သမ္မတလို့မခေါ်ပါနဲ့ (လိမ်မတ)လိမ္မတလို့သာခေါ်လိုက်ကြပါတော့

““မိဘပြည်သူများခင်ဗျား . . ..”” သမ္မတကြီးမိန့်ခွန်းလာပါတော့မယ် နှလုံးသားနဲ့ နားထောင်ရင် အသည်းကွဲရပါလိမ့်မယ် – လင်းထိုက် (Y.I.T)

သယံဇာတများပေါကြွယ်ဝလျက် တိုင်းပြည်က ဆင်းရဲတွင်းနက်နေသော မြန်မာနိုင်ငံအား ရွှေခွက် နှင့် သူတောင်းစားဟု တင်စားခိုင်းနှိုင်း ထားသည်ကို ကမ္ဘာ့သတင်းစာမျက်နှာထက်တွင် ဖတ်ဖူးခဲ့ လိုက်သည် ရှက်ဖွယ်လိလိပင် . . .

““မင်းမှာသစ္စာ၊ လူမှာကတိ”” ဟူ သောမြန်မာ ဆိုရိုးစကား တစ်ရပ် ရှိပါသည်။ မင်းဟူသည် “သစ္စာ”စကား မပျက်ကောင်းဟု ဆိုလိုရင်း ဖြစ်၍ သစ္စာထက် အနက် အဓိပ္ပာယ် နက်ရှိုင်း မှုတိမ်သော “ကတိ” ဟူ လျှင်ကား မင်းတို့ မည်သည် ပို၍ပင် မပျက်စကောင်းဟု ခေတ်အ ဆက်ဆက် မြန်မာတို့ ယုံကြည် ခဲ့ကြသည်။ မြန်မာနိုင်ငံသည် စစ်အာဏာရှင် စနစ်ဟောင်းမှ ရုန်းထွက်၍ ဒီမိုကရေစီခေတ်သစ်သို့ လျှောက်လှမ်း မည်ဟု ၂၀၁၁ခုနှစ်မှ စ၍ ရောင်နီပျပျ သန်းလာရာ မြန်မာပြည်သူတို့၏ ထိုမျှော်လင့် ချက်ရောင်နီ ပျပျလေးအား ပိုမိုအလင်း ရောင်ဖြည့်
စွမ်းပေးခဲ့သည့် မိန့်ခွန်းတစ်ရပ်ကို အရပ်သားအစိုးရ လက်ထက် ပထမ ဆုံးမိန့်ခွန်းအဖြစ် ၂၀၁၁ ခုနှစ် မတ်လ ၃၀ ရက်နေ့တွင် သမ္မတဦးသိန်းစိန်က တိုင်းပြည်သို့ပြောကြားခဲ့သည်။ တစ်နိုင်ငံလုံး စိတ်ပါဝင်စားစွာ ထိုမိန့်ခွန်းအား မျှော်လင့်ချက် “နား”များဖြင့် နားထောင်ခဲ့ကြသည်။ ပြည်သူ
တို့အဖိုအမှန်လည်း အားတက်ဖွယ် ဖြစ်ခဲ့သည်။ ထိုမိန့်ခွန်းထဲမှ ပြည်သူများအတွက် အားဆေး
ပမာဖြစ်ခဲ့ သောကတိက၀တ် စကားလုံးများမှာ ချိုမြ အားတက်စရာ ကောင်းလှတော့သည်။ ထို မိန့်ခွန်းထဲမှ အခြေခံပြည်သူများနှင့် ဆိုင်သော ကတိက၀တ် တချို့ကို ကောက်နု တ် ဖော်ပြရ လျှင် နိုင်ငံပြည်သူများ၏ အနာဂတ် လူမှုစီးပွားဘ၀ ဖွံ့ဖြိုးတိုးတက်စေရန် အရှိန် မြှင့်ဆောင်ရွက်
သွားရန်

►ဆင်းရဲ၊ ချမ်းသာကွာဟမှု လျှော့ချ သွားရန်

► မြို့ပြ၊ ကျေးလက်လူနေမှု အဆင့် ကွာဟမှုများ လျှော့ချရန်

► အသေးစားနှင့် အလတ်စား စီးပွားရေးလုပ်ငန်းများ ရှင်သန်ဖွံ့ဖြိုးရေး လုပ်ဆောင်သွားရန်

► တောင်သူ လယ်သမား၊ အလုပ် သမားများ၏ လူမှုစီးပွားဘ၀များ ဖွံ့ဖြိုးတိုး တက်အောင် အားပေးဆောင်ရွက်သွားရန်

►အလုပ်သမားများ၏ အနိမ့်ဆုံး လစာ သတ်မှတ်ချက်ကို လက်ရှိဖြစ်ပေါ်နေ သော လူနေမှုစရိတ်နှင့် လိုက်လျောညီ ထွေဖြစ်အောင် ဆောင်ရွက်ပေး သွားရန် …

စသည်ဖြင့် ၂၀၁၁ မတ်လ အရပ်သား အစိုးရတက်ခါစတွင်ပင် ပြည်သူများ နှလုံးရွှင်လန်းရန် သမ်္မတကြီးက သားချော့ တေးတစ်ပုဒ်ပမာ သီကြွေးခဲ့၍ ပြည်သူအပေါင်း၏ ပါးစပ်ဖျားတွင် “သမ္မတကြီး” “သမ္မတကြီး” ဟူ၍ဖြစ်ကာ သမ္မတကြီး၏ ပထမဆုံး မိန့်ခွန်းအား နားထောင်မ၀ဖြစ်ခဲ့ ကြသည်။ ““မိဘပြည်သူများခင်ဗျား””ဟူ၍ ပြည်သူကို ဦးထိပ်မှာထားသော နိုင်ငံ့အကြီးအကဲ တစ်ယောက်၏ ထိုသို့ ချိုဆိမ့်နေသော မိန့်ခွန်းမျိုးအား ပြည်သူများအနေဖြင့် မကြားရသည်မှာ
နှစ်ပေါင်း ၅၀ကျော် ရှိခဲ့၍လည်း နှစ်ထောင်း အားရဖြစ်ခဲ့ကြခြင်း လည်း ဖြစ်သည်။

ထို့နောက်ပိုင်း အစိုးရသက်တမ်း ၂ နှစ်ခွဲကျော်ကာလအတွင်း နောက်ဆုံးပြော ကြားခဲ့သော ၂၀၁၃ ဒီဇင်ဘာ မိန့်ခွန်းပါဆိုလျှင် သမ္မတကြီးသည် မိန့်ခွန်းပေါင်း ၆၈ ကြိမ်ပြောကြားခဲ့၍ နိုင်ငံအ၀န်းသို့ ထုတ် လွှင့်သော ရေဒီယိုမိန့်ခွန်းမှာ ၁၁ ကြိမ် ရှိခဲ့သည်။

မြန်မာနိုင်ငံအတွင်း နှစ်ပေါင်းများစွာ အမြစ်တွယ်နေသောတိုင်းရေးပြည်ရာ ပြ ဿနာ
များအား ခေတ္တခဏ ချန်ကာ““အခြေခံ ပြည်သူတို့၏ ဘ၀သည် အစိုးရသက်တမ်း ၀က်ကျော် ကာလအတွင်း မည်မျှ တိုး တက်ခဲ့သနည်း””ဟုသောရှုထောင့် တစ်ခုမှ သာချဉ်းကပ်လျှင်ပင် အခြေခံပြည်သူတို့၏ ဘ၀မှာ ဒုံရင်းဒုံရင်းသာဟု ဆိုရမည်။

အခြေခံလူတန်းစား ပြည်သူဘ၀များ ပို၍ပင်ဆိုးဝါးသွားပါသည်ဟုဆိုသော ပြည် သူ့အသံနှင့် ပညာရှင်တို့၏ အသံကား အစိုးရ သက်တမ်းဝက်လွန် ကာလတွင် ပိုမိုကျယ် လောင်လာတော့သည်။ ““မိန့်ခွန်းများနှင့် အခြေခံပြည်သူ့ ဘ၀””ဟူသော ရှုထောင့် တစ်ခုတည်းမှ ကြည့်လျှင်ပင် အရပ်သား အစိုးရ၏ ကောင်းမွန်သော အုပ်ချုပ်မှု၊ ကောင်းမွန်သော စီးပွားရေးရာ စီမံခန့်ခွဲ
မှုတို့မှာ မေးခွန်းထုတ်ဖွယ် ဖြစ်နေပါသည်။ ၂၀၀၈ ဖွဲ့စည်းပုံ အခြေခံဥပဒေ ပုဒ်မ ၅၉၊ ပုဒ်မခွဲ(ဃ) တွင် သမ္မတနှင့် ဒုသမ္မတတို့၏ အရည်အချင်းများကို ဖော်ပြထားရာ ““နိုင်ငံတော်အရေး အရာများဖြစ်သော နိုင်ငံရေး၊ အုပ်ချုပ်ရေး၊ စီးပွားရေးနှင့် စစ်ရေးအမြင်များရှိရမည်””ဟူ၍ ပါရှိသည်။

ဗိုလ်ချုပ်ကြီးဟောင်း တစ်ဖြစ်လဲ သမ္မတ ဦးသိန်းစိန်အနေဖြင့် စစ်ရေး အမြင်ရှိရမည် ဟူသော
အချက်၌ အထူးဆိုဖွယ်ရာ မရှိသော်လည်း အခြေခံ လူထုကြီးအား ဆင်းရဲတွင်းထဲမှ မကယ်ထု
တ်နိုင်သေးသည့် အပြင် ဆင်းရဲနွံထဲပို၍ နစ်သထက်နစ်လာပြီး ၁ဒေါ်လာအောက် (မြန်မာ ငွေတစ်
ထောင်အောက်)ဖြင့် ရှင်သန် နေရသော ၁၅ သန်း (၂၆ ရာခိုင်နှုန်း)သော ဆင်းရဲ သားထုကြီးအား
လျော့ပါးသွားအောင် စွမ်းဆောင် ပေးနိုင်ခြင်း မရှိခြင်း အတွက် သမတကြီးတွင် သမ္မတအရည်
အချင်း တစ်ရပ်ဖြစ်သော စီးပွားရေးအမြင် ရှိ မရှိမှာ မေးခွန်းထုတ်ဖွယ်ရာ ကောင်းနေပါတော့သည်။

၂၀၁၃ ဒီဇင်ဘာ ၇ ရက်နေ့၌ မြန်မာ နိုင်ငံသို့ လာရောက်ခဲ့သော အပြည်ပြည် ဆိုင်ရာ
ငွေကြေးရန်ပုံငွေအဖွဲ့ IMF ဥက္ကဋ္ဌ ခရစ္စတင်း လာဂါဒီက ခရီးစဉ်အတွင်း မြန်မာနိုင်ငံ၏ ဆင်းရဲမွဲတေမှု လျှော့ချရေး လုပ်ငန်းများကို ဦးစားပေးအဖြစ် အရေးတကြီး ဆောင်ရွက်ရန် တိုက်တွန်းပြော ကြားသွားခဲ့သည်။ မြန်မာနိုင်ငံ၏ လူဦးရေ လေးပုံသုံးပုံမှာ လျှပ်စစ်မီးရရှိခြင်း မရှိ ကြောင်းနှင့် လူဦးရေ ၂၆ ရာခိုင်နှုန်းမှာ ဆင်းရဲမွဲတေမှု ညွှန်းကိန်းများ ထဲတွင် အကျုံး ၀င်နေဆဲဖြစ်ကြောင်း သူမမှ ထပ်လောင်း ပြောကြားသွားခဲ့သည်။

သမ္မတဦးသိန်းစိန်၏ သက်တမ်းဝက် ကာလအတွင်း ဆင်းရဲနွမ်းပါးမှု လျှော့ချရေး ဟူသော စကားလုံးအား မိန့်ခွန်းများတွင် အကြိမ်အဖန်ဖန် ထည့်သွင်းပြောကြား ကတိက၀တ်များ
ပြုခဲ့သော်လည်း ဆင်းရဲသား လူထုကြီးမှာ လျော့ကျသွားခြင်း မရှိဘဲ ကုန်ဈေးနှုန်းကြီးမြင့်မှု၊ သယ်ယူပို့ဆောင်ရေး စရိတ်များမြင့်မားလာမှု၊ အဓမ္မမြေသိမ်းခံရမှုများ ပိုမိုများပြားလာမှုတို့ကြောင့် ဆင်းရဲ သားထုကြီးမှာ အရပ်သား အစိုးရလက်ထက်တွင် ဆင်းရဲတွင်းထဲတွင် ပို၍နစ်သ ထက်နစ်လာသည်ဟုပင် ဆိုရပေမည်။

သို့သော် သမ္မတကြီးသည် မိန့်ခွန်းများထဲတွင် အခြေခံဆင်းရဲသား လူတန်းစား အတွက် အားကြိုးမာန်တက် လေလုံးပစ် လျက်ပင်ရှိ နေသေးသည်။

ဂ(- ဆင်းရဲ၊ ချမ်းသာကွာဟမှုလျှော့ချ ရေးအား ကတိပြုပြောကြားထားသည်နှင့် အညီ အကောင်အထည်ဖော် လုပ်ဆောင်နေကြောင်း

► ကျေးလက်ဒေသဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေး လုပ်ငန်းများ ကို လက်တွေ့ကျကျအကောင်အထည် ဖော် ဆောင်ရွက်နေကြောင်း

►၂၀၁၅ တွင် ဆင်းရဲနွမ်းပါးမှုနှုန်း အား ၁၆ ရာခိုင်နှုန်းအထိ လျှော့ချရန် ရည်မှန်းထားကြောင်း)

(၂၀၁၁၊ သြဂုတ် ၈ ရက်)

ဂ(ဆင်းရဲနွမ်းပါးမှု လျှော့ချရေးနှင့် အဆင်းရဲဆုံးစာရင်းဝင်နိုင်ငံ (LDC) ဘ၀မှ ရုန်းထွက်ရန်ကြိုးပမ်းနေကြောင်း) (၂၀၁၂ မတ်လ ၁ ရက်)

““ကျွန်တော်တို့ အစိုးရဟာ ပြည်သူ တွေဖြစ်နေတာတွေ၊ ပြည်သူတွေဖြစ်ချင် တာတွေကို သိပါတယ်။ အပြည့်အ၀ ဖြည့်ဆည်း ဆောင်ရွက်နိုင်အောင်လည်း ကြိုးပမ်းဆောင်ရွက်လျက်ရှိပါတယ်””ဟုလည်း ကောင်း၊

ဂ(ပြည်သူများ၏ အလုပ်အကိုင်အခွင့် အလမ်းများ ဖန်တီးပေးရာ၌ အလုပ်ရရုံ သက်သက်မဟုတ်ဘဲ ထိုက်သင့်သော အခြေခံ လုပ်ခများ ပြည့်ပြည့်၀၀ရရှိရေး အတွက် အလေးထားဆောင်ရွက်ပေးမည် ဟု ကတိပြုကြောင်း) (၂၀၁၂၊ ဇွန် ၁၉)

ဂ(အစိုးရ၏ ပြုပြင်ပြောင်းလဲရေး ဖြစ်စဉ်၏ ရည်မှန်းချက်များ အောင်မြင်နေကြောင်း၊ လိုအပ်ချက်မှာ ငြိမ်းချမ်းရေးနဲ့ တည်ငြိမ်ရေး၊ တရားဥပဒေစိုးမိုးရေးရှိလျှင် နိုင်ငံသားတို့၏လူမှုစီးပွားဖွံ့ဖြိုးမှာမူ အာမခံ နိုင်ကြောင်း၊ ကျေးလက်နေပြည်သူများ၏ ၀င်ငွေနှင့် အလုပ်အကိုင်ပိုမိုရရှိမှ စိုက်ပျိုး ရေးကဏ္ဍဖွံ့ဖြိုးမှာ ဖြစ်ကြောင်း၊ လူသား အရင်းအမြစ် ဖွံ့ဖြိုးမှုအရေးကြီးကြောင်း)

(၂၀၁၃ ဒီဇင်ဘာ ၁)

ဂ(အစိုးရ၏ ကျန်ရှိသော ၂၉ လ အတွင်း နိုင်ငံတော်အနေဖြင့် ပြည်သူများ ၏ လူမှုစီးပွား လိုအပ်ချက်များအဖြစ် စားဝတ်နေရေး အခြေခံလိုအပ်ချက် များအား ပံ့ပိုးဖြည့်ဆည်းပေးရန်

လျှပ်စစ်မီး၊ သောက်သုံးရေ၊ စိုက်ပျိုး ရေးကဏ္ဍ၊ အလုပ်အကိုင်ရရှိရေး … နယ်ပယ်များတွင် အစွမ်းကုန်ကြိုးပမ်း ဖြည့်ဆည်းပေးရန်)

(၂၀၁၃၊ စက်တင်ဘာ ၃၀)

ဂ(နိုင်ငံတကာချေးငွေ အကူအညီများကို ပြည်သူ့အကျိုး စီးပွားအတွက် ပွင့်လင်း မြင်သာမှုရှိရှိ အသုံးပြု သွားမည် ဖြစ်ပြီး အစိုးရအနေဖြင့် မြန်မာနိုင်ငံ၏ စီးပွားရေး ခေတ်သစ်တစ်ခုကို ဖွင့်လှစ်နိုင်ရန် ဆောင် ရွက်သွားမည်)

(၂၀၁၃၊ ဖေဖော်ဝါရီ ၁)

ဂ(စီးပွားရေးဖွံ့ဖြိုး တိုးတက်ရေး၊ ဆင်းရဲနွမ်းပါးမှု လျှော့ချရေး၊ လူနေမှုအဆင့် အတန်းမြင့်မားရေးအတွက် မူဝါဒများ၊ ဦးတည်ချက်များ၊ စီမံကိန်းများ ချမှတ်ဆောင် ရွက်နေကြောင်း)

(၂၀၁၃၊ မေလ ၂)

အထက်ပါ နားထောင်၍ ကောင်းသော မိန့်ခွန်းများနှင့် လက်တွေ့အကောင် အထည်ဖော်ေ
ဆာင် နိုင်မှုမှာမူ အဆမတန် ကွာဟလျက်ရှိသည်။ တိုင်းပြည်အုပ်ချုပ် မင်းလုပ်သူ၏ ကတိက
ဝတ်များသည် အခြေခံ ပြည်သူအပေါ် မည်မျှဖြည့်စွမ်းပေးနိုင်ခဲ့ သနည်းဟု ဆိုသော်လက်ရှိ စားဝတ်နေရေး ပိုမိုကျပ်တည်းလာနေသော မြန်မာ့ဆင်းရဲ သားထုကြီး၏ အသံများက အခိုင်အမာ သက်သေပြလျက်ရှိပေသည်။ အဓိကအား ဖြင့် ပြည်သူများ၏ အလုပ်အကိုင်အခွင့် အလမ်းဖန်
တီးပေးနိုင်စွမ်းနှင့် လူတစ်ဦး ချင်းဝင်ငွေမြင့်မားအောင် ဖန်တီးပေးနိုင် စွမ်းဟူသော အခြေခြံ
ပည်သူများ၏ လိုအင်မှာမူ အပြောတခြားလက်တွေ့ တခြားဆိုသကဲ့သို့ လေထဲတွင် လွင့်ပြယ်နေ
သည့် စကားလုံးများ သက်သက်ဖြစ်နေသည်။

သမ္မတ၏ ကတိက ၀တ်စကားလုံးများနှင့် ဖီလာဆန့်ကျင်ပင် ဖြစ်စေခဲ့သည့် ဖြစ်ရပ်ကား အုပ်ချုပ်ရေးပိုင်းမှ ပြည်သူ၏ သဘောဆန္ဒကို တောင်းယူခြင်း မရှိဘဲ လျှပ်စစ်မီတာခ တိုးမြှင့်ခြင်း ကိစ္စကိုဆောင် ရွက်ခဲ့ခြင်း ဖြစ်သည်။ နိုဝင်ဘာ ၁၄ ရက်နေ့တွင် လွှတ်တော်သို့ သ၀ဏ်လွှာပို့၍ မီတာခများအား နောင်နှစ် ဘဏ္ဍာရေးနှစ် တွင်မှ တိုးမြှင့်ကောက်ခံရန် ဆိုခဲ့သော် လည်း ၂၀၁၄ ဘဏ္ဍာရေးနှစ်ကား လာ မည့်လအနည်းငယ်အတွင်း ကျရောက် တော့မည်ဖြစ်သည်။ လျှပ်စစ်မီတာခတိုး လာခြင်းနှင့်အတူ ကုန်ဈေးနှုန်းများ ထပ်မံ ကြီးမြင့်လာ ဦးမည်ဖြစ်ပြီး သမ္မတ
မိန့်ခွန်း များထဲမှ ဆင်းရဲနွမ်းပါးမှု လျှော့ချရေးဟူ သော မူဝါဒအားများစွာ ထိခိုက်မည်ဖြစ် သည့်အ
တွက် သမ္မတမိန့်ခွန်းများ၏ လက်တွေ့အကောင်အထည် ဖော်နိုင်စွမ်းရည်မှာ ပို၍ပင် အလှမ်းဝေး သွားမည့် အခြေအနေဟု ကြိုတင်မှန်းဆနိုင်သည်။

ဦးသိန်းစိန် အရပ်သား အစိုးရလက် ထက်အတွင်း စစ်တပ်နှင့် ခရိုနီတို့၏အဓမ္မ မြေသိမ်းယူမှုများ အစပြန် ပေါ်လာခြင်း၊ ထပ်မံ၍ အဓမ္မ သိမ်းယူခြင်းများကို ထိရောက်စွာ မကာကွယ် မတားဆီးနို
င်ခြင်းကလည်း သမ္မတမိန့်ခွန်းပါ ဆင်းရဲနွမ်းပါးမှု လျှော့ချရေး ကတိက၀တ်များအား လေလုံးသက် သက်ဖြစ်စေခဲ့သည့် အကြောင်းတရားများ ပင်ဖြစ်သည်။ ထို့အတွက် အရပ်သားအစိုးရ လက်ထက်
တွင် တိုးတက်မှုနှစ်မျိုး ပေါ် ပေါက်လာသည်။ အခွင့်ထူးခံများ၏ ချမ်ားမှုနှုန်းမှာ အဆမတန် ပိုမိုတိုး
တက်လာ၍ အခြေခံပြည်သူအများစု၏ ဆင်းရဲနွမ်းပါးမှု နှုန်းသည်လည်း ပို၍သာလွန် တိုးတက်လာ ခဲ့ခြင်းဖြစ်သည်။ သမ္မတ၏ ကတိက၀တ် စကားလုံးများနှင့် ဆန့်ကျင်ကာ ဆင်းရဲချမ်း သာကွာဟမှုမှာ ပိုမိုကြီးထွားလာသည်။

အောက်ခြေဆင်းရဲသော နင်းပြားလူထုမှာ အစိုးရသစ် လက်ထက်တွင် အခွန် အကောက်များ တိုးမြှင့် ကောက်ခံခြင်း ဒဏ်ကို ခါးစည်းခံ နေရသော်လည်း အခွင့် ထူးခံအခွန် ကင်းလွတ်ခွင့်ရနေ သူတို့၏ ဥပဒေ မဲ့လုပ်ရပ်များအား ထိရောက်စွာ မတားဆီး နိုင်ခြင်းကလည်း သမ္မတမိန့်ခွန်းပါ အခွန် မူဝါဒအသစ်များ ချမှတ်ဆောင် ရွက်နေသည်ဟူသော စကားရပ်အား ပြည်သူများ ယုံမှားသံသယဖြစ်စေခဲ့သည်။

မည်မျှပင် မိန့်ခွန်းများထဲ၌ ဆင်းရဲနွမ်းပါးမှု လျှော့ချရေးဟူသော ကတိက၀တ် များပြုထားသော်
လည်း မြန်မာနိုင်ငံသည် လက်ရှိအချိန်၌ အရှေ့တောင်အာရှတွင် တစ်ဦးချင်း ၀င်ငွေအနိမ့်ဆုံး နို
င်ငံဖြစ်နေကာ အာရှတွင်လည်း အာဖဂန်နစ္စတန် နိုင်ငံပြီးလျှင်အဆင်းရဲဆုံး နိုင်ငံဖြစ်နေ သေးသည
၂၀၁၃ ခုနှစ် ပွင့်လင်းမြင်သာမှု အဖွဲ့အစည်း (TransparencyInternational) အဖွဲ့ကြီး၏ အကျင့်ပျက် ခြစားမှုစာရင်း ဇယားအရ မြန်မာနိုင်ငံသည် ကမ္ဘာ့နိုင်ငံပေါင်း ၁၇၇ နိုင်ငံ အနက် အဆင့် ၁၅၇ ၌ ရပ်တည်ကာ ၂၀၁၂ ထက် ၁၅ ဆင့် တိုးတက်လာသည် ဟုဆိုသည်။ ဆင်းရဲမွဲတေမှု တိုက်ဖျက်ရေး အောင်မြင်မှုရှိမရှိဆိုသည့် အချက်အား တိုင်းတာသည့် တစ်ကမ္ဘာလုံး ဆိုင်ရာ အကျင့်ပျက် ခြစားမှုအခြေပြဇယားတွင် ၂၀၁၂ ခုနှစ်၌ မြန်မာနိုင်ငံသည် ၁၇၇ နိုင်ငံတွင် အဆင့် ၁၇၂ ချိတ်ဆွဲကာ မိမိနောက်တွင် ငါးနိုင်ငံသာ ရှိတော့သည်ကို တွေ့ခဲ့ရသည်။ ယခုတိုးတက်လာ သည် ဆိုသော်လည်း တစ်ကမ္ဘာလုံး၌ မိမိနောက်တွင် နိုင်ငံ ၂၀ သာကျန်ရှိသည် ကို ထောက်လျှင် အစိုးရ၏ အကျင့်ပျက်ခြစားမှု တိုက်ဖျက်ရေး မူဝါဒမှာ မအောင်မြင်သေးဟု သာဆိုရပေမည်။

ဆင်းရဲနွမ်းပါးမှု တိုက်ဖျက်ရေး လုပ်ငန်းစဉ် မအောင်မြင်ဟုဆိုလင့်စကား သမ္မတကြီး၏ မိန့်ခွန်း များသည် နိုင်ငံတကာ အပေါ်တွင်တော့ များစွာ ရိုက်ခတ်အသက် ၀င်ခဲ့ဟန်တူသည်။ နိုင်ငံတကာမှ ယခင် ခေတ်အဆက် ဆက် တင်ရှိနေသော ကြွေးမြီများအနက် အမေရိကန်ဒေါ်လာ သန်း၆၀၀၀
ကျော်အား လျှော်ပေးခဲ့ပြီး အတိုးနှုန်းသက် သာသော ကြွေးမြီသစ် များလည်း ရရှိခဲ့သည်။ ၂၀၁၃ ခုနှစ် စက်တင်ဘာလအထိ မြန်မာ့ဖွံ့ဖြိုးရေး လုပ်ငန်းစဉ်များနှင့် ငြိမ်းချမ်းရေး ကိစ္စများအတွက်
နိုင်ငံတကာ၏ ကူညီထောက်ပံ့ငွေနှင့် ချေးငွေ ကတိပြုမှု စုစုပေါင်းမှာ အမေရိကန်ဒေါ်လာ ၈ ဘီလီ ယံကျော်ထိရရှိခဲ့သည်။ သမ္မတကြီး၏ မိန့်ခွန်းများကား နိုင်ငံတကာတွင်တော့ စွမ်းလှပေသည်။ သို့သော် ထိုထောက်ပံ့ ငွေများ၏ အသီးအပွင့်ကိုကား အခြေခံ ပြည်သူများ မခံစားရသေးချေ။ သယံဇာတများ ပေါကြွယ်ဝလျက် တိုင်းပြည်ကဆင်းရဲ တွင်းနက် နေသော မြန်မာနိုင်ငံအား
ရွှေခွက်နှင့် သူတောင်းစား (Bagger with golden bowl) ဟု တင်စား ခိုင်းနှိုင်းထား သည်ကို ကမ္ဘာ့သတင်းစာ မျက်နှာထက်တွင် ဖတ်ဖူးခဲ့လိုက်သည်။ ရှက်ဖွယ်လိလိပင်။ ဤသို့ ပြည်သူများ ဆင်းရဲတွင်းနက်၍ တိုင်းပြည်က ဆင်းရဲသည် ဆိုသော်လည်း မြန်မာနိုင်ငံသည် နိုင်ငံရပ်ခြား ဘဏ်များတွင် အမေရိကန် ဒေါ်လာ ၁၁ ဘီလီယံ အပ်နှံထားသည် ဟူသော သတင်းတစ်ပုဒ်
ပေါ်ထွက်လာသည်။ ထို ၁၁ ဘီလီယံသည် နိုင်ငံခြား အရန်ငွေ(သို့) ပုဂ္ဂလိက ပိုင်ဆိုင်မှု ဖြစ်သည်
ဆိုသော ရှင်းလင်းချက်၌လည်း တိကျရေရာသော အဖြေကား ထွက်မလာပေ။ ထိုသို့ဆိုလျှင် ထို ၁၁ ဘီလီယံ၌ မည်သည့် အခွင့်ထူးခံ၊ မည်သည့် အာဏာရှင်၊ မည်သည့် ခရိုနီက ဘီလီယံမည်မျှ ပိုင်ဆိုင် သည်ဟူသည် လယ်ပြင်တွင်ဆင်သွား သကဲ့သို့ ရှင်းရှင်းကြီး ဖြစ်သော်လည်း ယခုတိုင် ပြည်သူ့အမြင်အား ရှင်းလင်းအောင် တင်ပြနိုင်ခြင်း မရှိသေးချေ။ ဤသည်မှာ ပြည်ပတွင် အပ်နှံသော ငွေပင်ရှိသေးသည်။ ပြည်တွင်း၌ကား ဆိုဖွယ်ရာမရှိချေ။

၂၀၁၁ မတ်လ ၃၁ ရက်နေ့၌ သမ္မတကြီး၏ တိုင်းပြည်သို့ ပြောကြားသော ဒုတိယမြောက် မိန့်ခွန်း၌ ““ပြည်သူ တွေက စနစ်တစ်ခု ကောင်းမကောင်းဆုံး ဖြတ်ရာမှာ သူတို့ရဲ့ နေ့စဉ် လူနေမှုဘ၀ အပေါ်မှာ ဘယ်လို အကျိုးသက် ရောက်တယ် ဆိုတာနဲ့ပဲ တိုင်းတာမှာဖြစ်ပါတယ်”” ဟု ထည့်သွင်းပြောကြားခဲ့သည်။

လွန်ခဲ့သော သုံးနှစ်နီးပါးခန့်က ပြောကြားခဲ့သော ထိုမိန့်ခွန်းအရ လက်ရှိကာလတွင် ပြည်သူတို့
၏ နေ့စဉ်လူနေမှု ဘ၀များ မည်မျှဆိုးရွားနေသည်ကို ပြည်သူများ အားလုံး အသိဆုံးပင်ဖြစ်၍ လက်ရှိအစိုးရ ဖော်ဆောင်နေသော စနစ်၏ ကောင်းခြင်း၊ မကောင်းခြင်းအား ပြည်သူများ မျက်ဝါး ထင်ထင် တွေ့မြင်ခဲ့ကြပြီဖြစ်သည်။ ဤ ဆောင်းပါးတွင် ““သမ္မတမိန့်ခွန်းများနှင့် အခြေခံပြည်သူ့ ဘ၀”” ဟူသော ရှုထောင့် တစ်ခုတည်းမှသာ ချဉ်းကပ်ထားခြင်းဖြစ်၍ သမ္မတကြီး၏ ပြောကြား
ခဲ့သော အခြားသော ကတိက ၀တ်များဖြစ်သည့် ပညာ ရေးကဏ္ဍ၊ ကျန်းမာရေးကဏ္ဍ၊ ပြည်တွင်း ငြိမ်းချမ်းရေးကဏ္ဍ၊ကောင်းမွန်သော အုပ် ချုပ်မှုစနစ်နှင့် သန့်ရှင်းသော အစိုးရ၊ တရား ဥပဒေစိုးမိုးရေး၊ စတုတ္ထမဏ္ဍိုင်ကဏ္ဍ၊ ငွေကြေးမူဝါဒ၊ ကုန်သွယ်မှုနှင့် ရင်းနှီးမြှုပ် နှံမှုကဏ္ဍ စသည်စသည် စသည်တို့၌ အပြောနှင့် လက်တွေ့ညီမညီကို ပညာရှင် များဆက်လက် ဝေဖန် ပိုင်းခြားစိတ်ဖြာဖို့ရန် အကြံပြုအပ်ပါသည်။

ထိုသို့ဝေဖန် ထောက်ပြမှုများအတွက် အထောက်အကူပြုမည့် သမ္မတဦးသိန်းစိန်၏ မိန့်ခွန်းပေါင်း
ချုပ် စာအုပ်လည်း ထွက်ရှိလာပြီဖြစ်သဖြင့် နောက်ဆုံးစာမျက် နှာအထိမငြီးမငွေ့ ဖတ်ရှုစေချ
င်ကြောင်းလည်း ထပ်မံအလေးထား တိုက်တွန်းအပ်ပါသည်။

““မိဘပြည်သူများခင်ဗျား .. . .”” သမ္မတကြီးမိန့်ခွန်းလာပါတော့မည်။ မိဘ ပြည်သူများအနေဖြင့် သမ္မတကြီး မိန့်ခွန်းများအား စိတ်ဝင်စားမှု လျော့ကျနေပြီ ဖြစ်သော်လည်း တိုင်းရေးပြည်ရာ နိုင်ငံ့အရေး၌ ဝေဖန်ပိုင်းခြား စိတ်ဖြာနိုင်ရန် စိတ်အာရုံ ခေတ္တစူးစိုက်၍ ဦးနှောက်ကို ဖွင့်ကာ လစဉ် နားထောင်သင့်ပါကြောင်း ပြည်သူ အပေါင်းအား တိုက်တွန်း နှိုးဆော်လိုက်ရ ပါသည်။

လင်းထိုက် (Y.I.T)
Myanmartandawsint Newspaper
Thit Htoo Lwin - Feature
█ ░ အလင်းရှင် ░ █

— with Kula Rakkhita and 16 others.

1Like · · Stop Notifications · Share · Tag photo