အပြာရောင်ကဗျာ

ဣတ္ထိယပိုတိုတစ်ခုရဲ့
အင်္ဂါရုပ်တစ်ခုအောက်မှာ
Like ခြေရာတွေ ရာနဲ့ချီသလို ..
Comment အစအနတွေလည်းတွေ့ရတယ်။

အင် . ..
ယိုသူမရှက်မြင်သူရှက်
မင်္ဂါလေးကို သနပ်ခါးလိမ်းပြရုံနဲ့ . .
နွားသိုးတွေ ကျိုးပျက်ကြသလို
တော်သလင်းခွေးအူတဲ့အတိုင်းပေါ့ ။

သြော် . .
ငါတစ်ယောက်ထဲ . .
လူတစ်ယောက်နဲ့စကားပြောဖြစ်ပါလားလို့
သတိထားမိတယ် . .။

တွေ့တယ် .. တွေ့တယ် . .
ဘာသာရေးပဋိပက္ခနယ်မှာ
ကျမ်းစာအုပ်တွေက အခိုင်အမာရပ်တည်နေသလို
အရောင်အ၀ါတွေက ကြီးစိုးနေတယ်. . .။

ဒီကြားထဲ .. .
စစ်ဖိနပ်သံတွေက တစ်ခွက်ခွက်နဲ့
ခွေးအူသံတွေလည်းကြားတယ်။

မ Like နဲ့ မ Share နဲ့
ငါက အစွန်းရောက်ဘာသာရေးသမားမဟုတ်ဘူး
စကားပြောရင်တောင်
ဖြစ်ပျက်တွေပဲမြင်နေတာမို့လေ။

ဟော . .
ပြောရင်းဆိုရင်း . .
ကောင်မလေးတစ်ယောက်ရဲ့ဓာတ်ပုံအောက်မှာ
တဏှာခြေရာ Like သံတွေကြားရတယ်။

ဟား .. . ဟား . . ဟား . .
ငါရှက်တယ် . . .
ကဗျာရေးမိတာကိုက ငါ့အတွက် ရှက်စရာပါ
ဒါတောင်ပြောလိုက်သေးတယ်
ရဟန်းတန်မဲ့နဲ့ ပိုစ့်နဲ့တွဲတင်တဲ့ဓာတ်ပုံတွေက ပြဲကွဲနေတယ်တဲ့။

သြော် .. .
$ ကောင်လေးတွေ . .
သူတို့ပဲ အဲဒီ“အပြဲမ” “အကွဲကျ”တာတွေကို
သွားရေနဲ့နူးနေကြတာပဲလေ။

ဖြစ်မှဖြစ်ရလေ . .
တစ်နိုင်ငံလုံးဟိုးဟိုးကျော်သွားတဲ့
“ရိုမာန်ဘော့စ် ” အပြာစာအုပ်လိုသာရေးမိရင်
ဘယ်လောက်များ $တင်းတုတ်လိုက်ကြမလဲ။

သြော် . ..
“သဘာဝဒါဟ ” လို့ သံဝေဃကို နာနာရွတ်ရင်း
မနက်အာရုံဆွမ်းခံကြွရဦးမှာမို့
တော်တော့ . . .. ပြီ။ ။

စကားကြွင်း ။ ။ ဗာဟုသိပဉ္စသမားရဲ့ . . . .
ခါးတူးလံနေတဲ့ဘ၀ကိုနာကျည်းမိလို့
ရေးမိပါသည်။
█ ░ အလင်းရှင် ░ █