကြီးခန်းမ)ထဲကို ဝင်ကြတယ်။ အားလုံးတန်းစီ လွတ်လမ်း ချီကြတယ်။ လွတ်လူတွေထဲမှာ ဒီချုပ်က လူငယ်တာဝန်ခံ(၂) မြင့်ဋ္ဌေးပါတယ်။ လွတ်လူတွေ တော်တော်လေး ထွက်ကုန်တော့ ဒုတိယ ညွှန်ကြားရေးမှူးချုပ်က လာပြောတယ်။ ဆရာကြီးနဲ့ ဒီလူတွေ ဒီလူတွေ ခဏနေကြပါဦး။ ပြည်ထဲရေးဝန်ကြီး ဗိုလ်ချုပ်မောင်ဦး လာတွေ့ ချင်တယ် ပြောလို့ပါ။ ဝန်ကြီး စောင့်ရင်း ထမင်းလေး စားပါဦးတဲ့။
ကျွန်တော်တို့ လူသိုက်က ၁ဝ ယောက်။ ကျား ၈၊ မ ၂ ။ (ကျား ၈ ထဲမှာ ဒီချုပ်ခေါင်းဆောင် တစ်ယောက်ပါတယ်။ တောင်ငူမြို့က ဦးအောင်စိုးမြင့်။ ၁၉၉ဝ အထွေထွေရွေးကောက်ပွဲမှာ အရွေးခံခဲ့ရသူ။ ၂ဝ၁၂ ကြားဖြတ် ရွေးကောက်ပွဲမှာလည်း အရွေးခံရသူ။ အခု နေပြည်တော်မှာ လွှတ်တော် တက်နေတယ်)။ ထမင်းစားပြီးရုံ ရှိသေး။ ထောက်လှမ်းရေး ၂ ယောက် ကျွန်တော့်ကို လာခေါ်တယ်။ အကျရုံးကို လိုက်သွားရ တယ်။ အကျရုံးမှာ တစ်အောင့်လောက် မကြာဘူး။ ခေါင်းစွပ်စွပ်ပြီး အပြင်ခေါ်ထုတ်ပြန်တယ်။ တစ်နေရာ ရောက်လို့ ခေါင်းစွပ် ချွတ်တော့။ လားလား ကျွန်တော်မနက်က ထွက်လာခဲ့တဲ့ ထောင်ခန်း။ မနက် ထွက်လာတုန်းက ရှိရှိသမျှ ဘုဉ္ဇာဟိ လုပ်ခဲ့လို့ အခန်းက ပြောင်တလင်းခါနေတယ်။ စားစရာ နတ္တိ၊ ခြုံစရာ ဝတ်စရာ ဘာမျှမရှိ။ ရေသောက်စရာ ခွက်မှ မကျန်။ မိုးသာ စုန်းစုန်းချုပ် သွားတယ်။ ဘယ်သူဘယ်ဝါမှ ကျွန်တော့်အခန်း ပေါ်မလာ။ ကျွန်တော့်ကို ဘာစကား တစ်ခွန်းမှ လာမပြော။
ဒီလိုနဲ့ နောက်ထပ်ထောင်ထဲ မှာ ၂နှစ်ကျော်အပိတ်ခံခဲ့ရပြန်တယ်။ ၂ဝဝ၈ စက်တင်ဘာ ၂၃ မှကျွန်တော် ထောင်က တကယ်လွတ်တယ်။
ထောင်သမိုင်းမှာ ကျွန်တော့်လို ရာဇဝင် ရိုင်းခဲ့တဲ့သူ မရှိခဲ့ဘူး။ ကျွန်တော် ကြားဖူးနားဝ ရှိသလောက် တစ်ယောက်မှ မရှိခဲ့ဘူး။ လူထုဦးလှလို ပုဂ္ဂိုလ် ထောင်ဒဏ် ပြန်ကျော့ခဲ့ရဖူးတယ်။ လွတ်ရက် ရောက်တော့ သူ့ကိုထောင်ဗူးဝရုံး ပို့တယ်။ လွှတ်ဝရမ်း ပေးတယ်။ နောက်ထပ် ပုဒ်မ ၁ဝ (ဃ) ကပ်တယ်။ ထောင်ထဲပြန်သွင်းတယ်။  ထောင်ပြန်ကျတယ်။
ကျွန်တော် အင်းစိန်ထောင်မှာ ရှိနေတုန်း ကွန်မြူနစ်ဗဟိုက ကိုသက်ခိုင်လည်း ထောင်ကျနေတယ်။ တစ်ရက်မှာ သူ့လွတ်နေ့ စေ့တယ်။ စစ်ထောက်လှမ်းရေးတွေ သူ့အခန်းရှေ့ ရောက်လာကြတယ်။ လွှတ်ဝရမ်း ဖတ်ပြတယ်။ ပြီးတော့ ပုဒ်မ ၁ဝ(ဃ)ကပ်တယ်။ သူလည်း တစ်ကျော့ပြန် ထောင်ကျတယ်။
ဒီကိစ္စတွေ ကျွန်တော် သိသားပဲ။ ကြားဖူးသားပဲ။ ဒါပေမယ့် ကျွန်တော့် အဖြစ်နဲ့ မတူကြဘူး။ ကျွန်တော်က လွတ်ပြီးသားလူ။ လွတ်တာမှ ကွင်းလုံးကျွတ် လွတ်ပြီးသားလူ။ ထောင်လုပ်ငန်း သဘောအရ အားလုံး၊ အကုန်လုံး၊ အူတွင်းချေးခါး မကျန် စစ်ပြီးဆေးပြီး မေးပြီး မြန်းပြီး ရာခိုင်နှုန်းပြည့် လွတ်ပြီးသားလူ။ နောက်ထပ် ဘာပုဒ်မမှ မကပ်။  နောက်ထပ် ဘာတရားမှ မစွဲ။ နောက်ထပ် ဘယ်ရုံးမှ မတင်။ ကျွန်တော့်ကို နောက်ထပ် ၂ နှစ်ကျော် ထောင်ထဲသွင်း ပိတ်ထားခဲ့တာဟာ ဘာသဘောလဲ။ ဘာအဓိပ္ပာယ်လဲ။ ဘယ်လို ဖြေရှင်းမလဲ။ ဘယ်လို ခုခံချေပမလဲ။

ဗြောင် မတရားချုပ်နှောင်တာ။ အရပ်စကားနဲ့ ပြောရရင် “ဘလိုင်း” မတရား ချုပ်နှောင်တာ။ ဥပဒေမဲ့ မတရား ချုပ်နှောင်တာ။ စစ်အာဏာရှင်တွေ မတရားလုပ်တာ။ စစ်အစိုးရက နိုင်ငံသားတစ်ဦး အပေါ် တရားမဲ့ပြုတာ။
ကိုင်း… ဥပဒေ ပညာရှင်တွေ ကျွန်တော့်အမှုကို ဘယ်လို အဆုံးအဖြတ် ပေးကြမလဲ။ စစ်အာဏာရှင် တွေကို ဘယ်လို ခုခံကာကွယ်ကြမလဲ။ ကျွန်တော့်ကို ဘယ်လို စောင့်ရှောက် ကြမလဲ။ တရားဥပဒေ စိုးမိုးရေး မရှိခဲ့လို့ ဒီလိုဖြစ်ခဲ့တာလို့ ပြောကြမှာလား။ စစ်အာဏာရှင် ခေတ်က တရား ဥပဒေမဲ့ခဲ့လို့ ဒီလိုဖြစ်တာလို့ ပြောကြမှာလား။
ဒီလို စစ်အာဏာရှင်တွေ၊ စစ်အာဏာရှင် အစိုးရတွေ၊ စစ်အာဏာရှင် ပါးကွက်သားတွေ၊ စစ်အာဏာရှင် လက်ပါးစေတွေ၊ စစ်အာဏာရှင် လက်ကိုင်တုတ်တွေ၊ စစ်အာဏာရှင် ကပ်ပါးတွေ၊ မတရား လုပ်ခဲ့ကြတာတွေ တရားမဲ့ ကျူးလွန်ခဲ့ကြတာတွေ၊ အားလုံးကို သင်ပုန်းချေ ပစ်လိုက်ရမှာလား။
သူတို့အားလုံးကို ဝန်ချ တောင်းပန် ခိုင်းကြမှာလား။
သူတို့အားလုံးကို ပြည်သူ့ခုံရုံးတင်၊ စစ်ဆေး အပြစ်ပေး ကြမှာလား။
သူတို့အားလုံးကို နိုင်ငံတကာ ခုံရုံးတင် စစ်ဆေး အပြစ်ပေး ကြမှာလား။
နိုင်ငံရေးအကျဉ်းသားတွေ အားလုံးအတွက် သူတို့အားလုံးဆီက နစ်နာကြေး၊ လျော်ကြေး၊ တောင်းပန်ကြေး၊ ကန်တော့ကြေး တောင်းကြမှာလား။
စစ်အာဏာရှင်တွေကို နိုင်ငံရေး အမွေဆက်ခံတဲ့ စစ်တစ်ပိုင်း အစိုးရတစ်ခုလုံးကို သမဝါယမအစိုးရအဖွဲ့ လုပ်ခိုင်းကြမှာလား။
လုပ်ချင်တာ လုပ်။ လုပ်သင့်တာ လုပ်။ လုပ်ဖို့လိုတာ လုပ်ကြပါ။
ကောင်းတာချည်းပါပဲ။ ကျွန်တော် ထောက်ခံ ပါတယ်။
အရေးတော်ပုံ တပ်သား တစ်ယောက်အနေနဲ့ သဘောထား ပြောပါလို့ မေးမလား။ နိုင်ငံရေး အကျဉ်းသား ဟောင်းတိုင်းက ဒီလို ပြောကြလိမ့်မယ် ထင်တယ်။

စစ်အာဏာရှင်တွေ တစ်မြုံလုံးကို
ကမ္ဘာမကျေဘူးဟေ့။
ဗမာမကျေဘူးဟေ့။
ငါမကျေဘူးဟေ့။
ကျွန်တော်တစ်ယောက်ထဲရဲ့ ထပ်ဆင့်သဘောထား ဘယ်လို လဲလို့ ထပ်ဆင့်မေးမလား။ ဒီလို ဖြေမိမယ် ထင်တယ်။
စစ်အာဏာရှင်တွေဟာ သမိုင်းကြွေး ဆပ်ကြရမယ့် တာဝန်တွေကလည်း ကင်းလွတ်ခွင့် ရနေကြတယ်။ တရားဥပဒေ ကြွေးဆပ်ကြရမယ့် တာဝန်တွေကလည်း ကင်းလွတ်ခွင့် ရနေကြတယ်။ ကွယ်လွန်သူ စာရေး ဆရာကြီး သတင်းစာ ဆရာကြီး အိုးဝေဦးညိုမြ စကားလုံးအတိုင်း “ငရဲခွေးကြီးလွတ်နေဆဲ” (Hell Hound at Large) လို့ ပြောရမှာပေါ့။
နောက်တစ်မျိုး ပြောရမယ်ဆိုရင် ဒီလို ပြောပြချင်တယ်။
“ကာလပေါ် ငရဲခွေးကြီးတွေ လွတ်နေသေးတယ်”။
ရေးသားသူ (ဟံသာဝတီ) ဦးဝင်းတင်

By:အလင်းရှင် http://aungminkhoung.blogspot.com

ဗိုလ်မှူးကြီးတစ်ဦး အာဏာအလွဲသုံးစားပြုပြီး ဥပဒေကို လက်တစ်လုံးခြားလုပ်ကာ ကိုယ်ကျိုးရှာနေခြင်း

အသောက အသောက အသောက shared Arakan Times's photo.

ဗိုလ်မှူးကြီးတစ်ဦး အာဏာအလွဲသုံးစားပြုပြီး ဥပဒေကို လက်တစ်လုံးခြားလုပ်ကာ ကိုယ်ကျိုးရှာနေခြင်း

မိတ္ထီလာ စစ်ဆေးရုံမှ ဗိုလ်မှူးကြီးတစ်ဦး အာဏာအလွဲသုံးစားပြုပြီး ဥပဒေကို လက်တစ်လုံးခြားလုပ်ကာ ကိုယ်ကျိုးရှာနေခြင်း (မိတ္ထိလာသားတစ်ဦးထံမှ ပးစာ)

မိတ္ထီလာ ခရိုင်အတွင်း မြို.နယ်နှင့် ကျေးရွာများအတွက် အဓိကရေအရင်းအမြစ်ရရှိရာ မိတ္ထီလာကန်ကြီးမှာ ပြန်လည်မတူးဖော်လျှင် မရတော့လောက်အောင် ရေထုညစ်ညမ်းနေပြီ ဖြစ်ပါသည်။

မိတ္ထီလာကန်၏ သဘာဝပတ်ဝန်းကျင်နှင့် ရေဝေရေလဲဒေသကို ထိန်းသိမ်းရန်အတွက် လွန်ခဲ့သောဆယ်နှစ်ခန့်မှစပြီး ကန်ဘေးပတ်လည်တွင် ဈေးဆိုင်များ၊ လူနေအိမ်များ ဆောက်လုပ်ခွင့်ကို တားမြစ်ခဲ့သော်လည်း မိတ္ထီလာစစ်ဆေးရုံမှ ဗိုလ်မှူးကြီး ခင်ဇော်ထွန်းဆို သူ၏ထီလာဦး အထူးကုဆေးခန်းကြီးကိုမူ ခရစ်ယာန်သာသနာ့ နယ်မြေအတွင်း မိတ္ထီလာကန်ဘောင်တွင် ဆောက်လုပ်ခွင့်ပြုထားပါသည်။ ကန်အတွင်းသို့ ဆေးခန်းရှိအိမ်သာများမှ စွန့်ပစ် ရေဆိုးများ၊ ဆေးရုံဆေးခန်းထွက် စွန့်ပစ်ပစ္စည်းများကို စွန့်ပစ်လျက်ရှိပါသည်။ မြို့သူမြို့သားများမှ သက်ဆိုင်ရာသို့ တင်ပြသော်လည်း ဗိုလ်မှူးကြီး ခင်ဇော်ထွန်းသည် ရာထူးအာဏာကို အလွဲသုံးစားပြု ခြိမ်းခြောက်ပြောဆိုသဖြင့် မြို့နယ်စည်ပင်မှ အရာရှိများမှာလည်း ၄င်းအားအရေးမယူရဲဘဲ ဖြစ်နေပါသည်။ ထို့အပြင် ဗိုလ်မှူးကြီး ခင်ဇော်ထွန်းသည် တပ်မတော်မှ ရာထူးကို ခုတုံးလုပ်ကာ ၄င်း၏ဆေးခန်းတွင် စစ်ဆေးရုံမှ တပ်မတော်သားလူနာများကို အခကြေးငွေဖြင့် ကုသခြင်း၊ တရားမ၀င် ခွဲစိတ်ကုသမှုများကို တပည့်တပန်းများဖြင့် ဆရာဝန်ဂုဏ်သိက္ခာနှင့်မညီ ပြုလုပ်နေခြင်း၊ စစ်ဆေးရုံ မှတာဝန်ထမ်းဆောင်ဆဲ ဆရာဝန်တစ်ဦးဖြစ်သော်လည်း တပ်မတော်သားလူနာများအား လုံးဝကြည့်ရှုမှုမရှိဘဲ မိမိဆေးခန်းတွင်သာ အချိန်ပြည့် စစ်ယူနီဖောင်းဖြင့် ကုသနေခြင်း၊ အစ္စလာမ်ဘာသာရေး အဖွဲ့အစည်းများမှ ငွေကြေးထောက်ပံ့မှုယူကာ လစဉ်မျက်စိခွဲစိတ်ကုသမှုများ ပြုလုပ်ပေးသယောင်နှင့် ငွေကြေးချို့တဲ့သော ပြည်သူများနှင့် ဘုန်းတော်ကြီးများအား သွေးခွဲသပ်လျှိုကာ အစ္စလာမ်ဘာသာအပေါ် သဘောထားပျော့ပြောင်းပေးပါရန် စည်းရုံးနေခြင်း၊ အစ္စလာမ်ဘာသာဝင်များ မှတ်ပုံတင်ရရှိစေရန် တဖက်လှည့်နှင့် ပွဲစားလုပ်နေခြင်း၊ နိုင်ငံတော်သို့ တရားဝင် ဆောင်ရမည့်အခွန်များကို ရာထူးအာဏာ အသုံးပြု အာဏာပြကာ အခွန်မဆောင်ဘဲ အခွင့်ထူးရရှိနေခြင်း၊ စသည်တို့ကြောင့် မိတ္ထီလာမြို့ နေပြည်သူများမှ တပ်မတော်အပေါ် အကြည်ညိုပျက်လျှက် ရှိပါသည်။ ၄င်းဗိုလ်မှူးကြီးသည် ဆေးခန်းရှိသူနာပြု ၀န်ထမ်း မိန်းမပျို လေးများအား ခြေတော်တင်ရာတွင်လည်း နာမည်ကြီးသူတစ်ယောက် ဖြစ်ပါသည်။ တစ်ခါ သူ၏ဆေးခန်းမှ ၀န်းထမ်းအမျိုးသမီးအား ခြေတော်တင်မိရာမှ မဖုံးနိုင်မဖိနိုင်ဖြစ်ပြီး လျော်ကြေးပေးကာ ကလေးဖျက်ချခိုင်းသည့် အဖြစ်အပျက် ဖြစ်ခဲ့ဖူးပါသည်။
သို့ ဖြစ်ပါ၍ မိမိကိုယ်ကျိုးစီးပွားအတွက် တပ်မတော်နှင့် သာသနာကို ခုတုံးလုပ်ကာ ကိုယ်ကျိုးရှာ အရာရှိတစ်ဦးအား နိုင်ငံတော် သမ္မတကြီးနှင့် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်မှ ဥပဒေနှင့်အညီ အရေးယူပေးပါရန် မိတ္ထီလာမြို့ အကျိုးရည်မျှော်၍ တင်ပြအပ်ပါသည်

အာဏာအလွဲသုံးစားခဲ့သူများကို နော၂၀၀၈ ခုနှစ်ဖွဲ့စည်းပုံအခြေခံဥပဒေအရ ယခင်အစိုးရခေတ်က က်ကြောင်းပြန် အရေးယူမည့် ဥပဒေ ပြဋ္ဌာန်းခွင့်မရှိဘဲြ

အာဏာအလွဲသုံးစားခဲ့သူများကို နော၂၀၀၈ ခုနှစ်ဖွဲ့စည်းပုံအခြေခံဥပဒေအရ ယခင်အစိုးရခေတ်က က်ကြောင်းပြန် အရေးယူမည့် ဥပဒေ ပြဋ္ဌာန်းခွင့်မရှိဘဲ ပြဋ္ဌာန်းရန် ကြိုးစားပါက ဖွဲ့စည်းပုံ အခြေခံဥပဒေနှင့် ဆန့်ကျင်ကြောင်း ပြည်ထောင်စု ဒုတိယရှေ့နေချုပ် ဦးထွန်းထွန်းဦးက ပြောဆိုလိုက်သည်။

နေပြည်တော်တွင် ဖေဖော်ဝါရီလ ၆ ရက်နေ့က ကျင်းပပြုလုပ်သော
ပြည်သူ့လွှတ်တော် အစည်းအဝေးတွင် သင်္ဃန်းကျွန်း မြို့နယ် ပြည်သူ့လွှတ်တော်
ကိုယ်စားလှယ် ဦးသိန်းညွန့်က “နိုင်ငံသားများ၏ တရားဝင်ရရှိ ပိုင်ဆိုင်ထားသော ရွှေ့ပြောင်းနိုင်သည့် ပစ္စည်း၊ မရွှေ့မပြောင်းနိုင်သည့် ပစ္စည်းနှင့်
စပ်လျဉ်း၍ ထိခိုက် နစ်နာနေသော ပြည်သူများ အတွက် ဖွဲ့စည်းပုံ အခြေခံဥပဒေပါ
အခွင့်အရေးများ အပြည့်အဝရရှိနိုင်ရန် တည်ဆဲဥပဒေများ ကို ပြန်လည် သုံးသပ်ပြီး အပ်နှင်းထားသော အာဏာကို အလွဲသုံးစား ပြုခဲ့သူများအား အရေးယူနိုင်ရန် ပြည်ထောင်စု အစိုးရအဖွဲ့က ရှင်းလင်းပြတ်သားမှုရှိပြီး ပြည်သူလူထုအား အကာအကွယ် ပေးမည့်
အထူးဥပဒေ တရပ် ပြဋ္ဌာန်းပေးပါရန် တိုက်တွန်းကြောင်း” အဆို တင်သွင်းမှုအပေါ် ဦးထွန်းထွန်းဦးက အထက်ပါ အတိုင်း တုံ့ပြန် ပြောဆိုလိုက်ခြင်း ဖြစ်သည်။

၂၀၀၈ ခုနှစ်ဖွဲ့စည်းပုံအခြေခံဥပဒေ ပုဒ်မ ၄၃ အရ မည်သည့် ပြစ်မှုဆိုင်ရာ ဥပဒေမှ နောက်ကြောင်းပြန် သက်ရောက်စေရန် ပြဋ္ဌာန်းခွင့် မရှိစေရဟု ဖော်ပြထားပြီး
ပြဋ္ဌာန်းရန် ကြိုးစားမှုများသည် ယင်းဥပဒေပါ ပြဋ္ဌာန်းချက်ကို ဆန့်ကျင်ကြောင်း
ဦးထွန်းထွန်းဦးက ရှင်းပြသည်။

“အပ်နှင်းထားတဲ့ အာဏာကို အလွဲသုံးစားပြုပြီး ဆောင်ရွက်ခဲ့တဲ့ သူတွေကို
အရေးယူနိုင်ရန် ဥပဒေပြဋ္ဌာန်းဖို့ ကိစ္စကတော့ အဲဒီကာလက အာဏာကို အမှန်တကယ် အလွဲသုံးစား ပြုခဲ့ရင်တောင်မှ အဲဒီအချိန်က ရှိရင်းစွဲ ဥပဒေအရသာ အရေးယူ ဆောင်ရွက်ရမှာ ဖြစ်ပါတယ်။ အခုကာလမှာ အရေးယူနိုင်ဖို့ ဥပဒေ
တရပ်ပြဋ္ဌာန်းမယ် ဆိုရင် ဖွဲ့စည်းပုံအခြေခံဥပဒေ ပုဒ်မ ၄၃ မှာပါတဲ့ မည်သည့်ပြစ်မှုဆိုင်ရာ ဥပဒေမျှ နောက်ကြောင်းပြန် အာဏာသက်ရောက်စေရန် ပြဋ္ဌာန်းခွင့်မရှိစေရဆိုတဲ့
အချက်နဲ့ ဆန့်ကျင်မှာဖြစ်ပါတယ်” ဟု ဦးထွန်းထွန်းဦးက ဆိုသည်။

ပြည်သူ့လွှတ်တော် ဥက္ကဋ္ဌ သူရဦးရွှေမန်းကမူ အာဏာအလွဲသုံးစား ခဲ့သူများကို
နောက်ကြောင်းပြန် အရေးယူနိုင်သည့် ဥပဒေ ပြဋ္ဌာန်းရန်ကိစ္စ မပြောဆိုသင့်တော့ဘဲ နိုင်ငံသားများ၏ အခွင့်အရေးကို ဖွဲ့စည်းပုံ အခြေခံဥပဒေပါ ပြဋ္ဌာန်းချက်အတိုင်း စောင့်ရှောက်နိုင်ရေးသည် အရေးကြီးကြောင်း
ပြောဆိုသည်။

ကိုသောင်း ပုလဲမြေ and Pathan Boylay shared Pa Yit's photo.

မှကူးယူဖေါ်ပြသည် aungminkhoung.bolgspot.com

ပြည်သူ့လွှတ်တော် ကိုယ်စားလှယ် တဦးကမူ ဦးသိန်းညွှန့်၏ အဆိုသည် ရှင်းလင်းမှု
မရှိဘဲ ယခင် စစ်အစိုးရ ခေါင်းဆောင်များ ကျူးလွန်ခဲ့သော ပြစ်မှုများ အလိုက် ပြန်လည်အရေးယူနိုင်မည့် ဥပဒေ ပြဋ္ဌာန်းသကဲ့သို့ ဖြစ်နေသည့်အတွက်
ရှု့ပ်ထွေးမှုများ ရှိစေသည်ဟု ပြောသည်။

“တကယ်တော့ ဖွဲ့စည်းပုံအခြေခံဥပဒေကို လက်ခံလို့ လွှတ်တော်ကို ၀င်ကတည်းက
အရင် စစ်အစိုးရ ခေါင်းဆောင်တွေကို ဘယ်လိုမှ အရေးယူလို့ မရဘူးဆိုတာ အားလုံး နားလည်ထားတာပဲ။ တရားဝင်လည်း ပြဋ္ဌာန်းချက် ရှိထားပြီးသားပဲ။ အခုကတော့ ရှေ့နေချုပ်ကိုယ်တိုင်က ဒါကို ပေါ်ပေါ်တင်တင် ထပြောလာတာဆိုတော့
ပိုပြီး ထင်သာမြင်သာရှိလာတယ်” ဟု ၎င်းက ဆိုသည်။

Credit to : ဧရာဝတီ..
-----------------------------------

အဲဒီအတွက်.
ပျော်ပြီး ထကနေတဲ့သူများ..
စဉ်းအိုးထဲခေါင်းဝင်ပြီး..
ဝမ်းသာအားရ အာခေါင်ခြစ် ဟစ်ကြွေးနေသူများ..
လေပေါင် (၃၀)လောက်ရှိသော..သက်ပြင်းလုံးကြီးများချသူများ..
ရှိကြလိမ့်မည်ထင်ပါသည်..

ပုဂ္ဂိုလ်ရေးအရမုန်းတီးနေလို့တော့မဟုတ်ပါ..

ပြဿနာတွေအားလုံးရဲ့အရင်းအမြစ်ကိုမလှန်ပဲနဲ့တော့??
ဘယ်ပြဿနာမှ ပပျောက်မည်မထင်ပါ..
နတ်သိကြားတွေမှမဟုတ်တာပဲ..
တိုင်းပြည်ကချမ်းသာလွန်းနေတာမှမဟုတ်တာပဲ..

အပျင်းဖျားလိုက်..ဆေးမီးတိုနဲ့ကုလိုက်..
အပျင်းဖျားလိုက်..ဆေးမီးတိုနဲ့ကုလိုက်..
လုံးပါးပါးမည်ထင်ပါ့...

ရဲတွေချဲဖမ်းပြသလိုမျိုး..လက်ခွဲဒိုင်လောက်ကိုပဲဖမ်းပြီး...
ဖမ်းပြပြီး..ဒိုင်ချုပ်ကိုကျတော့..??

လမ်းဘေးကပြည့်တန်ဆာလောက်ကျဖမ်းပြီး..
တကယ့် နိုက်ကလပ်မာဆပ်ကေတီဗွီနာမည်ခံ ဇိမ်ခန်းပိုင်ရှင်များကျတော့??

အော်..မြန်မာပြည်..မြန်မာပြည်..၊
အံ့သြကုန်နိုင်ဖွယ်ပါပဲဗျာ..

တကယ်ကို အော်စကာဆုရထိုက်ပါပေတယ်..၊

ကိုသောင်း ပုလဲမြေ and Pathan Boylay shared Pa Yit's photo.မှကူးယူဖေါ်ပြသည် aungminkhoung.bolgspot.com

မသန့် ရှင်းတဲ့ လေကြောင့် မြန်မာပြည် လေမုန်တိုင်းကြီး မိတော့မည်။

Zawmyo Aung and 2 other people shared Nik Nayman's photo.

မသန့် ရှင်းတဲ့ လေကြောင့် မြန်မာပြည် လေမုန်တိုင်းကြီး မိတော့မည်။

နိုင်ငံတော်သမ္မတရုံးကနေ ပြည်ထောင်စုလွှတ်တော်အစည်းအဝေးသု

ိ့ ဆက်သွယ်ရေးနှင့် သတင်းအချက်အလက်နည်းပညာဝန်ကြီးဌာန ပြည်ထောင်စုဝန်ကြီးအဖြစ် လေတပ်ဦးစီးချူပ် ဗိုလ်ချူပ်ကြီး မြတ်ဟိန်းအား တာဝန်ပေးအပ်လိုပါသဖြင့်
ပြည်ထောင်စုလွှတ်တော်သို့ သ၀ဏ်လွှာပေးပို့ခဲ့တယ်ဆိုလို့  မြတ်ဟိန်းလို လူမျိုးကို သိန်းစိန်လိုလူမျိုးက ထပ်မံပြီး တော်ကောက်လိုက်တာပါဘဲ။ တစ်ဖက်ကလည်း ပြည်သူ့  လွှတ်တော်ထဲကို စစ်ဗိုလ်ချူပ်ကြီးတစ်ယောက်ကို ထပ်မံသွင်း အားဖြည့်လိုက်တာပါဘဲ။

လေတပ်ဦးစီးချူပ် ဗိုလ်ချူပ်ကြီး မြတ်ဟိန်းအကြောင်းတွေ အများပြည်သူ သိအောင် ဖေါ်ပြရပါမယ်။

မြတ်ဟိန်းမတိုင်ခင် လေတပ်ဦးစီးချူပ်ဟောင်း မြင့်ဆွေက ကျော်နေ၀င်းတို့ ကိစ္စမှာ ပါသွားတော့ ၂၀၀၃ ခုနှစ်မှာ မြတ်ဟိန်းဟာ စင်ပေါ်ရောက်လာဖို့  တော်ကောက်ခံခဲ့ရပါတယ်။ ဒါပေမယ့် မြတ်ဟ်ိန်းဟာ အမှတ်စဉ် (၁၇) က ဆင်းတာဖြစ်ပေမယ့် ခင်မောင်တင်၊ တင်မောင်ထွန်း၊ မြတ်ဟိန်း (၃) ယောက်မှာ မြတ်ဟိန်းက အရည်အချင်း အညံ့ဆုံးဖြစ်လို့  ဒီလို ခပ်ညံ့ညံ့သူ လေတပ်ဦးစီးချုပ်ဖြစ်မှ ကြည်းတပ်ဘက်က ဗိုလ်ချူပ်ကြီးတွေက စိတ်ကြိုက်လုပ်လို့ရခဲ့ပါတယ်။ ဒါကိုလည်း မြတ်ဟိန်းက အထက်က ဗိုလ်ချူပ်ကြီးတွေ အကြိုက်လုပ်ပေးရလို့ သူကိုယ်တိုင်ကလည်း နှစ်နှစ်ခြိုက်ခြိုက် ကျေကျေနပ်နပ်ကြီး လေတပ်ဦးစီချူပ်ဘ၀ကို ခံယူနေတာပါ။

မြတ်ဟိန်းဟာ တရုတ်လေယာဉ်တွေ ကြည်းတပ်ဗိုလ်ချူပ်ကြီးတွေ အကြိုက်အရသာ ၀ယ်ပေးခဲ့ပါတယ်။ တရုတ်လေယာဉ်တွေ ကောင်းကောင်း မကောင်းကောင်း မြတ်ဟိန်းဟာ ခေါင်းငြိမ့်ခဲ့ပါတယ်။ လေယာဉ်တစ်စီးဝယ်ရင် မြတ်ဟိန်းက (၁၀) ရာခိုင်နှုန်း ရပါတယ်၊ သူ့ရဲ့  မိန်းမ ထွေးထွေးညွှန့် က ခပ်လည်လည်ဖြစ်သူမို့  သားဖြစ်သူကို တေဇ ဆီအပ်ပြီး ကျွန်ခံခိုင်းပါတယ်။ တေဇဟာ သန်းရွှေတို့ နဲ့  ပိုင်သူဆိုတော့ မြတ်ဟိန်းရဲ့  မိန်းမ ထွေးထွေးညွှန့် က ပေါင်းထားတာပါ။ လေတပ်က အရာရှိတွေ နိုင်ငံခြားသင်တန်းတို့ တပ်ပြောင်းတာတို့ ကို မြတ်ဟိန်းရဲ့  မိန်းမ ထွေးထွေးညွှန့် က ရွှေရရင် လုပ်ပေးပါတယ်။

နောက်အကြောင်းတစ်ခုကတော့ လေတပ်ဦးစီးချူပ် မြတ်ဟိန်း ဒုဗိုလ်ချူပ်ကြီးရာထူးနဲ့  ရှိနေစဉ်တုန်းက သူရဲ့  ခွင့်ပြုချက်တွေနဲ့  မြတ်ဟိန်းရဲ့  ယောက်ဖတော်သူ ပီတာညွှန့် မောင်ဆိုသူဟာ မြန်မာဟာမိုနီဆားဗစ်ဆက် ကုမ္ပဏီရဲ့  ဦးဆောင်ညွှန်ကြားရေးမှူးနေရာ ရထားပြီး၊ ပြည်ပအလုပ်အကိုင်ခွင့်ပြုချက်ရလိုင်စင်နဲ့  အလုပ်သင်တန်းသားတွေခေါ်ယူတယ်ဆိုပြီး ဂျပန်နိုင်ငံမှာ အလုပ်ရမယ်ဆိုကာ ပြည်သူလူထုထဲက အလုပ်လုပ်လိုသူတွေကို တစ်ဦးကို အာမခံငွေ သိန်း (၃၀) တောင်းယူလုပ်စားခဲ့ပါတယ်။ တကယ်ဆိုရင် ဒါဟာ တရားမ၀င်သော ငွေကြေးတောင်းခံမှု ဖြစ်ပြီးတော့ ယောက်ဖဖြစ်သူ ဒုဗိုလ်ချူပ်ကြီး မြတ်ဟိန်းရဲ့  ခွင့်ပြုချက်တွေနဲ့  အလုပ်သမားစုဆောင်းပြီး မတရားသောနည်းလမ်းများနဲ့  အလုပ်လုပ်လိုသူတွေထံက ငွေညှစ်ကာ အကျပ်ကိုင် ချူပ်ကိုင်ထားတာ ဖြစ်သလို ရရှိလာတဲ့ အာမခံငွေတွေကို ကိုယ်ကျိုးစီးပွားအတွက် ပြန်လည် လှည့်သုံးခဲ့တာ ဖြစ်ပါတယ်။ အကြောင်းအမျိုးမျိုးပြပြီး ဒီ အာမခံငွေတွေ ပြန်မပေးနိုင်အောင်လည်း လုပ်ဆောင်ခဲ့တာ ဖြစ်ပါတယ်။ ဒီကိစ္စကို မြတ်ဟိန်းဟာ ယောက်ဖဖြစ်သူနဲ့  ပူးပေါင်းလုပ်ဆောင်ခဲ့တာ ဖြစ်ပါတယ်။

၂၀၀၉ ခုနှစ်တုန်းက မြတ်ဟိန်းရဲ့ သားဖြစ်သူ မောင်းနှင်ခဲ့တဲ့ ကားဟာ ဂျစ်ကားတစ်စီးကို အတင်းကျော်တက်တာကြောင့် ယာဉ်တိုက်မှုဖြစ်ပြီး လမ်းပေါ်က အသက် (၅၀) ခန့် အရွယ် အမျိုးသားတစ်ဦး သေဆုံးခဲ့ရပါတယ်။

လေတပ်ဦးစီးချုပ် မြတ်ဟိန်းက သူ့သား စိုင်းစိုင်း ကားတိုက်မှုဖြစ်ခဲ့တာကို အိမ်က ကားသမား ဒရိုင်ဘာက တိုက်တဲ့ပုံမျိုးနဲ့ အစားထိုးဖန်တီးပြီး သူ့ ရဲ့ သား အပြစ်မကျဖို့ အတွက် လူစားထိုးပြကာ ကားသမား ဒရိုင်ဘာကို အရေးယူတဲ့ပုံစံနဲ့  တပ်ရွှေ့ ပြောင်းပြစ်ခဲ့ပါတယ်။ ဒီလိုမျိုး လေတပ်ဦးစီးချုပ် မြတ်ဟိန်းလူမျိုးဟာ သူရဲ့ သား ကားတိုက် လူသေတာတောင် သူ့ သားကို ဥပဒေအရ လုံးဝအရေးယူမှု မရှိအောင် လိမ်လည်လှည့်ဖြား လုပ်ဆောင်ခဲပါတယ်။ နှုတ်ပိတ်ခ အဖြစ် ငွေ (၁၅) သိန်းပါ ပေးခဲ့ပါတယ်။ ဥပဒေကို မလေးမစား ထင်ရာစိုင်းခဲ့ကြတဲ့ မြတ်ဟိန်းလို အာဏာရှင်ဗိုလ်ချူပ်ကြီးတွေရဲ့  လာဘ်ပေးလာဘ်ယူနေကြတဲ့ လုပ်ရပ်ဟာ ဥပဒေရဲ့  အထက်က အခွင့်ထူးခံတွေ ဖြစ်နေပြီး ဥပဒေကို ဖင်ခုထိုင်ထားကြပါတယ်။ ဥပဒေကို လှည်ဖြားတဲ့ မြတ်ဟိန်းရဲ့  လုပ်ရပ်တစ်ခုပါ။

နောက်တစ်ခုကတော့ မြစ်ကြီးနားလေတပ်က ဗိုလ်ကြီးကတော်တစ်ဦးက နေရာကောင်း ဂွင်ကောင်းရအောင် တပ်ပြောင်းချင်လို့ဆိုပြီး လေတပ်ဦးစီးချုပ် မြတ်ဟိန်းရဲ့ ကတော် ထွေးထွေးညွှန့် ကို စိန်နားကပ် သိန်း (၅၀) တန် ကန်တော့ပါတယ်။ သိပ်မကြာဘူး မြစ်ကြီးနားကနေ သန်းရွှေရဲ့ သားမက် သိန်းနိုင်ရဲ့ တပ်ကို ရောက်သွားပါတယ်။ အကြံအဖန် လာဘ်ပေးလ်ာယူတွေနဲ့  ဥပဒေကို ဂရုမစိုက်ဘဲ လုပ်ချင်သလို လုပ်နေတဲ့ မြတ်ဟိန်းတို့ ဗိုလ်ချူပ်တွေရဲ့  လုပ်ရပ်ထဲက တစ်ခုပါ။

လေတပ်ဦးစီးချူပ် မြတ်ဟိန်းဟာ ရွှေမန်းတို့  သိန်းစိန်တို့ အကြိုက် လိုက်လုပ်သူမို့  တရုတ်ကြီးနဲ့  ဖင်ပြန်ခေါင်းပြန် ပူးပူးကပ်ကပ် ပေါင်းပြပါတယ်။ ရွှေမန်းတို့  သိန်းစိန်တို့ အကြိုက် တရုတ်ပြည်ကို လွှတ်ရင် အားရပါးရ အပြေးကလေးသွားကာ တရုတ်လေယာဉ် ပေါချောင်ကောင်းတွေ ရဖို့  လုပ်ပေးခဲ့ပါတယ်။

လေတပ်ဦးစီးချူပ် ဗိုလ်ချုပ်ကြီး မြတ်ဟိန်းဟာ လာဘ်ပေးလာဘ်ယူတာတွေ တရားဥပဒေကို လိမ်ညာအသုံးပြုတာတွေ အစရှိတဲ့ လုပ်ဆောင်မှုတွေသာမက လေတပ်အတွက် တရုတ်လေယာဉ်တွေ ၀ယ်ယူခြင်းနဲ့  ငွေကြေးချမ်းသာနေသူဖြစ်ပါတယ်။ လက်ရှိ ရွှေမန်းတို့  သိန်းစိန်တို့  မင်းအောင်လှိုင်တို့  အလိုကျ လတ်တလောဖြစ်ပွားခဲ့တဲ့ ကချင်ပြည်နယ်ဒေသ တိုက်စစ်ဆင်ထိုးနှက်မှုမှာ လေကြောင်းတိုက်ခိုက်မှု ပြုလုပ်ဖို့  အမိန့် ပေးခဲ့သူ ဖြစ်ပါတယ်။ ဒီအတွက်ကြောင့် ရွှေမန်းတို့  သိန်းစိန်တို့  မင်းအောင်လှိုင်တို့ အတွက် အရေးကြီးတဲ့ ဆက်သွယ်ရေးဝန်ကြီးဌာနအတွက် ယုံကြည်စိတ်ချရသူ လူယုံတော်ကြီး မြတ်ဟိန်းကို အပိုင်စားပေး တော်ကောက်ချီးမြှင့်လိုက်တာဘဲ ဖြစ်ပါတယ်။

ဒီလို မြတ်ဟိန်းလိုလူ ယနေ့  လွှတ်တော်ထဲ ရောက်ရင်တော့ လွှတ်တော်ကြီးဟာ သိန်းစိန်တို့  ယူနီဖောင်းချွတ်တွေချည်းဘဲ ပိုပိုလာလို့  ယခင်က န၀တတို့  နအဖတို့ လိုဘဲ အာဏာရှင်ဗိုလ်ချူပ်ကြီးတွေ ကြီးစိုးနေတဲ့နေရာ ဖြစ်နေတာ ပိုသိသာနေပါပြီ။

လေတပ်က မြတ်ဟိန်းရဲ့  မသန့် ရှင်းတဲ့ လေတွေကြောင့် လွှတ်တော်ကြီးနဲ့  ဆက်သွယ်ရေးဝန်ကြီးဌာန၌သာမက မြန်မာပြည်တစ်ဝှမ်း လေမုန်တိုင်းမိတော့မှာပါ

သူရဲကောင်းမှတ်တမ်းဝင်တံဆိပ်

Shwe Zin shared Duwa Kachin's photo.

ရှက်စရာကောင်းလိုက်တဲ့ သူရဲကောင်း မှတ်တမ်းများ

ကချင်လူမျိုး သတ်တဲ့ ဗမာ သူရဲကောင်း များ စာရင်း ထွက်ပြီ။
******************************

******

သမ္မတကြီးက ထိုးစစ်မဆင်ပါဘူး ဆိုပြီး တလျှောက်လုံး ဘူးခံနေလျှက် အခုတော့ သူရဲကောင်းဘွဲ့တွေတောင် တသီတတန်းကြီး ပေးနေပြီ။ ဘာအတွက် သူရဲကောင်းလဲတော့ မသိဘူး။ ကချင်ရွာ ၂၀၀ ကျော် နဲ့ ခရစ်ယာန် ဘုရား ရှိခိုးကျောင်း ၆၆ ပါး ဖျက်ဆီး လိုက်နိုင်လို့ ထင်ပါတယ်။ (http://kachinduwa.blogspot.com/2013/01/blog-post_31.html) ကချင်အရပ်သား အများအပြားကိုလဲ သတ်နိုင်ခဲ့ပါတယ်။ မဒိမ်းကျင့်ခဲ့ကြတယ်။

ရွာ ပျက်စီး သွားလို့ နေစရာအိမ် မရှိပဲ အခုထိ စစ်ပြေးဒုက္ခသည်ဘ၀ အနေနဲ့ ခိုလုံ နေရတဲ့ ကချင်လူမျိုး တစ်သိန်းကျော် ရှိနေပါတယ်။ ကချင်ပြည်နယ်များ ကချင်တွေပဲ နေတာ မဟုတ်ဘူး ဆိုပေမယ့်၊ ဒုက္ခသည်ကျတော့ ကချင်လူမျိုးတွေပဲ ဖြစ်နေရတာလဲ တမျိုးပဲနော်။

ကေအိုင်အေ သာ ရွာဖျက် စစ်ကြောင်းများကို မခုခံနိုင်ခဲ့လျှင် ကချင်ရွာသားများ ပြေးချိန်တောင် ရလိုက်မှာ မဟုတ်ပါ။ Nam Lim Pa ရွာ ရဲ့ အဖြစ်အပျက်လေးက သာဓက တခု ဖြစ်သည်။ စစ်ကြောင်းများ ရွာထဲ ၀င်လာတော့ ခါတိုင်း လာနေကျ စစ်တပ်များ အထင်နဲ့ ငေးကြည့်နေကြတဲ့ ရွားသားများ လမ်းဘေး စော့နေတဲ့ ကလေးများပါ မကျန် သရစပ် ပစ်သတ်သွားကြောင်း၊ နော်ဝေ နိုင်ငံ အခြေစိုက် Partners Relief & Development အဖွဲ့ရဲ့ Crimes in Northern Burma အစီရင်ခံစာမှာ စုံစုံလင်လင် ဖေါ်ထုတ်ထားပါတယ်။ (http://www.burmacampaign.org.uk/images/uploads/Crimes_in_Northern_Burma.pdf)

ပြည်ထောင်စု တပ်ပါလို့ ပြောနေလျှက်နဲ့ သူရဲကောင်းဘွဲ့ရတဲ့ စာရင်းမှာ ကချင် တစ်ယောက်မှ မပါတာတော့ မထူးဆန်းပေမယ့်၊ ဗမာ စစ်တပ်ဟာ ပြည်ထောင်စု တပ် မဟုတ်ဘူး ဆိုတာ အထောက်အထား တခု ရတာပေါ့။

နောက်ပြီး ခြေလျင် တပ်ရင်းတွေကလဲ များမှ များပဲ။ ကချင်ပြည်နယ်ထဲက ခြေလျင်တပ်ရင်းတွေ မဟုတ်တာတော့ သေခြာပါတယ်။ ရိပ်ခါ ပို့တဲ့ တပ်ရင်းတွေကလဲ မနည်းမနောပဲ။

တတ်လဲ တတ်နိုင်လွန်းပါတယ်။

-----------------

ပြည်ထောင်စုသမ္မတမြန်မာနိုင်ငံတော်

နိုင်ငံတော်သမ္မတရုံး

အမိန့်ကြော်ငြာစာအမှတ် ၂/၂ဝ၁၃

၁၃၇၄ ခုနှစ်၊ နတ်တော်လပြည့်ကျော် ၇ ရက်
(၂ဝ၁၃ ခုနှစ်၊ ဇန်နဝါရီလ ၄ ရက်)

နိုင်ငံတော်သမ္မတက အောက်ဖော်ပြပါပုဂ္ဂိုလ်များအား ဂုဏ်ထူးဆောင်
ဘွဲ့များ၊ ဂုဏ်ထူးဆောင်တံဆိပ်များကို အပ်နှင်းလိုက်သည်

သူရဘွဲ့

၁။ ကြည်း ၅၇၉၇၉ ဗိုလ် ကျော်ဇေယျ အမှတ် (၃ဝ၁)ခြေမြန်တပ်ရင်း
၂။ ကြည်း ၅၇၅၁၆ ဗိုလ် သန့်ဇင်ဦး အမှတ် (၇၇)ခြေလျင်တပ်ရင်း
၃။အမှတ် ၅ဝ၉၅၆၉ တပ်ကြပ်ကြီး သန်းနွဲ့ အမှတ် (၇၇)ခြေလျင်တပ်ရင်း

သူရဲကောင်းမှတ်တမ်းဝင်တံဆိပ်

၁။ ကြည်း ၂၇၅၁၈ ဒုတိယဗိုလ်မှူးကြီး တင်မောင်ဦး အမှတ် (၇၇)ခြေလျင်တပ်ရင်း
၂။ ကြည်း ၃ဝ၂၇၈ ဗိုလ်မှူး ရဲထွဋ် အမှတ် (၉၈)ခြေလျင်တပ်ရင်း
၃။ နခတ - ၁ဝဝ၁၆ ဗိုလ်မှူး စောမြခိုင် အမှတ် (၁ဝ၁၆)နယ်ခြားစောင့်တပ်
၎။ ကြည်း ၃၅ဝ၈၇ ဗိုလ်ကြီး သန်းကျော် အမှတ် (၄)ဝန်တင်တပ်ရင်း
၅။ ကြည်း ၃၉၃၂၂ ဗိုလ်ကြီး ခင်လှဝင်း အမှတ် (၃၂၁)ခြေမြန်တပ်ရင်း
၆။ ကြည်း ၃၉၇၁ဝ ဗိုလ်ကြီး ချစ်ကိုကို အမှတ် (၁ဝ)ခြေလျင်တပ်ရင်း
၇။ ကြည်း ၄ဝ၃၂၇ ဗိုလ်ကြီး အောင်ထွေးဝင်း အမှတ် (၃ဝ၁)ခြေမြန်တပ်ရင်း
၈။ ကြည်း ၄ဝ၅၉၉ ဗိုလ်ကြီး ရန်နောင်မိုး အမှတ် (၇၇)ခြေလျင်တပ်ရင်း
၉။ ကြည်း ၄၁၅၅၆ ဗိုလ်ကြီး တင်ဦး အမှတ် (၄၁၅)ခြေမြန်တပ်ရင်း
၁ဝ။အမှတ် ၅၂၇၇၂၈ တပ်ခွဲတပ်ကြပ်ကြီး စောမာရှယ် အမှတ် (၇၇)ခြေလျင်တပ်ရင်း
၁၁။အမှတ် ၆၁၂၅၉၆ တပ်ခွဲတပ်ကြပ်ကြီး မင်းနိုင် အမှတ် (၃၁၇)ခြေမြန်တပ်ရင်း
၁၂။အမှတ် ၆ဝ၉၉၇၆ တပ်ကြပ်ကြီး စိုးနိုင် အမှတ် (၁ဝ)ခြေလျင်တပ်ရင်း
၁၃။အမှတ် ၆၁၉၈၇ဝ တပ်ကြပ်ကြီး ဆန်းဝင်း အမှတ် (၃ဝ၁)ခြေမြန်တပ်ရင်း
၁၄။အမှတ် ၆၃၁၅၁၆ တပ်ကြပ်ကြီး ရဲမြင့်အောင် အမှတ် (၁၃)ခြေလျင်တပ်ရင်း
၁၅။အမှတ် ၇၇၂၃ဝ၂ တပ်ကြပ်ကြီး ဌေးမောင် အမှတ် (၇၇)ခြေလျင်တပ်ရင်း
၁၆။အမှတ် ၇၇၂၂၆၅ တပ်ကြပ် လှမြင့် အမှတ် (၇၇)ခြေလျင်တပ်ရင်း
၁၇။အမှတ် ၈၆၇၂၉၆ တပ်ကြပ် တင်ငွေ အမှတ် (၄၁၅)ခြေမြန်တပ်ရင်း
၁၈။အမှတ် ၉၁၇ဝ၈၄ ဒုတိယတပ်ကြပ် ရွှေဌေး အမှတ် (၃ဝ၁)ခြေမြန်တပ်ရင်း
၁၉။ အမှတ်တ-၃၇၄ဝ၅၁ ဒုတိယတပ်ကြပ် လှိုင်မင်းသူ အမှတ် (၃ဝ၁)ခြေမြန်တပ်ရင်း
၂ဝ။ အမှတ်တ-၃၇၆၂၄ဝ ဒုတိယတပ်ကြပ် သော်တာအောင် အမှတ် (၃၁၇)ခြေမြန်တပ်ရင်း
၂၁။ အမှတ်တ-၂၃၁၅၂၆ တပ်သား သူအောင် အမှတ် (၃ဝ၁)ခြေမြန်တပ်ရင်း
၂၂။ အမှတ်တ-၃၂ဝ၂၉၅ တပ်သား မောင်စိုး အမှတ် (၁ဝ)ခြေလျင်တပ်ရင်း
၂၃။ အမှတ်တ-၃၆၅၃၁၉ တပ်သား မျိုးသန့် အမှတ် (၇၈)ခြေလျင်တပ်ရင်း
၂၄။ အမှတ်တ-၄ဝ၄ဝ၅၃ တပ်သား မင်းသူ အမှတ် (၇၇)ခြေလျင်တပ်ရင်း
၂၅။ အမှတ်တ-၄ဝ၆၅၄၆ တပ်သား ငြိမ်းချမ်းအောင် အမှတ် (၇၈)ခြေလျင်တပ်ရင်း

(ဖိုး သားလေး)
--------------

(သူရဘွဲ့ ၃ ဦး နှင့် သူရဲကောင်းမှတ်တမ်းဝင် ၂၅ ဦး သမ္မတ ချီးမြှင့်
Friday, February 08, 2013

၂၀၁၂ ခုနှစ်အတွက် စစ်ဘက်ဆိုင်ရာ ဘွဲ့တံဆိပ်တွေကို သမ္မတက လက်မှတ်ရေးထိုး ထုတ်ပြန်လိုက်ကြောင်း ၂၀၁၃ ဖေဖော်ဝါရီပြန်တမ်း
ဖော်ပြချက်အရ သိရပါတယ်။

စစ်ဘက်ဆိုင်ရာ ဘွဲ့တံဆိပ်တွေအနက် အမြင့်ဆုံးဖြစ်တဲ့ အောင်ဆန်းသူရိယ၊ သီဟသူရ ဘွဲ့တံဆိပ်ရသူ မရှိဘဲ သူရဘွဲ့ရသူ ၃ ယောက်နဲ့ သူရဲကောင်း
မှတ်တမ်းဝင် တံဆိပ်ရရှိသူ ၂၅ ယောက် ပါရှိပါတယ်။

ဗိုလ်ချုပ်ကြီးလှဌေးဝင်း၊ ဒု-ဗိုလ်ချုပ်ကြီး ၃ ယောက် အပါအ၀င် ဒုတပ်ကြပ်ကနေ အထက်အဆင့် အရာရှိ၊ အရာခံ အကြပ် စုစုပေါင်း ၁၅၁၇ ယောက်ကိုတော့ စစ်မှုထမ်း သင်္ဂဟတံဆိပ် အပ်နှင်းလိုက်ကြောင်း
ပြန်တမ်းမှာ ဖော်ပြထားပါတယ်။

(Opposite Eye)

ခရီးရှည်ကြီးဆက်လျှောက်ရဦးမယ့် မြန်မာ့စီးပွားရေး ပြုပြင်ပြောင်းလဲမှု

ခရီးရှည်ကြီးဆက်လျှောက်ရဦးမယ့် မြန်မာ့စီးပွားရေး
ပြုပြင်ပြောင်းလဲမှု

ပြီးခဲ့တဲ့နှစ်အတွင်း မြန်မာမှာ အစပြုခဲ့တဲ့ နိုင်ငံရေးနဲ့ စီးပွားရေး
ပြုပြင်ပြောင်းလဲမှုတွေဟာ အများကြီးအလေးပေးချင်စရာ
အာရုံစိုက်မှုတွေ ရအောင် ဆွဲဆောင်နိုင်ခဲ့ပါတယ်။ နိုင်ငံတကာရဲ့ သဘောထားပြောင်းလဲလာအောင် အလှည့်အပြောင်းလုပ်ရင်း
ယခင်က ကိုယ့်ဘာသာ သီး ခြားတည်ရှိခဲ့တဲ့ အထီးကျန်နိုင်ငံ
တစ်ခုဟာ အခုတော့ ပြုပြင်ပြောင်းလဲရေးအစီအစဉ်နဲ့အတူ ပိုကောင်းတဲ့ကာလတွေကို ရရှိဖို့မျှော်မှန်းနိုင်ပြီ ဖြစ်ပါတယ်။
ဒါပေမယ့် ဒီမျှော်မှန်းချက်ဟာ ကျေးလက်ဒေသတွေမှာ နေထိုင်
နေရတဲ့ ပြည်သူအများစုအတွက် ဖြစ်စေ၊ တိုင်းပြည်ရဲ့လူနည်းစု တိုင်းရင်းသားများအတွက်ဖြစ်စေ အကျိုးရှိစေရပါမယ်။ ဒီအတွက်
ခိုင်မြဲတဲ့ အဖြေကိုရရှိဖို့ဟာ အချက်အလက်များစွာပေါ် မူတည်
နေပြီး၊ စီးပွားရေးပြုပြင်ပြောင်းလဲမှုအပေါ် မူတည်နေတာမျိုး
ချည်းတော့ မဟုတ်ပါဘူး။

မြန်မာမှာ အခုလက်ရှိအချိန်ထိ တကယ်လုပ်ဆောင်နေတဲ့ စီးပွားရေးပြုပြင်ပြောင်းလဲမှုတွေက ရောထွေးနေဆဲပါပဲ။
အချို့သော သတင်းပေးပို့ ချက်တွေက ဆိုကြတာတွေထက်
နည်းနည်းတော့ ဇာတ်ဆန်နေတဲ့ အနေအထားမျိုးပါ။ သမ္မတ ဦးသိန်းစိန်ရဲ့ နိုင်ငံသုံးကျပ်ငွေကို နှုန်းရှင်မျှောထားဖို့ ဆုံးဖြတ်
ချက်ကိစ္စဟာ အများကြီး မှတ်သားလောက်တဲ့ ကိစ္စဖြစ်ပြီး
ပြုပြင်ပြောင်းလဲရေး ရည်ရွယ်ချက်ကို ပြသတဲ့ ပထမဆုံး
လက္ခဏာလည်း ဖြစ်ပါတယ်။ မြန်မာ့နိုင်ငံပိုင်လုပ်ငန်းတွေရဲ့
နိုင်ငံခြားငွေကြေး လဲလှယ်မှုတွေထဲကို ပွင့်လင်းမြင်သာမှုတွေ ထည့်သွင်းလိုက်တာဟာ သြ ဇာကြီးမားတဲ့ ပိုင်ဆိုင်မှုအကျိုး
စီးပွားတွေကို ထိပ်တိုက်ရင်ဆိုင်လိုက်တဲ့ ဆုံးဖြတ်ချက်တစ်ရပ်
လည်း ဖြစ်ခဲ့ပါတယ်။ ဒီလုပ်ငန်းတွေရဲ့ ဝင်ငွေတွေက အရင်ကဆို ဖုံးကွယ်ထားခဲ့တာဖြစ်ပြီး မြင်သာမှုမရှိခဲ့ပါ။

မြန်မာရဲ့ အခြားပြုပြင်ပြောင်းလဲမှုတွေထဲမှာ ငွေလဲနှုန်းပြောင်းလဲ
မှုလောက် မရဲရင့်ပေမဲ့ တန်ဖိုးရှိတဲ့ ပြောင်းလဲမှုတွေထဲမှာ အချို
့သော သွင်း ကုန်နဲ့ ပို့ကုန်အခွန်တွေကို ဖြေလျှော့ပေးခဲ့တာ၊ ဘဏ်လုပ်ငန်းကဏ္ဍကို လွတ်လပ်မှုအနည်းငယ်ပေးခဲ့တာ၊
မကြာမီမှာလည်း တယ်လီဖုန်း ဆက်သွယ်ရေးကဏ္ဍကို ပုဂ္ဂလိက လက်ထဲဖွင့်ပေးတော့မှာ၊ အသေးစားချေးငွေဆိုင်ရာ ဥပဒေသစ်
ချမှတ်မှာ၊ ပြီးတော့ ကျန်းမာရေးနဲ့ပညာရေး ကဏ္ဍတွေမှာ နည်းကောင်းနည်းပေမဲ့ ဟိုယခင်ကထက် ဘဏ္ဍာရေးအသုံး
စရိတ် ပိုသုံးတော့မှာတွေကလည်း ပါဝင်နေတာပါ။ ဒါပေမယ့်
ပြုပြင် ပြောင်းလဲမှုတွေနဲ့  ဥပဒေသစ်ဆီဦးတည်ခြင်းကိစ္စမှာ တိုင်းပြည်ရဲ့စီးပွားရေးကို ယခင်က လွှမ်းမိုးခဲ့တဲ့ ခရိုနီတွေက
ဖေါ်ပြနေတဲ့ ကိုယ်ကျိုးစီး ပွား ကာကွယ်ရေးဝါဒဆန်တဲ့ အစိတ်အပိုင်းတချို့ကိုတော့ မြင်တွေ့ နေရဆဲပါပဲ။ ဒီတော့ အကျိုးဆက်အနေနဲ့ ဒီဥပဒေဟာ ဖြစ်နိုင်သလောက် လစ်ဘရယ်မဖြစ်တော့ဘဲ ဒီခရိုနီတွေရဲ့သြဇာလွှမ်းမိုးမှုကို ပျယ်လွင့်သွားအောင် မလုပ်နိုင်သေးတာကို ပြနေတာတွေ့ 
ရပါတယ်။

မန်မာ့စီးပွားရေး ပြုပြင်ပြောင်းလဲမှုတွေမှာ အအောင်မြင်ဆုံး
ကိစ္စကတော့ အစိုးရနဲ့ နိုင်ငံတကာငွေကြေးရန်ပုံငွေအဖွဲ့ 
(အိုင်အမ်အက်ဖ်)တို့ အကြား လာမယ့်နှစ်ကစလို့ ငွေကြေးနဲ့ 
စီးပွားရေးဆိုင်ရာ ပေါ်လစီတွေချမှတ်နိုင်ဖို့ သဘောတူညီမှု
ရခဲ့တာပါပဲ။ ဒီလိုသဘောတူထားတဲ့ ပေါ် လစီတွေထဲမှာ
နောက်ထပ်ပြီး ငွေလဲနှုန်းပြုပြင်ပြောင်းလဲရေးတွေ ဆက်လုပ်
သွားဖို့၊ မြန်မာရဲ့ဘတ်ဂျတ်လိုငွေပြမှုကို စုစုပေါင်းအမျိုးသား
ထုတ်ကုန် ဂျီဒီပီရဲ့ ၅ ရာခိုင်နှုန်း လောက်အထိသာရှိအောင်
ထားဖို့၊ အခွန်မှရငွေပိုတိုးဖို့နဲ့ ပြည်သူ့ဘဏ္ဍာရေးဆိုင်ရာ စီမံ
ခန့်ခွဲမှုတွေမှာ တိုးတက်စေ ဖို့ ဥပဒေတွေ ချမှတ်ပြဋ္ဌာန်းရေး
လည်း ပါဝင်ပါတယ်။ ဒါ့အပြင် နိုင်ငံတကာကြွေးကျန်တွေ ရှင်းလင်းပေးဖို့တွေလည်း ပါဝင်ပါသေးတယ်။ တကယ်တော့ ဒါဟာ နိုင်ငံရဲ့မက်ကရိုအဆင့် စီးပွားရေးတည်ငြိမ်မှုကို တိုး
တက်စေဖို့ ရည်ရွယ်ထားခဲ့တာပါ။ ပေါ်လစီတွေနဲ့ အကောင် အထည် ဖေါ်ဆောင်ရွက်မှုတွေ အကုန်လုံးကိုလည်း အိုင်အမ် အက်ဖ်ရဲ့ စောင့်ကြည့်ရေးအဖွဲ့ က သတ်မှတ်တိုင်းတာ ချက်
တွေနဲ့အညီ စောင့်ကြည့်သွား မှာပါ။

ယခုလို မက်ကရိုစီးပွားရေးအဆင့်မှာ စီမံခန့် ခွဲမှုဆိုင်ရာ
အားသသာချက်တွေ ရရှိသွားပေမဲ့ လက်တွေ့ အခြေအနေ
တွေထဲမှာတော့ ရန်ကုန်နဲ့ နေပြည်တော်လို မြို့ ပြကြီးတွေရဲ့ အပြင်ဘက်နယ်တွေမှာ နေထိုင်နေကြရတဲ့ ပြည်သူတွေရဲ့
ဘဝဟာကျပ်တည်းနေဆဲ ရှိပါသေးတယ်။ မြန်မာ့ ကျေးလက်မှာ
နေထိုင်နေတဲ့လယ်သမားတွေနဲ့ အခြားသူတွေကြားထဲမှာတော့
ဆွေးနွေးကြည့်ရသလောက် စီးပွားရေးအနေအထားတွေက အဆိုးဝါးဆုံးအခြေအနေကို ရောက်ရှိနေတာ တွေ့ ရပါတယ်။

လယ်သမားတွေကြားမှာ ကြွေးမြီတွေမတရားများပြားလာမှု၊ လယ်ယာမဲ့ဘဝနဲ့ နေထိုင်ရမှုတို့ဟာ အဆိုးဆုံးအနေအထားကို
ရောက်ရှိနေပါတော့ပါတယ်။ ဒီထဲမှာ အားနည်းတဲ့ ငွေလဲနှုန်း စီမံခန့်ခွဲမှုကလည်း ပြဿနာဖြစ်နေ ဆဲပါ။ အထက်မှာဖေါ်ပြခဲ့
သလို ကျပ်ငွေလဲလှယ်နှုန်းကို အလွတ်မျှောထားဖို့  ဆုံးဖြတ်
ချက်ဟာ ကောင်းမွန်ပေမဲ့ တိကျတဲ့ငွေစီးဆင်းပုံအဆင့်ကို
ဆုံးဖြတ်နိုင်တဲ့ ယန္တရားမှာ အားနည်းချက် ရှိနေပါတယ်။ ဒါ
ကြောင့်ငွေလဲနှုန်းဟာ သိပ်မြင့်နေပါတော့တယ်။ ဒါက ငွေဖေါင်း
ပွမှုကိုဖြစ်စေပြီး လက်လုပ်လက်စားလယ်သမားတွေ၊ တံငါ
သည်တွေ ၊အသေးစားလုပ်ငန်းရှင်လေးတွေက ထုတ်လုပ်တဲ့ ကုန်ပစ္စည်းတွေကို ဒေသတွင်း ဈေး ကွက်မှာရော၊ ပြည်ပ
ဈေးကွက်မှာပါ ပြိုင်ဆိုင်နိုင်စွမ်း မရှိစေတော့ဘဲ ကျပ်ငွေနဲ
့ရတဲ့ ဝင်ငွေတွေကိုလည်း နည်းသွားစေပါတော့တယ်။

မြန်မာမှာ ပေါ်လစီရေးရာပိုင်းမှာ ရှိလာနေတဲ့ ကြေငြာချက်
တွေနဲ့ ပြည်သူတွေရဲ့တကယ့်ဘဝအတွင်းက စီးပွားရေး အတွေ့ အကြုံတွေကြားမှာ ကွာဟချက်တွေရှိနေတာကို တခြားသောအချက်တွေကလည်း ရှင်းပြနိုင်ပါသေးတယ်။
ဒီကိစ္စမှာတော့ အထက်က ပေါ်လစီချမှတ်မှုတွေကို လုပ်
ဆောင်ရမယ့် အောက်ခြေဗျူရိုကရေစီ ယန္တရားအတွင်းက အပြောင်းအလဲလုပ်ရမှာကြောက်တဲ့ ပြဿနာတွေကိုလည်း
ထည့်သွင်းတွက် ချက်ရမှာပါ ။

ခြုံငုံကြည့်ရရင်တော့ မြန်မာမှာ ပြုပြင်ပြောင်းလဲရေးတွေ
လုပ်ဆောင်ရာမှာ အခြေခံကျတဲ့ အပြောင်းအလဲကတော့ စီးပွားရေး ပြုပြင်ပြောင်းလဲမှု ဖြစ်ပြီး ဒါကိုဖေါ်ဆောင်ရေးမှာ အသေးစိတ်အချက်တွေကို ထည့်သွင်းစဉ်းစားနိုင်ကြဖို့ လို
ပါတယ်။ စိုက်ပျိုးကဏ္ဍမှာ အလွဲကြီးလွဲနေတဲ့ တချက်ကတော့ လယ်သမားတွေမှာ စိုက်ပျိုးထုတ်လုပ်ပိုင်ခွင့်ခေါ် production rights တွေမရှိတာပါ။ ဒါက လယ်သမားတွေအနေနဲ့ ဘယ်သီးနှံ
ကို ဘယ်လို၊ ဘယ်အချိန်မှာ ထုတ်လုပ်ရောင်းချမယ်ဆိုတာကို ကိုယ်တိုင်ဆုံးဖြတ်တာပါ။ စိုက်ပျိုးရေးအတွက် အခြေခံအကျ
ဆုံးဖြစ်တဲ့ ကျေးလက်လမ်းတွေ တည်ဆောက်ပေးခြင်းလို အခြေခံအဆောက်အအုံ infrastructure ဆိုင်ရာပိုင်းတွေ လို
အပ်နေပါတယ်။ ဒီနေရာ ကဏ္ဍတွေမှာ ရင်းနှီးမြုပ်နှံရတာတွေဟာ သိပ်ပြီးတန်ဖိုးကြီးမှာဖြစ်ပါတယ်။ ဒါပေမဲ့ စစ်တပ်အပါအဝင် ကုတ်ထုတ်လုပ်မှုမရှိတဲ့ နေရာတွေမှာသုံးနေတဲ့ အသုံးစရိတ်
တွေကို လျှော့ချခြင်းဖြင့် ကုန်ကျစရိတ်တွေကို ထိန်းညှိနိုင်ပါ တယ်။ မြန်မာရဲ့စီးပွားရေးပြုပြင်ပြောင်းလဲမှုမှာနိုင်ငံရေးပြုပြင်
ပြောင်းလဲမှုက လည်း အဓိကကျနေပါသေးတယ်။ ကချင်နဲ့ 
ရခိုင်လို ပဋိပက္ခဖြစ်ပွားနေတဲ့ ဒေသတွေမှာ အခြေခံစီးပွားရေး အချက်တွေဟာလည်း ပျောက်ဆုံး နေမှာပါ။ စီးပွားရေးပညာ
ရှင်တွေဟာ တစ်ခါတလေမှာတော့ မြေယာပိုင်ဆိုင်ခွင့်ရဲ့ 
အရေးပါပုံအကြောင်းပြောလေ့ရှိပါတယ်။ဒါပေမဲ့ အခြေခံ အကျဆုံးအချက်တစ်ခုဖြစ်တဲ့ လူ့လုံခြုံမှုအခြေအနေကို မပြ
ဋ္ဌာန်းနိုင်ရင်တော့ စီးပွားရေးတိုးတက်မှုနဲ့ လူမှုဘဝဖွံ့ ဖြိုးရေး တို့ဟာလည်း ပျောက် ဆုံးနေမှာ ဖြစ်ပါတယ်။

မြန်မာမှာ ဖြစ်ပေါ်ခဲ့တဲ့ မကြာမီက ပြုပြင်ပြောင်းလဲမှုတွေဟာ အံ့သြမင်သက်စရာ အများကြီးကို ဖြစ်စေခဲ့ပါတယ်။ ဒါပေမဲ့ ဒီအပြောင်းအလဲ တွေဟာ အခုထိတိုင် မပြည့်စုံနိုင်သေးပါဘူး။
ပြုပြင်ပြောင်းလဲရေးကို အရှိန်မြှင့်ခြင်းဟာ မြန်မာအစိုးရသစ်ရဲ့
ကြေငြာထားခဲ့တဲ့ ရည်မှန်းချက်လည်း ဖြစ်ပါတယ်။ နည်းပညာ ပိုင်းအရ ဖြေရှင်းမှုတွေဟာလည်း လက်တကမ်းမှာ ရောက်ရှိ
နေခဲ့ပါပြီ ။ဒီဖြစ်စဉ်ကို ရှေ့ ဆက်တိုးဖို့ ဆန္ဒပြင်းပြ ခြင်း ၊ပို၍
ပို၍ပြည့်စုံစွာ၊ အကုန်အကျခံကာ ပြုလုပ်ခြင်းဟာလည်း လက်
တစ်ကမ်းမှာ လုပ်နေရမယ့် အလုပ်ဖြစ်ကြောင်းပါ။

ကိုသွင်

Ref: Economic Reform in Myanmar: The Long Road Ahead
by Sean Turnell

မူရင်းဆောင်းပါးရှင်ရှောင်တန်နယ်သည် ကမ္ဘာ့ဘဏ်၏ စီးပွားရေး ပညာရှင်ဟောင်းတစ်ဦးဖြစ်ပြီး မြန်မာ့စီးပွားရေးနှင့် နိုင်ငံရေးဆိုင်ရာ
လေ့လာမှု များစွာ ရေးသား၊သုတေသနပြုခဲ့သူတစ်ဦး ဖြစ်သည်။
ACM Re-post Time: 2013 Feb 10
News from: The Myanma Age

အေးချမ်းမွန်

Zawmyo Aung shared Aye Chan Mon's photo.မှကူးယူဖေါ်ပြပါသည်

By:အလင်းရှင် http://aungminkhoung.blogspot.com

မောင်သွေးချွန်က ဒေါက်တာ သန်းထွန်း ရဲ့ အမှား တွေကို ထောက်ပြထားတယ်

Nyein Chan Aye

မောင်သွေးချွန်က ဒေါက်တာ သန်းထွန်း ရဲ့ အမှား တွေကို ထောက်ပြထားတယ်ဆိုတဲ့ စာအုပ် အွန်လိုင်းရောက်လာလို့ “ဘုရား” တ မိပြီး အကြမ်းဖျင်း အမြန် ဖတ်ဖြစ်တယ်..။ သူထောက်ပြတဲ့ အများစု က ရီစရာ ဖြစ်နေသလို ပြန်ဖြေရှင်းတဲ့ အချက်တွေက ပိုပြီး ရီစရာကောင်းတယ်..။ ဒဏ္ဍာရီ၊ ပါးစပ်ရာဇဝင်၊ မင်းကို မြှောက်ရေးရတဲ့ ရာဇဝင် နဲ့ သမိုင်း ဆိုတဲ့ ပညာရပ်သဘော ကို ကွဲပြီး မမြင်နိုင်ခြင်းဆိုတဲ့ အဓိက အကြောင်းကြောင့် ဒီလို ဗုံမဟုတ်၊ ပတ်မဟုတ်စာတွေ ပေါ်လာတာပဲ လို့ ယူဆတယ်..။

ဒေါက်တာသန်းထွန်းက ပုဂံခေတ် ကျောက်စာ အထောက်အထားအရ လက်ဖက် မတွေ့ရဘူးလို့ သုံးသပ်တာမျိုးကို မောင်သွေးချွန်က အလောင်းစည်သူ ဇမ္ဗူ ဒိပ်ကျွန်း တိုင်းခန်းလှည့်လည်တော့ နတ်ဘီလူး (၄) ကောင်က လက်ဖက်စိုက်ဖို့ မျိုးစေ့ ပေးပုံ ရယ်..၊ ပုဂံခေတ် မတိုင်ခေတ် သရေခေတ္တရာ ကတည်းက ဒွတ္တပေါင်မင်းကြီးကို နတ်သား ခုနှစ်ပါးက လက်ဖက်စိုက်ဖို့ နတ်သစ်စေ့ ပေးတာရယ် .. နဲ့ ပြန်ချေဖျက်ထားတာကို ဖတ်ရတာ ဟာသ ရသ တော့ မြောက်ပါပေတယ်။

မောင်သွေးချွန် ရဲ့ ဟိုးအရင်တုန်းက (ဒေါက်တာသန်းထွန်း မဆုံးခင်က) ဒေါက်တာ သန်းထွန်း ရဲ့ စာတချို့ကို ဝေဖန်တာ နှစ်ပုဒ်/သုံးပုဒ် သတိထားမိဖူးတယ်..။ တခုက ဒေါက်တာ သန်းထွန်း မွေးနေ့ တခု မှာ သူ့ အကြောင်း သူများက ဝိုင်းရေးကြတာတွေရဲ့ အရေးအသား နဲ့ တင်ပြပုံတွေကို သူက ပြန်ဝေဖန်ထားတယ်..။ နောက်တခုကတော့ ဒေါက်တာသန်းထွန်း က အခြား ပညာရှင် တရောက်ရဲ့ ပညာရပ် ဆိုင်ရာ စာတမ်းတခု ကို ပညာရပ်သဘော ဝေဖန်တာကို သူက ပြန် ဝေဖန်တဲ့ စာဖြစ်တယ်..။ အဲ့စာက သရော်စာ စာရေးဆရာ အဘ ကိုကိုကြီး (နောင် အကြည်တော်) ရဲ့ သရော်စာ တပုဒ်လို “ဒေါ်နယ်စိန်အုံး ပြန်လည် သုံးသပ်သည့် အသည်းထဲက ဒဂုန်တာရာ ၏ ‘မေ’ “ အဆင့်ပဲ ရှိတယ်။

သမိုင်းပညာရှင်ဆိုတာ လက်ဆုပ်လက်ကိုင် ပြနိုင်တဲ့ အထောက်အထောက်တခု၊ မြေထဲ သမိုင်း ကို အခြေခံပြီး အသစ်ရှာဖွေ တွေ့ရှိမှု နဲ့ ပညာရှင် ကောက်ချက် ချ မျိုး တွေလုပ်ရတယ်..။ ဒေါက်တာ သန်းထွန်း လုပ်ခဲ့တာ အများစု တကယ့် သုတေသန အလုပ်တွေက အဲ့လို မျိုးတွေပါ..။

ဗမာပြည် အနေအထားအရ သူ့စာတချို့က မင်းသမီး လင်ခဏ ခဏယူတဲ့ သတင်း နဲ့ ဓာတ်ပုံ အဓိကထား ဖော်ပြရတဲ့ ဂျာနယ်၊ စာစောင်၊ မဂ္ဂဇင်းတွေမှာ ဖော်ပြခဲ့ရတယ်။ ဒီတော့ မင်းသမီး ဗိုက်ကြီးတဲ့ သတင်း (သို့) ကလေးဖျက်ချရတဲ့ သတင်း အရေးလုပ် ဖော်ပြတဲ့ စာမျိုးအများစု ပါတဲ့ နေရာတွေမှာပဲ တွင်ကျယ်တဲ့ လူတွေရဲ့ မထိတထိ နဲ့ စော်ကားခြင်း၊ တတ်ယောက်ကား လုပ်ခြင်းကို ခံရတာ ထူးတော့ မထူးဆန်းဘူး။

ဒီလို ခေတ်သစ် တခုသွားမယ် ဆိုတဲ့ အချိန်ရောက်တဲ့ အထိ အမျိုးသားရေး သူငယ်နာမစင်တဲ့ သမိုင်းကို ဖက်တွယ်ချင်သူတွေ ကြီးစိုးနေတာ ဝမ်းနည်းစရာပါ။

ပိုဝမ်းနည်းစရာ ကောင်းတာက ကိုယ်တိုင်က အဆင့်မြင့်တန်းပြိုင်ပွဲတွေမှာ ဝင်မကန်ဖူးဘဲ နဲ့၊ ဝင်ကန်ဖို့ အရည်အချင်းမရှိဘဲနဲ့ တကယ် ကန်ခဲ့တဲ့ သူတွေကို အပြစ်တင်ချင်တာ..၊ ငါတို့က မရှုံးဖူးဘူး (ဝါ) အမှားမလုပ်ဖူးဘူးလို့ ဆိုချင်တာ ဖြစ်တယ်..။ ဘယ်ရှုံးဖူး..၊ ဘယ်မှားဖူး ပါ့မလဲ..။ တစ်ပွဲမှာမှ မကန်ဖူးကြတာကိုး။

ငြိမ်းချမ်းအေး
၂၂ ၊ စက်တင်ဘာ ၊ ၂၀၁၂

Zawmyo Aung shared Nyein Chan Aye's status update.

မှကူးယူဖေါ်ပြသည်

By:အလင်းရှင် http://aungminkhoung.blogspot.com