အိုဘားမားအတွက် မြန်မာ့ပြည်ရဲ့အကောင်းဆုံးလက်ဆောင်

ကာတွန်း

ဆယ်လ်ဖီ မြန်မာပြည်

တကြော့ပြန် ရုပ်သံပေါ်က ဦးခင်ညွှန့်

ယမန်နှစ်က ရန်ကုန်မြို့တွင် တွေ့ရသော ဦးခင်ညွှန့် (ဓာတ်ပုံ – ဧရာဝတီ)

အစိုးရ ရုပ်သံသတင်းတွေမှာ ပါလွန်းလို့ တချိန်က တီဗီမင်းသားလို့ လူပြောများတဲ့ စစ်ထောက်လှမ်းရေး အကြီးအကဲဟောင်း၊ ဗိုလ်ချုပ်ကြီးဟောင်း ဦးခင်ညွှန့်ကို အစိုးရရဲ့ မြန်မာ့ရုပ်မြင်သံကြားအစီအစဉ် ဖန်သားပြင်တွေပေါ်မှာ ၁၀ နှစ်တာ ကာလအတွင်း ပထမဆုံးအဖြစ် ပြီးခဲ့တဲ့ရက်အတွင်းက ပြန်လည် မြင်တွေ့ရပါတယ်။
မတ်လ ၁၇ ရက်နေ့က ကျိုက်ထီးဆောင်း ဆရာတော် ကြီးမှူးတဲ့ ရန်ကုန်တိုင်း၊ ဒလမြို့နယ်က ကျိုက်ဓနုတ် စေတီတော် ရွှေထီးတော် တင်လှူပူဇော်ပွဲ အခမ်းအနားမှာ စစ်ထောက်လှမ်းရေး အကြီးအကဲဟောင်း ဦးခင်ညွှန့်ကို ပြည်သူ့လွှတ်တော် ဥက္ကဋ္ဌ သူရ ဦးရွှေမန်း၊ ရန်ကုန်တိုင်း အစိုးရ ၀န်ကြီးချုပ် ဗိုလ်ချုပ်ဟောင်း ဦးမြင့်ဆွေ၊ စီးပွားရေး လုပ်ငန်းရှင်ကြီး ဇေကမ္ဘာ ဦးခင်ရွှေတို့နဲ့အတူ ရုပ်မြင်သံကြား ဖန်သားပြင်ပေါ် တွေ့ရတာပါ။
MRTV 4 ရုပ်မြင်သံကြား ဖန်သားပြင်ပေါ်မှာ ဦးခင်ညွှန့်ဟာ ရွှေထီးတဆင့်ကို သယ်ဆောင်လာရင်း ယခင်တုန်းကလို သွက်လက် လန်းဆန်းနေပါတယ်။ သူရ ဦးရွှေမန်းနဲ့ အပေါင်းအပါတွေကလည်း သူ့ကို ရင်းရင်းနှီးနှီး ဆက်ဆံတာ မြင်တွေ့ရပါတယ်။
လူမှုကွန်ရက် ဖေ့စ်ဘုတ် စာမျက်နှာတွေပေါ်မှာလည်း အဆိုပါ ဓာတ်ပုံတွေအပေါ် မှတ်ချက်အမျိုးမျိုးပေး ရေးသားနေကြပြီး ပြန်ပေါင်းထုတ်တဲ့ ပွဲလို့ သမုတ်သူတွေလည်း ပါဝင်ပါတယ်။
စိတ်ဝင်စားစရာ နောက်တချက်က ကျိုက်ဓနုတ် စေတီတော်ကြီး အကြောင်းပါ။
ရန်ကုန်မြို့ တဘက်ကမ်း ဒလမြို့အတွင်း ရှေးမြန်မာမင်းများ အဆက်ဆက်က တည်ထား ကိုးကွယ်ခဲ့တဲ့ ရှေးဟောင်း သမိုင်းဝင် ဆံတော်ရှင် ဆုတောင်းပြည့် ဓနုတ် စေတီတော်မြတ်ကြီးဟာ တန်ခိုးကြီး ထင်ရှားသော ဘုရားတဆူ ဖြစ်ပြီး ဉာဏ်တော် ပေ ၁၇၀ ကျော်ရှိတယ်လို့ သိရပါတယ်။
၂၀၀၆ ခုနှစ်ကလည်း သဘာဝ ဘေးဒဏ်ကြောင့် ပြိုကျခဲ့ရာ ဗိုလ်ချုပ်မှူးကြီး သန်းရွှေနဲ့ ဇနီး ဒေါ်ကြိုင်ကြိုင် မိသားစုက ဦးစီးပြီး ပြုပြင်မွမ်းမံ တည်ထားခဲ့ပေမယ့် ၂၀၀၉ ခုနှစ်မှာ ထပ်မံ ပြိုကျခဲ့ပါတယ်။
အဆိုပါ ကျိုက်ဓနုတ် စေတီတော်ကြီးဟာ ၂၀၀၉ ခုနှစ်က ဗိုလ်ချုပ်မှူးကြီး သန်းရွှေနဲ့ ဇနီး ဒေါ်ကြိုင်ကြိုင် ဦးစီးကာ ရွှေထီးတော်တင်လှူအပြီး ရက်ပိုင်းအတွင်းမှာပဲ ပြန်လည် ပြိုကျပျက်ဆီးခဲ့ပြီး စစ်သားများ အပါအ၀င် အရပ်သားတွေ ထိခိုက်ဒဏ်ရာရ၊ သေဆုံးခဲ့တယ်ဆိုတဲ့ သတင်းတွေ ပေါ်ထွက်ခဲ့ဖူးပါတယ်။
ဒါပေမယ့် အဲဒီတုန်းက သေဆုံးသူ ၂၀ ကျော်နဲ့ ထိခိုက်ဒဏ်ရာရရှိသူ ၁၅၀ ကျော်ရှိတယ်လို့ နောက်ပိုင်း သတင်းများ ထွက်ပေါ်လာပေမယ့် သေဆုံးသူများနဲ့ ပတ်သက်လို့ သတင်းအမှောင် ချထားခဲ့ပါတယ်။
တချိန်က မြန်မာ့ရုပ်မြင်သံကြားမှာ နေ့စဉ် မြင်တွေ့နေကျကနေ ၂၀၀၄ ခုနှစ်မှာ နေအိမ်အကျယ်ချုပ် ကျခံရပြီးနောက် ရုပ်သံဖိုင် တခုကြောင့် ပွဲဆူခဲ့တာကလွဲလို့ ဦးခင်ညွှန့်ဟာ လူမြင်ကွင်းက ပျောက်ကွယ်သွားခဲ့ပါတယ်။
ယမန်နှစ် ဇန်န၀ါရီလက သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်နဲ့ နေအိမ်အကျယ်ချုပ်က ပြန်လည် လွတ်မြောက်လာပြီး ဦးခင်ညွှန့်ဟာ လူမြင်ကွင်းကနေ ပျောက်ကွယ်လိုက်၊ ပြန်ပေါ်လာလိုက်နဲ့ လူအများ စိတ်ဝင်စားမှု ဖြစ်စေခဲ့တာပါ။
အကျယ်ချုပ်က လွတ်လာပြီးနောက် ပထမဆုံး လူသိရှင်ကြား အငြင်းပွားဖွယ် ကိစ္စကတော့ ဒေါ်အောင်ဆန်းစုကြည်ကို ဒီပဲယင်း လုပ်ကြံမှုမှာ သူကယ်တင်ခဲ့တယ်ဆိုပြီး ပြောဆိုခဲ့တာပါ။
ဒီပဲယင်းဒေသ အကြမ်းဖက်မယ့် လူအုပ်ကြီးကြားထဲ ရောက်သွားတဲ့ ဒေါ်အောင်ဆန်းစုကြည် လွတ်မြောက်သွားရေး ကြိုးပမ်းခဲ့တာ သူပါပဲတဲ့။
“လူအုပ်ကြီး ကြားထဲက သူ့ကို ဆွဲထုတ်ဖို့ ကျနော့် လူတွေကို အဲဒီ ညမှာ လွှတ်လိုက်ပါတယ်။ သူတို့က သူ့ကို အဲဒီနားက လုံခြုံရာ စစ်တပ်စခန်းထဲ ရောက်အောင် စီစဉ်ပေးလိုက်တာပါ” လို့ ဦးခင်ညွန့်က ပြန်ပြောပြတာကို ထိုစဉ်က ဘန်ကောက်ပို့စ်မှာ ဖော်ပြခဲ့ဖူးပါတယ်။
အဲဒီကိစ္စနဲ့ ပတ်သက်ပြီး အစိုးရရဲ့ အထူးရဲတပ်ဖွဲ့က ဦးခင်ညွှန့်အနေနဲ့ အဲဒီလို မပြောခဲ့ကြောင်း ငြင်းဆိုခဲ့ပါတယ်။ အဲဒီအချိန်မှာ ဦးခင်ညွှန့်က ရဟန်းဘောင် ခေတ္တ၀င်ရောက်နေခဲ့ပါတယ်။
ဦးခင်ညွှန့်ဟာ နေအိမ်အကျယ်ချုပ်က လွတ်လာပြီး နောက်ပိုင်း ပါတီ နိုင်ငံရေးလုပ်ရန် စိတ်ကူးမရှိဘဲ အမျိုသား နိုင်ငံရေးကိုသာ လုပ်ဆောင်မည်ဟုလည်း ပြောဆိုခဲ့ဖူးပါတယ်။
“ဒေါ်အောင်ဆန်းစုကြည်နဲ့ သမ္မတကြီး ပူးပေါင်းပြီး တိုင်းပြည်ကောင်းစားရေး တိုင်ပင် လုပ်ဆောင်နေတာလည်း အင်မတန် ကောင်းတဲ့လုပ်ရပ်ပါ။ ဒါကို အားပေး ထောက်ခံတယ်။ ကောင်းအောင်လုပ်တဲ့သူက တိုင်းပြည်ရဲ့ ခေါင်းဆောင်ပဲ။ အဘက အရင်တုန်းက တပ်မတော်မှာ တာဝန် ထမ်းဆောင်ခဲ့လို့ တပ်မတော်မှ တပ်မတော်ပဲဆိုတဲ့ ဆန္ဒစွဲမျိုး စိတ်ထဲမှာ မရှိဘူး” လို့လည်း ဦးခင်ညွှန့်က ပြောခဲ့ဖူပါသေးတယ်။
ဗိုလ်ချုပ်ကြီးဟောင်း ဦးခင်ညွန့်ဟာ ၁၉၈၈ ခုနှစ်ကနေ  ၂၀၀၄ ခုနှစ်အတွင်း န၀တ၊ နအဖ စစ်အစိုးရ အဆက်ဆက်မှာ အတွင်းရေးမှူး (၁)၊ နိုင်ငံတော် ၀န်ကြီးချုပ်၊ တပ်မတော် စစ်ဘက်ဆိုင်ရာအကြံပေး၊ တပ်မတော် ထောက်လှမ်းရေး အကြီးအကဲ စတဲ့ ထိပ်တန်းရာထူးတွေကို တာဝန်ယူခဲ့ဖူးပြီး ဆယ်စုနှစ် ၂ ခုနီးပါးကြာ မြန်မာ့ ရုပ်မြင်သံကြား ဖန်သားပြင်ပေါ်မှာ နေ့စဉ် နေရာယူခဲ့သူပါ။
ဗိုလ်ချုပ်မှူးကြီး သန်းရွှေ ဦးဆောင်တဲ့အဖွဲ့က ၂၀၀၄ ခုနှစ်မှာ အဂတိလိုက်စားမှု၊ တာဝန် အလွဲသုံးစားလုပ်မှု စတဲ့ စွပ်စွဲချက်တွေနဲ့ ဗိုလ်ချုပ်ကြီး ခင်ညွှန့်ကို ထောင်ဒဏ် ၄၄ နှစ်၊ ဆိုင်းငံ့ပြစ်ဒဏ် ချမှတ်ခဲ့ပြီး နေအိမ်အကျယ်ချုပ် ချမှတ်ခဲ့တယ်။
http://burma.irrawaddy.org/khin-nyunt/2013/03/19/35903.html

ဦးခင်ညွန့်ရဲ့ လက်ရာ ငရဲနဲ့ တာဝတိံသာ

l

ထောက်လှမ်းရေး အကြီးအကဲဟောင်း ဦးခင်ညွန့် (ဓာတ်ပုံ – နန်းသီရိလွင် / ဧရာဝတီ)

စစ်ထောက်လှမ်းရေး အကြီးအကဲဟောင်း ဦးခင်ညွန့်ဟာ နေအိမ်အကျယ်ချုပ် ကျခံနေရာကနေ 

သမ္မတ ဦးသိန်းစိန်ရဲ့ လွတ်ငြိမ်းချမ်းသာခွင့်နဲ့ လွတ်မြောက်လာခဲ့ပြီးတဲ့နောက် သူအရင် နေထိုင်ခဲ့တဲ့ 

ခြံဝန်းကြီးထဲမှာ နဝဒေး ပန်ချီပြခန်း နဝဒေး ကော်ဖီကော်နာနဲ့ နဝဒေး အမှတ်တရ ပစ္စည်းဆိုင်တွေကို ဖွင့်လှစ်ခဲ့ပါတယ်။

ဒီဆိုင်တွေကို ကျပ်သိန်းထောင်ချီ အကုန်အကျခံ တည်ဆောက်ခဲ့တဲ့ ဦးခင်ညွန့်က “ဘဘ ချမ်းသာတဲ့

သူမဟုတ်ဘူး” လို့ ပြောဆိုခဲ့ပေမယ့် နိုင်ငံရေးယုံကြည်ချက်နဲ့ ထောင်ကျပြီး လွတ်မြောက်လာခဲ့သူတွေနဲ့ စာရင် စစ်ဗိုလ်ချုပ်ကြီးဟောင်း က တိုက်တာ ခြံဝန်းတွေနဲ့ စည်းစိမ် မပြတ်နေနိုင်တာ တွေ့ရပါတယ်။

စစ်အစိုးရ လက်ထက် ထောက်လှမ်းရေး ညွှန်မှူး၊ အတွင်းရေးမှူး ၁ နဲ့ ဝန်ကြီးချုပ်တာဝန်တွေကို ယူခဲ့တဲ့ ဗိုလ်ချုပ်ကြီးဟောင်း ဦးခင်ညွန့်ဟာ သြဇာ အရှိန်အဝါ ကြီးထွားခဲ့သူ တဦးဖြစ်ခဲ့ပြီး သူ့လက်ထက်မှာ ရာထောင်ချီတဲ့ နိုင်ငံရေး သမားတွေ၊ တက်ကြွ လှုပ်ရှားသူတွေနဲ့ ရဟန်း သံဃာတွေကို အာဏာ အလွဲသုံးစားလုပ်ပြီး လက်လွတ်စပယ် အကျဉ်းထောင်တွေထဲ ပို့ခဲ့တဲ့ အဖြစ်အပျက်တွေနဲ့လည်း နာမည်ကျော်ကြားသူဖြစ်ပါတယ်။

အဲဒီလို ယုံကြည်ချက်နဲ့ လှုပ်ရှားနေတဲ့ သူတွေကို ဖမ်းဆီး နှိပ်စက်ပြီး နှစ်ရှည် ထောင်ဒဏ်တွေချ၊ နှိပ်ကွပ် တာတွေကြောင့် အကျဉ်း ကျနေသူတွေဟာ မိသားစုတွေနဲ့ အိမ်ထောင်ကွဲသူတွေ၊ သားသမီး မိသားစုတွေနဲ့ ကွဲသူတွေ၊ သေကွဲကွဲသူတွေ၊ ရှင်ကွဲကွဲသူတွေ၊ ပညာရေး၊ စီးပွားရေး၊ ကျမ်းမာရေးနဲ့ လူမှုရေး စတဲ့ ကဏ္ဍအသီးသီးမှာ နည်းအမျိုးမျိုး ထိခိုက် ပျက်စီးမှု တွေကို ခါးစည်းခံခဲ့ကြရပါတယ်။

ဦးခင်ညွန့် အကျဉ်းထောင်က လွတ်လာပြီး တင့်တင့်တယ်တယ် နေထိုင်နိုင်ပေမယ့် သူ့လက်ထက်မှာ နှိပ်ကွပ်ခံခဲ့ရသူတွေ ကတော့ လွတ်မြောက်လာပြီးတဲ့နောက် အများစုက အပြင်လောကမှာ စီးပွားရေး၊ ပညာရေး၊ လူမှုရေးနဲ့ ဘဝရပ်တည်ဖို့ အခက် အခဲတွေ ရင်ဆိုင်နေရကြတာလည်း မနည်းပါဘူး။

အဲဒီအထဲမှာ ၁၉၈၉ ခုနှစ်က သံလျင်ရေနံချက်စက်ရုံ ဗုံးခွဲမှုနဲ့ လွဲမှား အကျဉ်းချခံခဲ့ရပြီး ၂၃ နှစ်ကြာမှ လွတ်မြောက်လာခဲ့ရတဲ့ အမျိုးသား ဒီမိုကရေစီ အဖွဲ့ချုပ် (NLD) လူငယ် ကိုသန်းဇော်လည်း ပါဝင်ပါတယ်၊ သူထောင်ကျနေစဉ် အချိန်မှာပဲ မိဘ နှစ်ပါး ဆုံးပါးသွားခဲ့သလို ထောင်က လွတ်လာတဲ့ အချိန်ကတည်းက ခုချိန်အထိ နေစရာအိမ် အတည်တကျ မရှိသေးသလို၊ အလုပ်အကိုင်အတွက်လည်း အခက်ကြုံ နေရပါတယ်။

လောလောဆယ် ညီမဖြစ်သူ အိမ်နဲ့ သူငယ်ချင်းတွေအိမ်မှာ ခိုကပ်နေပြီး ထောင်ထဲမှာ နှစ်ရှည် အကျဉ်းစံခဲ့ရတဲ့ သူ့အတွက် အပြင်လောကက လုပ်ငန်းတွေ၊ အတတ်ပညာတွေနဲ့ အံဝင်မှု မရှိတော့ ဝမ်းရေးအတွက်၊ အတည်တကျ မရှိတဲ့ ကြုံရာ ကျပန်း အလုပ်တွေကိုပဲ ရှာဖွေ လုပ်ကိုင် နေရသူ ဖြစ်ပါတယ်။

“ကျနော့်ဘဝက မပျက်စီးဘူးလို့ပြောရင် လိမ်ရာကျမယ်၊ အခုလောလောဆယ်ကို ကျနော့်မှာ နေစရာ အိမ်မရှိဘူး။ အဖေရော၊ အမေရော ဆုံးရှုံးသွားရတယ်၊ အခု ညီမအိမ်နဲ့ အပေါင်းအသင်းတွေ အိမ်မှာ ကုပ်ကတ်နေတယ်၊ ကျနော်က ယောက်ျားဗျနော်၊ အလုပ်လုပ် ချင်တယ်၊ ဒါပေမယ့် အလုပ်အကိုင်က မရှိဘူး၊ ကျနော့်ဘဝကြီးက ပျက်တာထက် ဆိုးတာပေါ့ဗျာ။ စိတ်ပိုင်း ဆိုင်ရာ၊ ရုပ်ပိုင်းဆိုင်ရာ အကုန်ပျက်စီးတာပေါ့” လို့ ကိုသန်းဇော် က သူ့အခြေအနေကို ပြောပြပါတယ်။

ထောင်က လွတ်လာပြီးတဲ့နောက် NLD ကထုတ်ဝေတဲ့ ဒီလှိုင်းဂျာနယ်မှာ စေတနာ့ဝန်ထမ်း အဖြစ် လုပ်ကိုင်ပေးခဲ့ပေမယ့် သူ့ရဲ့ ဝမ်းရေးအတွက် ကျပန်းလုပ်ငန်းတွေ ရှာကြံ လုပ်ကိုင်နေရတာကြောင့် သွားပြီး မကူညီနိုင်တော့တာ ၂ လလောက် တောင် ရှိပြီလို့ ဆိုပါတယ်။

ဒီအခြေအနေ မျိုးတွေဟာ ကိုသန်းဇော် တယောက်တည်း ဒီလိုကြုံနေရတာတော့ မဟုတ်ပါဘူး၊ သူနဲ့အတူ အမှုတွဲ တခုတည်းနဲ့ ထောင်အတူတူ ကျခဲ့ကြတဲ့ သန်လျင်က NLD လူငယ် ခေါင်းဆောင်တွေဖြစ်တဲ့ ကိုညီညီဦးနဲ့ ကိုမိုးကျော်သူ တို့လည်း ထောင်က လွတ်လာပြီးတဲ့နောက် အလားတူ အခြေအနေတွေနဲ့ ရင်ဆိုင်ကြုံတွေ့နေရတယ်လို့ သိရပါတယ်။

သူတို့ ၃ ဦးကို ၁၉၈၉ ခုနှစ် ဇူလိုင်လထဲမှာ ဦးခင်ညွန့်ရဲ့ ထောက်လှမ်းရေး တပ်ဖွဲ့တွေက သန်လျင် ရေနံချက်စက်ရုံဗုံးခွဲမှု သံသယနဲ့ ဖမ်းဆီးခဲ့ရာက ငရဲခန်းလို့ နာမည်ကြီးလှတဲ့ ရေကြည်အိုင် စစ်ကြောရေးစခန်းမှာ နည်းလမ်းပေါင်းစုံနဲ့ ညှဉ်းပန်းနှိပ်စက်ပြီး ဗုံးခွဲ တရားခံဖြစ်ကြောင်း အတင်းအဓမ္မ ဝန်ခံခိုင်းခဲ့တယ်၊ ပြီးတော့ သေဒဏ် ချမှတ်ခဲ့တယ်လို့ ကာယကံရှင်တွေက ပြောပါတယ်။

နောက်ပိုင်းမှာ သန်လျင်ရေနံချက်စက်ရုံနဲ့ ရန်ကုန်မြို့တော် ခန်းမကို ဗုံးခွဲတယ်ဆိုတဲ့ တရားခံ အစစ်ကို ဖမ်းမိခဲ့ပါတယ်၊ ကာယကံရှင် ကလည်း သူဖောက်ခွဲကြောင်း ဝန်ခံခဲ့တဲ့အတွက် သေဒဏ် ချမှတ်ခဲ့ပါတယ်၊ ဒါပေမယ့် လွဲမှား ဖမ်းဆီးခဲ့တဲ့ သူတို့ ၃ ယောက်ကိုတော့ ပြန်လွှတ်ပေးခြင်းမရှိဘဲ မြေအောက် လှုပ်ရှားတဲ့ အဖွဲ့တွေနဲ့ ဆက်သွယ်တယ် ဆိုပြီး နောက်တမှု ဖွင့်ပြီး ထောင်ဒဏ် စီယင်ခဲ့တာကို ခံခဲ့ကြရပြန်ပါတယ်။

လူငယ်တယောက်ရဲ့ ဘဝ အညွန့်တလူလူ တက်စ အသက် ၂၀ ဝန်းကျင် ကာလမှာ တရားခံ အစစ်မဟုတ်ဘဲ ညှဉ်းပန်း နှိပ်စက်ခံခဲ့ရပြီး နှစ်ပေါင်း ၂၀ ကျော်ကြာ အကျဉ်းချ ခံခဲ့ရတဲ့အတွက် သူတို့ဘဝတွေဟာ စိတ်ပိုင်းကော၊ ရုပ်ပိုင်းဆိုင်ရာပါ ပျက်စီးခဲ့တာ ဖြစ်ပါတယ်။ သူတို့လို အလားတူ ခံစားခဲ့ရသူတွေ ဦးခင်ညွန့် လက်ထက်မှာ ရာချီ ရှိပေမယ့် ဦးခင်ညွန့် အပေါ် အာဃာတ မထားကြပါဘူးလို့ ကိုသန်းဇော်က ပြောပါတယ်။

“ကျနော်တို့ ကတော့ ဒေါ်အောင်ဆန်းစုကြည် ပြောသလိုပဲ အာဃာတ တရားမထားဘူး၊ မေတ္တာနဲ့ပဲ အတတ်နိုင်ဆုံး ကြိုးစား ပြီးတော့ နေတယ်။ သူ (ဦးခင်ညွန့်) အဆင့်မြင့်နေလို့၊ ဇိမ်ကျနေလို့ မနာလိုဝန်တိုတာလည်း မရှိဘူး၊ တခုတော့ ရှိတာပေါ့၊ သူလုပ်ခဲ့တာတွေဟာ ကျနော်အပါအဝင် မြန်မာနိုင်ငံသူ၊ နိုင်ငံသားတွေ ဆင်းရဲဒုက္ခ ရောက်ကြရတာ ရှိတာပေါ့၊ သူလုပ်ခဲ့တာ တွေဟာ တိုင်းသိ၊ ပြည်သိ၊ ကမ္ဘာသိပါ။ သူကိုယ်တိုင်လည်း အသိဆုံးပါ။ ဒါ လိမ်လို့မရပါဘူး၊ လူဆိုတာ ကံဇာတာ ရှိတုန်း စံနိုင်သလို၊ ဝဋ်လည်ရင်လည်း ခံရမှာပဲ” လို့ သူက ဆိုပါတယ်။

ဦးခင်ညွန့်ဟာ ကွယ်လွန်သူ အာဏာရှင်ဟောင်း ဦးနေ၀င်းရဲ့ လက်ရင်း လူယုံ တဦးဖြစ်ပြီးနောက် စစ်ထောက်လှမ်းရေး အကြီးအကဲ ဖြစ်လာခဲ့တာပါ။ သူ့ကို ၁၉၈၈ ခုနှစ်က လူထု အုံကြွမှုတွေမှာ ဒီမိုကရေစီနဲ့ လူ့အခွင့်အရေး လှုပ်ရှားသူတွေကို ညှဉ်းပန်းနှိပ်စက်၊ ဖမ်းဆီးထောင်ချတဲ့ လုပ်ရပ်တွေနဲ့ ပတ်သက်ပြီး တာဝန်ရှိသူ အဖြစ်လည်း အများက ပြောဆိုခဲ့ကြပါတယ်။

၂၀၁၂ ခုနှစ် ဇန်န၀ါရီလ ၁၃ ရက်နေ့မှာ နေအိမ်အကျယ်ချုပ်က လွတ်မြောက်ခဲ့တဲ့ ဦးခင်ညွန့်ဟာ ၁၉၈၈ ခုနှစ် စက်တင်ဘာလ စစ်တပ်က အာဏာသိမ်းပြီး နောက်ပိုင်း နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (န၀တ) စစ်အစိုးရ အတွင်းရေးမှူး (၁) တာဝန်၊ အဲဒီနောက် နိုင်ငံတော် အေးချမ်းသာယာရေးနှင့် ဖွံ့ဖြိုးရေး ကောင်စီ (နအဖ) စစ်အစိုးရ လက်ထက် ၀န်ကြီးချုပ် တာဝန်တွေကို ယူခဲ့တာပါ။

သူဟာ ၂၀၀၄ ခုနှစ် အောက်တိုဘာလထဲမှာ သူနဲ့ လက်အောက်ခံ စစ်ထောက်လှမ်းရေး အရာရှိဟောင်း ၃၈ ဦးကို လာဘ်ပေး လာဘ်ယူမှု၊ အာဏာ အလွဲသုံးစား လုပ်မှုတွေနဲ့ ထောင်ဒဏ် အနှစ် ၂၀ ကနေ ၁၆၀ နှစ်အထိ ချမှတ်ခံခဲ့ရပေမယ့် ဦးခင်ညွန့် ကိုတော့ ဆိုင်းငံ့ပြစ်ဒဏ် ၄၄ နှစ် ချမှတ်ခဲ့ပြီး နေအိမ် အကျယ်ချုပ်နဲ့ ထိန်းသိမ်းခဲ့တာ ဖြစ်ပါတယ်။

ဦးခင်ညွန့်ဟာ သူ့လက်ထက် လူပုဂ္ဂိုလ်တွေတင် မကဘဲ ရဟန်းသံဃာတော်တွေကိုပါ ဖမ်းဆီးနှိပ်စက် အကျဉ်းချမှုတွေ ရှိခဲ့ပါတယ်။ သူ့လက်ထက် ၁၉၈၈ လူထု အရေးတော်ပုံအပြီး ၁၉၉၁ ခုနှစ်မှာ သြဇာတိက္ကမ ကြီးမားတဲ့ ရဟန်းသံဃာတွေကို ဖမ်းဆီး ညှဉ်းပန်းနှိပ်စက် ထောင်ချမှုတွေ ပြုလုပ်ခဲ့ပြီး အဲဒီအထဲမှာ မဟာဂန္ဓာရုံ တိပိဋကဓရ ဆရာတော် အရှင် သုမင်္ဂလာလင်္ကာရလို့ ထင်ရှားတဲ့ ဆရာတော် တွေလည်း ပါဝင်ခဲ့ပါတယ်။ မစိုးရိမ်ဆရာတော်ကြီး အရှင် ရာဇဓမ္မာဘိဝံသ၊ အင်းစိန် ရွာမဆရာတော် အရှင် တိလောကာဘိဝံသ တို့ကိုလည်း ထောင်းသွင်း အကျဉ်းချဖူးပါတယ်။

အခုတလော ပန်းချီပြခန်း၊ ကော်ဖီကော်နာနဲ့ အမှတ်တရ ပစ္စည်း ဆိုင်ခန်းတွေဖွင့်တာကို အကြောင်းပြပြီး ဦးခင်ညွန့်ရဲ့ ရုပ်ပုံတွေဟာ သတင်းစာတွေ၊ ဂျာနယ်တွေ၊ ရုပ်သံတွေနဲ့ အင်တာနက် စာမျက်နှာတွေပေါ်မှာ နေရာယူလာတာကို တွေ့ရပါတယ်။

သတင်း မီဒီယာသမားတွေနဲ့ တွေ့တဲ့အခါ သူဟာ ချမ်းသာသူ မဟုတ်တဲ့အကြောင်း၊ ပန်းစိုက်ပြီး အိမ်စရိတ် ရှာဖွေသူ ဖြစ်ကြောင်း ပြောဆိုလေ့ရှိပါတယ်။ မကြာသေးခင်က ဧရာဝတီ သတင်းထောက်တွေနဲ့ တွေ့ဆုံတုန်းကလည်း အဲဒီလိုပဲ သူ ပြောခဲ့ပါတယ်။

“ဘဘချမ်းသာတဲ့ သူမဟုတ်ဘူး။ ဘဘ တချိန်တုန်းက လာဘ်စား ခဲ့တဲ့သူလည်း မဟုတ်ဘူး။ အမြတ်ကြီးစား လုပ်ခဲ့တဲ့ သူလည်း မဟုတ်ဘူး။ စီးပွားရေး သမားတွေကို ပေါင်းဖော်ပြီးတော့မှ စီးပွားဖြစ်အောင် လုပ်ခဲ့တဲ့ လူစားလည်း မဟုတ်ဘူး” လို့ ဦးခင်ညွန့်က ပြောဆိုနေပေမယ့် လက်ရှိနေထိုင်နေတဲ့ ခြံဝင်းကြီးနဲ့ တိုက်ကြီးဟာ စစ်သား တယောက်ရဲ့ လစာနဲ့ ဝယ်ယူနိုင်ဖို့ မလွယ်ကူဘူးလို့ ဝေဖန်သူတွေ များနေပါတယ်။

သတင်းမီဒီယာတွေက ဦးခင်ညွန့်နဲ့ တိုက်ရိုက် တွေ့ဆုံမေးမြန်းခွင့်တွေ ရခဲ့ကြပေမယ့် သူဖွင့်ထားတဲ့ ဆိုင်တွေ အကြောင်း ကိုသာ မေးခွင့်ရှိပြီး သူ စစ်ထောက်လှမ်းရေးဘဝက လုပ်ကိုင်ခဲ့တဲ့ အကြောင်းတွေကိုတော့ မေးခွင့် မပေးပါဘူး၊ အဲဒီ အတွက်လည်း ဟန့်တားပါတယ်၊ အဲဒီလို မေးခွန်းတွေမေးမယ့် သတင်းမီဒီယာ အဖွဲ့တွေဆိုရင်လည်း အင်တာဗျူး မပေးဘူးဆိုပြီး ကြိုတင် ပြောဆိုပါတယ်။

သတင်းမီဒီယာတွေပေါ်မှာ ဦးခင်ညွန့် ပုံတွေကို တွေ့မြင်လာရတော့ စစ်အစိုးရ လက်ထက်က နှိပ်ကွပ်ခဲ့တာတွေကို ကာယကံ ရှင်တွေက သတိပြန်ရမိစေ ခဲ့တယ်လို့ ဦးခင်ညွန့် လက်ထက် ဖမ်းဆီးထောင်ချခံရပြီး ၁၉၉၁ ခုနှစ် ထောင်တွင်းမှာ သေဆုံး သွားခဲ့တဲ့ ၁၉၉၀ ပြည့် ရွေးကောက်ပွဲ ခရမ်းမြို့နယ် လွှတ်တော် ကိုယ်စားလှယ် ဦးတင်မောင်ဝင်းရဲ့ ဇနီးဖြစ်သူ ဒေါ်ခင်လှိုင်ကြူ က ပြောပါတယ်။

“အင်တာနက် စာမျက်နှာတွေမှာ တွေ့လာရတယ်၊ စိတ်ထဲမှာတော့ သြော်၊ ဒီလူကြီးတော့ ပြန်ပေါ်လာပြီပေါ့လို့ တွေးမိပါတယ်။ ဒီလူတွေပဲ ဖြစ်နေတာပဲပေါ့၊ ကိုယ့်မှာတော့ ဆုံးရှုံးရတယ်ပေါ့၊ အိမ်ထောင်စု တခုမှာ အိမ်ထောင်ဦးစီး ဆုံးရှုံးခဲ့ရတဲ့ ခံစားမှု ဖြစ်တာပေါ့။ သားတွေ၊ သမီးတွေနဲ့ အန်တီတို့မှာ ရုန်းကန်ခဲ့ရတာ” လို့ ဒေါ်ခင်လှိုင်ကြူက ပြောရင်း စိတ်မထိန်းနိုင်ဘဲ ငိုပါတယ်။

ဦးတင်မောင်ဝင်း ရှိစဉ်က သူ့သားသမီးတွေကို ပညာတတ်တွေဖြစ်အောင် ကြိုးစားဖို့ အကြိမ်ကြိမ် တိုက်တွန်းခဲ့သလို သူ့သား အပေါ်မှာလည်း မျှော်လင့်ချက် ကြီးခဲ့တယ်လို့ ဒေါ်ခင်လှိုင်ကြူက ဆိုပါတယ်။ ဦးတင်မောင်ဝင်း အဖမ်းခံရစဉ်တုန်းက သူတို့ရဲ့ သားဖြစ်သူဟာ ၉ တန်း ကျောင်းသားဖြစ်ပြီး စာတော်သူ တဦး ဖြစ်တယ်လို့ သိရပါတယ်။

ဦးတင်မောင်ဝင်း မတရား ဖမ်းဆီးထောင်ချခံခဲ့ပြီး ထောင်ထဲမှာပဲ သေဆုံးခဲ့ရမှုအပေါ် သားဖြစ်သူက စိတ်ထိခိုက်ခဲ့ရပြီး ပညာရေးနဲ့ စိတ်ပိုင်းဆိုင်ရာ ထိခိုက်မှုတွေဖြစ်ခဲ့တဲ့ အတွက် ခင်ပွန်း ဆုံးပါးမှုကြောင့် နာကြင်ခံစားခဲ့ရသလို သားဖြစ်သူ အတွက်လည်း သောက ပွေခဲ့ရတယ်လို့ ဒေါ်ခင်လှိုင်ကြူက ငိုရင်း ပြောပါတယ်။

“ဦးခင်ညွန့်ကတော့ သူလုပ်ခဲ့တဲ့အကြောင်းတွေ ပြန်မေးရင် သူ့လက်နဲ့ လုပ်တာမဟုတ်ဘူး၊ သူလုပ်တာ မဟုတ်ဘူးလို့ ပြောမှာပေါ့၊ ဒါပေမယ်လို့ သူ့ရဲ့ လက်ညှိုးညွှန်ရာတွေနဲ့ လူတွေ ဘယ်လောက် ဒုက္ခရောက်ခဲ့ရလဲ။ သူ့လက်မှာ သွေး မစွန်းပေမယ့်၊ သူ့ခန္ဓာကိုယ်က ထွက်တဲ့ သွေးတွေကတော့ အညစ်အကြေးတွေနဲ့ ပါပဲ” လို့ သူက ဆက်ပြောပါတယ်။

ခင်ပွန်း ဖြစ်သူ ဦးတင်မောင်ဝင်းဟာ ဖဆပလ အစိုးရ လက်ထက် အထက်တန်းကျောင်းသား ဘဝကတည်းက ဗမာနိုင်ငံလုံး ဆိုင်ရာ ကျောင်းသားများ သမဂ္ဂမှာ ပါဝင်ခဲ့ပြီး ၁၉၆၂ စစ်အာဏာ သိမ်းမှုကိုလည်း ဆန့်ကျင်ခဲ့သူ ဖြစ်ပါတယ်။ ကျောင်းသား လှုပ်ရှားမှုတွေ ပြုလုပ်ခဲ့တဲ့ အတွက် ၁၉၆၄ ခုနှစ်မှာ ထောင်ဒဏ် ၇ နှစ် ချမှတ်ခံခဲ့ရဖူးပြီး ဦးခင်ညွန့် တန်ခိုးထွားတဲ့အချိန် ထောင်ကျ စဉ်မှာတော့ ထောင်တွင်းမှာပဲ သေဆုံးခဲ့ရပါတယ်။

ဦးခင်ညွန့်လက်ထက်မှာ ထောက်လှမ်းရေး အဖွဲ့တွေက နိုင်ငံရေးသမားတွေကို ဖမ်းဆီးပြီးတဲ့အခါ ရက်ရက်စက်စက် ညှဉ်းပန်း တာတွေ လုပ်တဲ့အပြင် ထောင်ထဲမှာပဲ ဘဝတွေ သေဆုံးသွားအောင် ဥပဒေ အမျိုးမျိုးတပ်ပြီး နှိပ်ကွပ်ခဲ့တာတွေလည်း ရှိတယ်လို့ ပြည်သူ့ ကာကွယ်ရေးတပ်ဖွဲ့ (PDF) နဲ့ ဆက်နွှယ်မှုနဲ့ ဖမ်းဆီးထောင်ချခံခဲ့ရတဲ့ ဦးဘမျိုးသိန်းက ပြောပါတယ်။

“ခေါင်းစွပ် အမည်းကြီး စွပ်ထားပြီးတော့ အမျိုးမျိုး ကန်ကျောက် ရိုက်နှက်ပြီးတော့ မေးကြတယ်၊ နားရင်း နှစ်ဘက်ကို ညှပ်ပြီးတော့ ရိုက်တယ်၊ မတ်တပ်ရပ် အနေအထားမှာ ခြေဖျားထောက်၊ လက်နှစ်ဘက်ကွေးပြီး ဆိုင်ကယ်မောင်းတဲ့ပုံ အကြာကြီး နေခိုင်းတယ်။ ကျနော်ဆိုရင် စ အဖမ်းခံရတုန်းက ထောက်လှမ်းရေး ၆ မှာ ၁ လကျော်လောက် ခံလိုက်ရတယ်” လို့ ဦးဘမျိုးသိန်းက ဖြစ်စဉ်တွေကို ပြန်ရှင်းပြပါတယ်။

ဦးဘမျိုးသိန်းဟာ ၁၉၉၀ ပြည့်နှစ်မှာ PDF နဲ့ ဆက်နွှယ်မှုနဲ့ ဖမ်းဆီးခံခဲ့ရပြီး ထောင်ဒဏ် ၇ နှစ် ချခံခဲ့ရပါတယ်၊ လွတ်ရက် မစေ့ခင်မှာဘဲ အထင်ကရ သတင်းစာဆရာကြီး ဦးဝင်းတင်တို့နဲ့အတူ “ထောင်တွင်း လူ့အခွင့်အရေး ချိုးဖောက်မှုများ ဆိုင်ရာ အစီရင်ခံစာ” ကို ကုလသမဂ္ဂ အထွေထွေ အတွင်းရေးမှူးထံ လိပ်မူပြီး လျှို့ဝှက် ပို့ပေးမှု၊ ထောင်တွင်း လူ့အခွင့်အရေး လှုပ်ရှားမှု တွေကြောင့် ထောင်ထဲမှာ အနှစ် ၂၀ ခန့် နေလိုက်ရပြီး ၂၀၁၀ ပြည့်နှစ်မှာ လွတ်မြောက်လာခဲ့တာပါ။

၂၀၀၉ ခုနှစ်မှာ သူ့ကို အာဏာပိုင်တွေက လွှတ်ပေးဖို့ ဆုံးဖြတ်ခဲ့တဲ့အတွက် လွတ်မြောက်ဖို့ အခွင့်အရေး တကြိမ် ရရှိခဲ့ပေမယ့် ပုဒ်မ ၄၀၁ ကို လက်မှတ်မထိုးတဲ့ အတွက် အာဏာပိုင်တွေက လွှတ်မပေးခဲ့ပါဘူး။

“ထောင်ကျတဲ့ အတွက် လွတ်လပ်မှုတွေ၊ အချိန်တွေ ဆုံးရှုံးတာပေါ့ဗျာ။ အဆိုးဆုံးကတော့ ထောင်ကျနေတဲ့ အချိန်မှာ ကျနော့် မိခင် ဆုံးသွားတယ်၊ ကျနော်လည်း နောက်မှသိရတာ၊ ထောင်ကထွက်လာတော့လည်း နေစရာမရှိဘူး။ ကိုယ်တည်းခိုတဲ့ နေရာတွေကို လိုက် ပြဿနာ ရှာတာတွေ၊ ဖိအားပေးတာတွေ ခံခဲ့ရတယ်ဗျ။ ဘဝဆိုရင်လည်း သုညကနေ ပြန်စရတယ်၊ ဒါတွေကို ဦးခင်ညွန့်က မခံစားရပါဘူး” လို့ ဦးဘမျိုးသိန်းက သူ့အကြောင်းတွေ ရှင်းပြပါတယ်။

ဦးခင်ညွန့် နေအိမ်အကျယ်ချုပ်က လွတ်လာပြီးတဲ့ နောက်ပိုင်း သတင်းမီဒီယာတွေနဲ့ တွေ့ဆုံတဲ့အခါ သူ့လက်ထက်တုန်းက လုပ်ခဲ့တဲ့ ကိစ္စတွေဟာ သူ့အလိုကျ လုပ်ခဲ့တာမဟုတ်ဘဲ အထက်ကပေးတဲ့ တာဝန်အရ လုပ်ဆောင်ခဲ့ရတာဖြစ်တယ်လို့ ပြောဆိုပါတယ်။

အဲဒီလို ပြောဆိုမှုအပေါ် ဦးဘမျိုးသိန်းက “တာဝန်အရ လုပ်တယ်ဆိုတာကိုတော့ လက်ခံလို့ မရဘူးဗျ။ တာဝန်ဆိုတာ ဘာ တာဝန်လဲပေါ့၊ နိုင်ငံနဲ့ လူမျိုး တိုးတက်ရာ တိုးတက်ကြောင်း အတွက် လုပ်ဆောင်နေတဲ့လူတွေကို စနစ်တကျ ပိတ်ပင်တဲ့၊ ဖိနှိပ်နှိပ်ကွပ်တဲ့ ဟာကို တာဝန်လားလို့ မေးရမလို ဖြစ်နေတာပေါ့ဗျာ။ အခုအချိန်မှာ သူ့အနေနဲ့ အမြင်ပြောင်းလာတယ် ဆိုရင်တော့ လက်ခံပါတယ်၊ ဒါပေမယ့် သူလုပ်ခဲ့တဲ့ အမှားတွေအတွက် တိုင်းသိ၊ ပြည်သိ ဝန်ချတောင်းပန်ဖို့တော့ လိုတာပေါ့” လို့ ဆိုပါတယ်။

စစ်ထောက်လှမ်းရေး အကြီးအကဲဟောင်း၊ ၀န်ကြီးချုပ်ဟောင်း၊ ဗိုလ်ချုပ်ကြီးဟောင်း 

ဦးခင်ညွန့်ဦးခင်ညွန့်ဟာ အကျဉ်းကျခဲ့တယ် ဆိုပေမယ့် သူကိုယ်တိုင် ဖမ်းဆီး ထောင်

ချခဲ့တဲ့လူတွေ အကျဉ်းကျရတဲ့ ပုံစံတွေနဲ့ မတူညီသလို ထောင်က ထွက်လာတဲ့ အနေ

အထား တွေကလည်း ကွာခြားလွန်းပြီး နိုင်းယှဉ် ပြစရာတောင် မရှိဘူးလို့ အထင်ကရ 

သတင်းစာ ဆရာကြီး လည်းဖြစ် နိုင်ငံရေးလောကမှာ ထင်ရှားသူ တဦးလည်းဖြစ်တဲ့ 

ဦးဝင်းတင်က ပြောပြပါတယ်။

“ကွာခြားပုံက နှိုင်းစရာတောင် မရှိသလောက်ဘဲ။ ကွာခြားချက်က ၂ မျိုးရှိတယ်၊ တမျိုးက 

အကျဉ်းကျ ခံရတဲ့ကာလမှာ နိုင်ငံရေး အကျဉ်းသားတွေက ဒုက္ခ၊ သောကတွေ ခံစားရတယ်။

သူ (ဦးခင်ညွန့်) နဲ့ ယှဉ်ရင် သာဝတိံသာနဲ့ ငရဲပြည်လို ကွာတယ်၊ နိုင်ငံရေး အကျဉ်းသားတွေက အကျဉ်းထောင်က လွတ်လာတဲ့ အခါမှာလည်း ကိုယ့်ကိုယ်ကိုယ် ပြန် တည်ဆောက်ဖို့၊ ဂုဏ်

သိက္ခာရှိရှိ အိနြေ္ဒမပျက် လူရာသူရာဝင် နေနိုင်ဖို့ ဆိုတာ အတော့်ကို ခဲယဉ်းတယ်။ သူ 

(ဦးခင်ညွန့်) လွတ်လာတော့ တခမ်းတနားကြီး နေနိုင်တယ်” လို့ ဦးဝင်းတင်က ထောက်ပြေ

ပြောဆိုပါတယ်။

ဦးဝင်းတင်က သူ့ရဲ့ ကျန်းမာရေး စရိတ်၊ စာမူခနဲ့ တခြား အလှူငွေတွေထဲကနေပြီး လွတ်

မြောက်လာတဲ့ နိုင်ငံရေး အကျဉ်းသား တွေကို သူကိုယ်တိုင် ကူညီ စောင့်ရှောက် ပေးနေတာ ဖြစ်တာကြောင့် ဦးခင်ညွန့်နဲ့ နိုင်ငံရေး အကျဉ်းသားတွေ အကြား ထောင်တွင်း၊ ထောင်ပြင် ကွာခြားလွန်းလှတဲ့ အခြေအနေတွေကို လက်တွေ့ တွေ့မြင်နေရတယ်လို့ ဆိုပါတယ်။

ဦးဝင်းတင် ကိုယ်တိုင်ကလည်း ဦးခင်ညွန့် လက်ထက်မှာ နှစ်ရှည်ထောင်ဒဏ် ကျခံခဲ့ရတဲ့ 

အကျဉ်းသား တဦးဖြစ်ခဲ့ပြီး ၂၀၀၈ ခုနှစ်မှာ ပြန်လွှတ်ပေးခဲ့တာပါ။ အာဏာပိုင်တွေက သူ့ကို

နေအိမ်အရောက် အတင်းအကျပ် ပြန်ပို့ခဲ့တယ်လို့ သိရပါတယ်။

ဦးခင်ညွန့် လက်ထက် မြန်မာ့အတိုက်အခံ ခေါင်းဆောင် ဒေါ်အောင်ဆန်းစုကြည် ကိုယ်တိုင်

နေအိမ်အကျယ်ချုပ် ကျစဉ် ကာလမှာ ကိုယ်ရေးကိုယ်တာ လွတ်လပ်ခွင့် ပိတ်ပင်ခံရမှုတွေ၊ 

ဂုဏ်သိက္ခာကို ထိခိုက်စေမယ့် ဆောင်ရွက်မှုမျိုးတွေ ရှိတယ်ဆိုပြီး သတင်း မီဒီယာတွေနဲ့ 

တွေ့ဆုံတဲ့ အခါမှာ ပြောဆိုခဲ့ဖူးတာတွေလည်း ရှိခဲ့ပါတယ်။

ဦးခင်ညွန့်ကတော့ မကြာသေးခင်က သတင်းမီဒီယာတွေနဲ့ တွေ့ဆုံတုန်းက သူ့အနေနဲ့ နိုင်ငံရေး လုပ်ငန်းတွေ လုပ်တော့မှာ မဟုတ်ဘဲ လူမှုရေး လုပ်ငန်းတွေ လုပ်ဆောင်ပြီး အေးအေးချမ်းချမ်း နေသွားလိုကြောင်း အခုဖွင့်လှစ်တဲ့ ဆိုင်တွေနဲ့ ပတ်သက် ပြီးတော့လည်း အေးအေးချမ်းချမ်း 

နေထိုင်ဖို့ ဖွင့်လှစ်တာ ဖြစ်တဲ့အကြောင်း ပြောပါတယ်။

“ဘဘ အေးချမ်းတဲ့ ဘ၀ကို တည်ဆောက်ချင်တယ်ကွယ်။ အခုလည်း အေးချမ်းပါတယ်။

ဒီထက်ပိုပြီး အေးချမ်းအောင်လို့ ဒါလေးကို ထူထောင်လိုက် ရင်တော့ ပိုပြီးအေးချမ်းမယ် 

ဆိုပြီးတော့ မျှော်မှန်းချက်နဲ့ ဒါလေးကို တည်ဆောက်ရတာ ဖြစ်တယ်” လို့ ဆိုင်ဖွင့်ရတဲ့ 

ရည်ရွယ်ချက်ကို ဦးခင်ညွန့်က ပြောပါတယ်။

ဒီဆိုင်ကို ဖွင့်လိုက်တဲ့ ရည်ရွယ်ချက်ဟာ လူထုနဲ့ပြန်ပြီး ထိတွေ့ပြီး နိုင်ငံရေး လောကထဲကို 

ဝင်ဖို့မဟုတ်ဘူး လို့တော့ ဦးခင်ညွန့်က ပြောပေမယ့် ဝေဖန်သူ တချို့ကတော့ ဒီဆိုင်ကို 

ဘန်းပြပြီး ပြည်တွင်း ပြည်ပ ထောက်လှမ်းရေး ကွန်ရက်တွေနဲ့ ဆက်သွယ်ဖို့ အတွက် 

လွယ်ကူအောင် ပြုလုပ်တာလို့ ပြောဆိုနေကြ တာတွေလည်း ရှိပါတယ်။

http://burma.irrawaddy.org/khin-nyunt/2013/06/11/41850.html

ဗိုလ်ချုပ်ကြီးဟောင်း ခင်ညွန့် မိသားစုပိုင်အိမ်ကို USAID ရုံးမှငှားရမ်းထား

ရန်ကုန်မြို့ရှိ USAID ၏ DAI ရုံး ဖွင့်ထားရာ ယခင် စစ်ထောက်လှမ်းရေး အကြီးအကဲဟောင်း

ဦးခင်ညွှန့်၏ မိသားစုပိုင် နေအိမ် (ဓာတ်ပုံ – Jonathan Hulland)

အမေရိကန်အစိုးရ နိုင်ငံတကာ အကူအညီပေးရေး အေဂျင်စီ (USAID) က ရန်ကုန်မြို့
ရှိ စစ်ထောက်လှမ်းရေး အကြီးအကဲ ဟောင်း ဗိုလ်ချုပ်ကြီး ခင်ညွန့် မိသားစုပိုင် အိမ်ကို
ရုံးအဖြစ် ငှားရမ်းဖွင့်လှစ်နေရာမှ ပြောင်းရွှေ့ရန် စီစဉ်နေကြောင်း သိရသည်။

မြန်မာနိုင်ငံဆိုင်ရာ USAID ၏ Development Alternatives Inc., မှ ပြောခွင့်ရ စတီဗင်
အိုကောနား က ၄င်းတို့အနေဖြင့် မြန်မာ့ နိုင်ငံရေး အခင်းအကျင်းကို သေချာသိရှိရန် ကြိုးစားမှု ပျက်ကွက်ခဲ့သည့်အတွက် ဗိုလ်ချုပ်ကြီးဟောင်း ခင်ညွှန့် ၏ မိသားစုပိုင်အိမ် အား တလလျှင်
အမေရိကန် ဒေါ်လာ ၇၀၀၀ ဖြင့် ၂၀၁၂ ခုနှစ်က ငှားရမ်းအသုံးပြုရန် ဆုံးဖြတ် လက်မှတ်ထိုး
ခဲ့ခြင်းဖြစ်ကြောင်း လည်း ယမန်နေ့က AP သတင်းတပုဒ်တွင် ဖော်ပြထားသည်။
သို့သော် မည့်သည့် အချိန်ကာလတွင် ဗိုလ်ချုပ်ကြီးဟောင်း ဦးခင်ညွန်၏ မိသားစုပိုင် ဖြစ်သော
ရန်ကုန်မြို့ ရွှေတောင်ကြား ရပ် ကွက် အမှတ် ၇၀ (P) နေအိမ်မှ စတင်ပြောင်းရွှေ့မည် ဖြစ်ကြောင်း
ကိုမူ AP သတင်းတွင် မပါရှိပေ။
ဗိုလ်ချုပ်ကြီးဟောင်း ခင်ညွန်နှင့် သူ၏ အပေါင်းအပါများ၊ နာမည်ခံ ကူညီအားပေးနေသူများကို
အမေရိကန် နိုင်ငံက ဒဏ်ခတ် အရေးယူ ပိတ်ဆို့ထားပြီး နာမည်ပျက်စာရင်း ထည့်သွားထားပြီး
ဖြစ်သည်။
ရန်ကုန်မြို့အပါအ၀င် မြို့ကြီးများရှိ တန်ဖိုးကြီး အိမ်ရာများစွာကို လက်ရှိ စစ်ဗိုလ်ချုပ်များ၊ စစ်ဗိုလ်ချုပ်ဟောင်းများနှင့် ၄င်းတို့နှင့် အကျိုးတူ စီးပွားဖက် လုပ်ကိုင်နေသည့် ခရိုနီ စီးပွားရေး လုပ်ငန်းရှင်များကသာ ပိုင်ဆိုင်သည်က များသည်။
အလားတူ ကမ္ဘာ့ကုလသမဂ္ဂ ကလေးများ ရန်ပုံငွေအဖွဲ့ (UNICEF) က စစ်အစိုးရ လက်ထက် လယ်ယာစိုက်ပျိုးရေး ၀န်ကြီးဖြစ် ခဲ့သူ  ဗိုလ်ချုပ်ညွှန့်တင်၏ နေအိမ်အား ရုံးအဖြစ် ငှားရမ်းအ
သုံးပြုခြင်းနှင့် ပတ်သက်၍ ပြီးခဲ့သည့်မေလက ဧရာဝတီ သတင်း ဌာနက ရေးသားခဲ့သေးသည်။
UNICEF ရုံးသည် စတုရန်း ပေ ၃၃၀၀၀ ကျယ်ဝန်းသည့် ဗဟန်းမြို့နယ် ရွှေတောင်ကြား ၂
ရပ်ကွက် အမှတ် ၂၃/အေ တွင် ဖွင့် လှစ်ထား ခြင်းဖြစ်ပြီး တလလျှင် ငှားရမ်းခ ဒေါ်လာ ၈၇၀၀၀
နှုန်းဖြင့် ၇ နှစ်စာ စာချုပ်ချုပ်ဆိုထားခြင်း ဖြစ်သည်။
ဗိုလ်ချုပ် ညွှန့်တင်နှင့် မိသားစုဝင်များဖြစ်သည့် သမီးဖြစ်သူ ဒေါ်သူသူအိဟန်နှင့် သားဖြစ်သူ ဦးကျော်မျိုးညွန့်တို့သည် အမေရိကန် အစိုးရ၏ စီးပွားရေး ဒဏ်ခတ်မှု နာမည်ပျက် စာရင်း သွင်းခံထားရသူများ ဖြစ်သည်။
ထို့အတူ မြန်မာနိုင်ငံဆိုင်ရာ ဥရောပသမဂ္ဂ၏ ရန်ကုန်အခြေစိုက် ရုံးခန်းကိုလည်း လှည်းတန်းလမ်း
ဆုံအနီးရှိ ဘိန်း ဘုရင် လော်စစ်ဟန်၏ သားဖြစ်သူ ဦးထွန်းမြင့်နိုင် ခေါ် စတီဗင်လော ၏ အေးရှားဝါးလ်ကုမ္ပဏီ ပိုင်ဆိုင်သည့် လှည်းတန်းစင်တာတွင် တလလျှင် အမေရိကန် ဒေါ်လာ ၈ သောင်းနှုန်းဖြင့် ငှားရမ်းထားကြောင်းလည်း သိရသည်။
ဦးထွန်းမြင့်နိုင် ခေါ် စတီဗင်လောမှာ မူးယစ်ဆေးဝါး လုပ်ငန်းများတွင် ပါဝင်ပတ်သက်၍ အမေရိကန်နိုင်ငံ၏ နာမည်ပျက် စာရင်း သွင်း ခံထားရသူဖြစ်သည်။
ကုလသမဂ္ဂ အဖွဲ့အစည်းတခုဖြစ်သည့် ကမ္ဘာ့ကျန်းမာရေး အဖွဲ့(WHO)မှာလည်း ရန်ကုန်မြို့၌
ရုံးခန်းငှားရမ်း ဖွင့်လှစ်ထားရာ တလလျှင် အမေရိကန် ဒေါ်လာ ၈ သောင်းနီးပါး ပေးရကြောင်း
သိရသည်။
၂၀၁၁ ခုနှစ်က စပြီး မြန်မာ့ နိုင်ငံရေး၊ စီးပွားရေး ပြုပြင်ပြောင်းလဲမှုများကြောင့် ကုလသမဂ္ဂ
အပါအ၀င် နိုင်ငံတကာ အစိုးရ မဟုတ်သော အဖွဲ့အစည်း(INGOs) များ၊ နိုင်ငံခြား ကုမ္ပဏီများ
လည်း ၀င်ရောက် ရုံးစိုက်လာရာ ရန်ကုန်မြို့နှင့် မြို့ကြီးတချို့က အိမ်၊ ခြံမြေ ဈေးနှုန်းများလည်း
အဆမတန် မြင့်တက်လာခဲ့သည်
UNICEF အပါအ၀င် နိုင်ငံတကာအဖွဲ့အစည်းများ အနေဖြင့် ရန်ကုန်အခြေစိုက် ရုံးခန်းများအတွက် စစ်ဗိုလ်ချုပ်ဟောင်းများနှင့် ၄င်းတို့နှင့် အကျိုးတူ စီးပွားဖက် ခရိုနီ စီးပွားရေးလုပ်ငန်းရှင်များထံမှ
ဈေးနှုန်း မြင့်မားစွာပေး၍ ငှားရမ်းသည့် သတင်းများ ရေး သားခဲ့ပြီးနောက် ပြည်တွင်း ပြည်ပက မေးခွန်းထုတ်မှုများစွာ ဖြစ်ပေါ်ခဲ့သည်။
http://burma.irrawaddy.org/news/2014/11/13/67089.html

သတိမပြုမိတဲ့ ဆေးဝါး အလွဲသုံးစားလုပ်မှု

ဆေးရဲ့ အမည်နဲ့ သူ့ရဲ့ အာနိသင် ဘာလဲဆိုတာ သိသင့်ပါတယ်အလွဲသုံးစား ဆိုတဲ့ မြန်မာစကားကို ကြားရင် အများအားဖြင့်  အစိုးရကို တွေးမြင်မိမယ်၊ ဌာနဆိုင်ရာ ဆိုတဲ့ လူတွေကို မြင်မယ်။ ငွေကြေးကို သုံးရမယ့် နေရာမှာ မသုံးဘဲ၊ တလွဲသုံးတာ၊ ကိုယ်ကျိုးရှာတာ ကိုသာ အလွဲသုံးစား ထင်ကြတာ ကိုး။

မြန်မာ့ လူ့အဖွဲ့ အစည်းမှာ ကိုယ်တိုင် မသိဘဲ အလွဲသုံးစား လုပ်နေမိတဲ့ ကိစ္စတွေ အတော်များ ပါတယ်။ သတိ မမူမိကြတာက ကိုယ်တိုင်ရော ဘာတွေ အလွဲသုံးစား လုပ်နေမိပါလိမ့် ဆိုတာပေါ့။ အထူး သဖြင့်တော့ အများစု လုပ်ဖြစ်နေတဲ့ အလွဲသုံးစား ကိစ္စတွေထဲမှာ ဆေးဝါးတွေကို အလွဲသုံးစားလုပ်မိ နေတာလည်း ပါနေပါတယ်။ ကိုယ်တိုင်၊ ဒါမှမဟုတ် နေထိုင် မကောင်းသူ တယောက်ယောက်နဲ့ တွေ့ရင် နှုတ်ဖျား ရောက်လာတဲ့ ကြားဖူးနားဝ ဆေးတမျိုး ညွှန်လိုက်မိတာက အလွဲသုံးစား လုပ်နေမိတာပါပဲ။
တကယ်တော့ ဆေးဝါးတွေက သိပ္ပံနည်းကျ ဖော်စပ်ထားတာတွေ ဖြစ်သလို၊ ဘာအတွက် ကောင်းပြီး ဘာတွေ ထိခိုက်နိုင်တယ် ဆိုတာလည်း တွဲပြီး ပါတတ်တာပါ။ ဆေးပညာကို သေချာလေ့လာ သင်ယူတတ်မြောက် ထားတာ မဟုတ်ဘဲ ကိုယ့်တုန်းက သက်သာလို့၊ တခြားသူ ပြောတာ ကြားဖူးလို့ ဆိုပြီး ညွှန်ကြား သောက်သုံးစေတာက အလွန် ဆိုးရွားတဲ့ လုပ်ရပ် တခုပါပဲ။ နှုတ်အားဖြင့် ရမ်းကုလုပ်တယ် ဆိုရမှာပေါ့။
အများအားဖြင့် လမ်းညွှန်ကြတာကလည်း လမ်းဘေး ဆေးဆိုင်တွေမှာ လွယ်လွယ်ဝယ်လို့ ရတတ်တဲ့ ဆေးတွေ ပေါ့။ ပြောသာ ပြောရတာပါ၊ ဒီမှာက ဆေးဝါး ရောင်းချတာတွေလည်း သေချာကွပ်ကဲမှု မရှိလေတော့ ဘာဆေး မဆို ဆိုင်တွေမှာ အလွယ်တကူ ရောင်းနေကြတာ ပါပဲ။ ဆရာဝန်ညွှန်ကြားချက်ပါမှ ဆေးရောင်းတဲ့ ဆိုင်ဆိုလည်း မြန်မြန် ဒေဝါလီ ခံရမှာပါပဲ။ ဒါပေမယ့် အဲဒီလို ဆေးဝါးတွေကနေ အန္တရာယ် မဖြစ်အောင်၊ လုံခြုံစိတ်ချရအောင် သိသင့်တာ လေးတွေ သိစေချင်ပါတယ်။
ဆေးသောက်ရပြီဆိုရင်
သက်ဆိုင်ရာ ဆရာဝန်နဲ့ ဆေးဝါး ကျွမ်းကျင်သူတွေ ဆီကနေ ညွှန်ကြားချက် တိတိကျကျ မရှိဘဲ မသောက်စေ ချင်ပါဘူး။ ဆေးသောက်ရပြီ ဆိုတာနဲ့ သိသင့်တာ လေးတွေက -
-       ဆေးရဲ့ အမည်နဲ့ သူ့ရဲ့အာနိသင်ဘာလဲ ဆိုတာ (ဘာရောဂါ အတွက်လဲ ဆိုတာ) သိသင့်ပါတယ်။
-       ပမာဏ ဘယ်လောက်သောက်ရမှာလဲ၊ အချိန် ဘယ်နှနာရီခြားရမလဲ၊ ဘယ်လောက်ရက်ကြာ အောင် သောက်ရမလဲ ဆိုတာ သိရပါလိမ့်မယ်။
-       ဆေးကို ဘယ်လိုသောက်ရမှာလဲ၊ တနည်းအား ဖြင့် ပါးစပ်က သောက်ရမှာလား၊ အဆုတ်ထဲ ရှူသွင်းရမှာလား၊ နားထဲ ထည့်ရမလား၊ မျက်စိထဲ ခတ်ရမလား၊ စအိုထဲ ထည့်ရမလား၊ အရေပြားကို လိမ်းရမလား ဆိုတာတွေ သိထားရမှာပါ။ အထူး ညွှန်ကြားချက်တွေ ကလည်း အရေးကြီး ပါတယ်။ ဥပမာ – အစာနဲ့ တွဲသောက်ရမလား၊ အစာနဲ့ ဝေးဝေး သောက်ရမလား ဆိုတာတွေ ပေါ့။
-       ဆေးကို  ဘယ်လိုထားမလဲ  ဆိုတာကလည်း အရေးကြီး ပါတယ်။ အေးပြီး ခြောက်သွေ့တဲ့ နေရာ၊ ဒါမှမဟုတ် အခန်းအပူချိန်၊ ဒါမှမဟုတ် ရေခဲသေတ္တာထဲ စတာတွေ ကလည်း ဆေးရဲ့ အာနိသင် ထိရောက်ဖို့ အရေးပါလှ ပါတယ်။
-       ဘယ်လောက် ကြာကြာ သိမ်းဆည်းပြီးရင် စွန့် ပစ်ရမလဲ ဆိုတာလည်း သိသင့်တာပါပဲ။ ဓာတ်ဆားရည်ကို ၂၄ နာရီထက် မကျော်စေရတာ၊ မျက်စဉ်းတွေဆို  အဖုံးဖွင့်ပြီး  တလကြာရင် အသုံးမပြု ခိုင်းတာ၊ သတိထားမိ ကြမှာပါ။
-       ဆေးသောက်ရင် ဖြစ်တတ်တဲ့ ဘေးထွက် ဆိုးကျိုးတွေ၊ ဓာတ်ပြုတုံ့ပြန်မှု တွေလည်း သိထား သင့်တာပေါ့။ ဆေးအများစု ကတော့ အစာလမ်းကြောင်းနဲ့ ပတ်သက်တာတွေ၊ ဝမ်းပျက်၊ ပျို့အန် ဖြစ်တတ်တာမျိုး ပေါ့။
ဆိုင်တွေမှာ အလွယ်တကူ ဝယ်သောက်ကြတဲ့ ဆေးဝါးတွေနဲ့ ပတ်သက်ပြီး သိစေချင်တာက ဆေးဝါးတိုင်းမှာ သောက်သုံးမယ့် လူရဲ့ ကိုယ်အလေးချိန်ပေါ် မူတည်ပြီး ပမာဏ ကွဲပြားတယ် ဆိုတာပါပဲ။ ဆေးနည်းနည်းလေး သောက်မိတာက အာနိသင် မပြည့်ဝသလို၊ အများကြီး သောက်မိ ရင်လည်း အသက်အန္တရာယ်ပါ ဖြစ်တတ်တာတွေ ရှိပါတယ်။
နောက်ပြီး ဆေးတမျိုးနဲ့ တမျိုးမှာ ပါဝင်တဲ့ ပမာဏ၊ အရည်အသွေး တွေလည်း ကွာခြားတာ ပါပဲ။ ဆေးသောက်ပြီးလို့ ဓာတ်မတည့်တဲ့ လက္ခဏာ တခုခု၊ ဥပမာ – ယားယံတာ၊ အသက်ရှူကျပ်တာတွေ ဖြစ်လာရင် ဆရာဝန်ဆီ အမြန်ပြေးဖို့ လည်း သတိချပ်ထားရ မှာပါ။ သောက်နေကျဆေး တောင်မှ ရံဖန်ရံခါ ဓာတ်မတည့်တာ ဖြစ်လာတတ်တာ သတိပြုပါ။
နောက်ပြီး ဆေးဆိုတာက လိုအပ်မှ သောက်သုံးသင့်တယ် ဆိုတာ အထူးစွဲမှတ်ထားဖို့ ပါပဲ။ ဥပမာ အားဖြင့် ကလေး သူငယ်တွေမှာ ဖြစ်တဲ့ဝေဒနာတွေ အတွက် ဆေးပေးမယ် ဆိုပါစို့။ နာကျင် ကိုက်ခဲတာနဲ့ အဖျား အတွက် ပါရာစီတမောလို ဆေးမျိုးကိုတောင်မှ ဆရာဝန် ညွှန်ကြားချက် မပါဘဲ မတိုက်သင့်ပါဘူး။ ဆိုင်တွေမှာ ရောင်းတဲ့  ချောင်းဆိုးပျောက်ဆေး အများစုဆိုရင် ၆ နှစ်အောက် ကလေးတွေ မသောက် သုံးသင့် ဆိုတာမျိုး ရေးထားတာတွေ တွေ့ဖူးကြမယ် ထင်ပါတယ်။
နောက် အရေးကြီးတာ တချက်က ဆေးကို ဆရာဝန် ညွှန်ကြားလို့ သောက်ရင်လည်း ဆေးပတ်လည်အောင် သောက်ဖို့ပါ။ အထူးသဖြင့် ပဋိဇီဝဆေးခေါ်တဲ့ ရောဂါပိုးသတ်တဲ့ ဆေးတွေကို ဝေဒနာ သက်သာရုံနဲ့ ဖြတ်လိုက်ရင် ပြန်ဖြစ်လာ တတ်သလို၊ အရင်ဆေးနဲ့ မတိုးတော့တဲ့ ပြဿနာက ပိုဆိုးပါတယ်။
ဆေးဝါးနဲ့ ပတ်သက်ပြီး နောက်ထပ် သိသင့်တဲ့ အချက်ကလေးတွေ ရှိပါသေးတယ်။
-       ဆရာဝန် မဟုတ်ဘဲနဲ့ ကိုယ်တိုင်၊ မိသားစု၊ အသိအကျွမ်းတွေ  ရောဂါဖြစ်ရင်  ဒါ ဘာရောဂါပဲ လို့ ကိုယ့် ဘာသာ အမည် မတပ်မိပါ စေနဲ့။ ဆေးကုဖို့ လိုအပ်တဲ့ ရိုးရိုး နှာစေး ချောင်းဆိုးလောက် မဟုတ်ရင် ဆရာဝန် ပြဖို့က လိုအပ်ချက်ပါပဲ။
-       သုံးပြီး ကျန်နေတဲ့ ဆေးအရည်တွေ ပြန်သောက်တာ၊ မျက်စဉ်းတွေ ခတ်တာမျိုးတွေ မလုပ်သင့် ပါဘူး။ ဒါတွင်မက သက်တမ်းလွန် ဆေးတွေလား ဆိုတာလည်း စစ်ဆေးရ ပါမယ်။
-       တခြား တယောက်တုန်းက ဒီလက္ခဏာတွေ အတွက်  ဒီဆေးသောက်တာပဲ  ဆိုပြီး  ကိုယ့်အလှည့်မှာ  ကိုယ့်သဘောနဲ့  အဲဒီဆေးတွေ သောက်တာကလည်း စိတ်ချရတဲ့ ကုသမှု မဟုတ်တာ အသေအချာပါ။
-       အရေးကြီးတဲ့ သတိထားစရာ တခုက လူကြီး အတွက် ညွှန်ထားတဲ့ ဆေးဝါးတွေကို ဘာ အကြောင်းနဲ့မှ ကလေးကို မတိုက်ကျွေး ပါနဲ့ ဆိုတာပါပဲ။
-       နောက် သတိထားရမှာက အမျိုးအစား တခုတည်း ပါဝင်နေတဲ့ ဆေးနှစ်မျိုး ရောသောက် တာမျိုး မလုပ်မိဖို့ ပါ။ တချို့ဆို ဖျားလို့ ပါရာစီတမောရယ်၊  ဘိုင်အိုဂျက်ဆစ်ရယ်  ရောသောက်တယ် ဆိုတာမျိုးပေါ့။
-       ဆရာဝန်ညွှန်လို့ ဆေးဝယ်သောက်တယ် ဆိုရင် တောင်မှ ဆေးကတ်က ပေါက်နေသလား၊ ဖြတ်ထားတဲ့ ကတ်ထဲက ဆေးတောင်မှ မသောက် သင့်ပါဘူး။ အလုံး အကြွေတွေဆို ပိုဆိုးတာ ပေါ့။ အသေအချာ လေလုံ ခြောက်သွေ့ နေစေရပါမယ်။ သတိပြုဖို့ အရေးကြီးဆုံး ကတော့ သက်တမ်းလွန် မလွန် ဆိုတာပါပဲ။
-       သာမန် ရောဂါလေးတွေ အတွက် ဆေးဆိုင်ကို အားထား နေရတယ် ဆိုရင်တောင် ဆေးဝါး ကျွမ်းကျင်သူ (အခု ဖွင့်နေတဲ့ ၃ လ သင်တန်း ဆင်းများကို မဆိုလိုပါ) ရဲ့ ဆိုင်မှာ အကြံဉာဏ် ယူပါ။ ဆေးရဲ့ မလိုလား အပ်တဲ့ အကျိုးဆက် တွေပါ ရှင်းလင်းပြောနိုင်သူဖြစ်မှ အစစအဆင် ပြေမှာပါ။
-       စိတ်ချရတဲ့ဆိုင်က ဆေးဝယ်လာပြီ ဆိုရင်တောင် ဆေးခန်းက ညွှန်ကြားတဲ့ အတိုင်း ဟုတ်ရဲ့လား ဆိုတာ ဆေးအမည်၊ ပါဝင်တဲ့ ဓာတုပစ္စည်း အမည်တွေ ပြန်စစ်ကြည့်ဖို့ မမေ့ပါနဲ့။
-       နောက် သတိမမူမိ ကြတဲ့ အချက်ကတော့ ဆေးတွေကို တနေရာတည်း အတူထားပြီး သောက်ခါနီးမှာ အသေအချာ မကြည့်ဘဲ သောက်မိတာမျိုး ပါ။ ကတ်တူ၊ အရောင်တူ၊ ဆေးလုံးတူတွေ မှားယွင်း သောက်မိ တတ်တာ ကြုံဖူးလို့ပါ။
အထက်က ပြောခဲ့တာတွေ အပြင် ထပ်ဆင့် မှာကြားလိုတာလေးတွေ ရှိပါသေးတယ်။
သတိမူစရာ
ကလေး သူငယ်တွေကို ဆေးတိုက်ရ လွယ်အောင် သကြားလုံးလို့  ညာပြောပြီး ဆေးတိုက်တာမျိုးက အမှန်ထင်ပြီး မကြာခဏ သောက်တာမျိုး ဖြစ်တတ်ပါတယ်။ အတွေ့အကြုံ အရ ဆေးခန်းလာတဲ့ ကလေးတွေက ဒိုင်ဂျင်းလို ဆေးမျိုးကို အတင်း အော်ဟစ် ပူဆာတာ တွေ့ရလို့ ပါ။ နောက်ပြီး ဆေး သောက်ပြီး အန်ထုတ်တဲ့ အတွက် ပြန်တိုက် တာကို ကိုယ့်သဘောနဲ့ကိုယ် မလုပ်ပါနဲ့၊ ဆရာဝန်ကို တိုင်ပင်ပါ။ ဘယ်နှနာရီ အကြာမှာ အန်တာလဲ ဆိုတာပေါ် မူတည်ပြီး ထပ်တိုက်ရမယ့် ဆေးပမာဏကို ဆရာဝန်က လမ်းညွှန်နိုင်ပါတယ်။
ဘေးထွက်ဆိုးကျိုး
အားဆေးတောင်မှ ဘေးထွက်ဆိုးကျိုး ရှိတယ် ဆိုတာ အသေအချာ မှတ်ထားပါ။ အရေပြားမှာ ယားယံတာ၊ ပျို့အန် တာလို ဓာတ်မတည့်တာ မျိုးတွေ မဟုတ်ဘဲ ဆေးရဲ့ အာနိသင်အရ ကိုပဲ မူးဝေတာ၊ အိပ်ငိုက်တာတွေ ကြိုသိထားရ မှာပါ။ အဲသလိုမျိုး ဆေးသောက်ပြီး စက်တွေ၊ ယာဉ်တွေ မမောင်းမိဖို့ ကလည်း အရေးကြီးပါတယ်။ တချို့ အသက် အန္တရာယ် ဖြစ်အောင် ဓာတ်မတည့်တဲ့ ဆေးတွေ ကျတော့လည်း ဆေးသောက်ပြီး နာရီပိုင်းမှာ အသက်ရှူကျပ်ပြီး တရွှီရွှီ ဖြစ်လာတတ် ပါတယ်။ အဲဒါဆိုရင်တော့ အရေးပေါ်ကို အမြန်ဆုံးပို့ ပါတော့။
စ်ိတ်ချရတဲ့ ထားသိုမှု
ဆေးတွေကို သူ့အညွှန်း အတိုင်းသာ ထားပါ။ ရေခဲသေတ္တာမှာ ထားသင့်တာထား၊ အေးပြီး ခြောက်သွေ့တဲ့ နေရာမှာ ထားသင့်တာ ထားပေါ့။ အခန်းအပူချိန်မှာ ထားလို့ရတယ် ဆိုရင်တောင် ဗီရိုထဲ၊ အံဆွဲထဲ ထည့်ထားတာမျိုးထက် သူ့ရဲ့ မူလဘူးထဲ ထားတာက ပိုကောင်းပါတယ်။ ကလေးတွေ မမီတဲ့ နေရာလည်း ဖြစ်ဦးမှပါ။ နေရောင် တိုက်ရိုက် မထိအောင် ဂရုစိုက်ရမှာက ဆေးအားလုံးပါပဲ။
သက်တမ်းလွန် ဆေးတွေ၊ အသုံး မလိုတော့တဲ့ ဆေးတွေကို အသေအချာ ထုပ်ပိုးပြီး စွန့်ပစ်တာကလည်း အရေးကြီး တာပါပဲ။ မလိုလားအပ်တာတွေ ဖြစ်မလာဖို့ ဂရုစိုက်ရမှာ ပါပဲ။ ဖျက်ဆီးပြီးမှ စွန့်ပစ်ပါ။ အမှိုက်ပုံဖွသမားနဲ့ တွေ့လို့ ကတ်လိုက်၊ အလုံးလိုက် တွေ့ရတဲ့ ဆေးတွေက ဆိုင်ပေါ် ပြန်ရောက် မလာဘူးလို့ အာမခံဖို့ မဖြစ်နိုင်တဲ့ အခြေအနေ မဟုတ်လား။
အခုလောက် ဆိုရင်ဖြင့် ဆေးဝါးတွေကို ကြုံသလို  နှုတ်သင့်ရာ၊  လက်သင့်ရာ ညွှန်တာ၊ သောက်တာ မလုပ်ဖို့ သတိမူမိမယ် ယူဆရတာ ပါပဲ။ အသက် အန္တရာယ်နဲ့ ကြုံစေမယ့် ဆေးဝါးအလွဲ သုံးစားလုပ်ပြီး နောင်တဖန် ပူပန်ရတာတွေ မဖြစ်ကြပါစေနဲ့ လို့သာ။     ။
http://burma.irrawaddy.org/article/2014/11/10/66911.html

ပန်းတနော်မြို့နယ်က(မတရားသူကြီးအား)ဒေသခံလူ 200 ကျော်ဆန္ဒပြ

ဧရာဝတီတိုင်းဒေသကြီး ပန်းတနော်မြို့နယ် တရားသူကြီး၏ အမှုစီရင်ဆုံးဖြတ်မှုများအပေါ် မကျေနပ်သည့် အတွက် ပန်းတနော်ဒေသခံ ၂၀၀ ကျော်က ယနေ့နံနက်ပိုင်းတွင် ပန်းတနော်မြို့နယ် တရားရုံးရှေ့၌ ဆန္ဒပြခဲ့ကြောင်း သတင်းရရှိသည်။
ပန်းတနော်မြို့နယ် တရားသူကြီးသည် အမှုနှင့်ပတ်သက်၍ လာဘ်ငွေရယူခြင်း၊ သက်သေခိုင်လုံစွာ တင်ပြခဲ့သော်လည်း တရားခံများကို ထောင်ဒဏ်ချမှတ်ခဲ့ခြင်း၊ လယ်သမားများကို ငါးခိုးသည်ဟုဆိုကာ ဖမ်းဆီးတရားစွဲဆိုမှုများကို အချိန်ကြာမြင့်စွာ ကြားနာစစ်ဆေးခြင်းနှင့် အာမခံပေးရန် ငြင်းဆန်ခြင်းများ ပြုလုပ်ခဲ့သည့်အတွက် ဆန္ဒပြရခြင်း ဖြစ်ကြောင်း ပန်းတနော်ဒေသခံများက ပြောသည်။
“ကျမ အမျိုးသားက မအူပင်မှာ ထောင်ကျနေပါတယ်။ အကြောင်းရင်းကတော့ ရပ်ရွာထဲမှာ ဆိုးသွမ်းတဲ့လူကို တာဝန်အရ ခဏထိမ်းသိမ်းထားတာကို အဲဒီလူက ဒဏ်ငွေ ၁ သောင်းပဲ ဒဏ်ရိုက်ခဲ့ပြီး ရပ်ရွာက တာဝန်ရှိတဲ့ ဆယ်အိမ်မှူးတွေကို ကျတော့ မတရားဖမ်းဆီးချုပ်နှောင်မှုနဲ့ ထောင် ၁ လ ချမှတ်ခဲ့တဲ့အတွက် မကျေနပ်လို့ အခုလို ဆန္ဒပြရခြင်း ဖြစ်ပါတယ်” ဟု ပန်းတနော်မြို့နယ်၊ သရက်ငူအုပ်စု ကင်းဝကြီးကျေးရွာမှ မသင်းသင်းခိုင်က ဧရာဝတီသို့ ပြောသည်။
သရက်ငူကျေးရွာအုပ်စု ကင်းဝကြီးကျေးရွာတွင် ၂၀၁၃ ခုနှစ် စက်တင်ဘာလအတွင်းက ကျေးရွာအတွင်း မူးယစ်ရမ်းကား ဆဲဆိုသူတဦးအား ကျေးရွာအုပ်ချုပ်ရေးပိုင်း တာဝန်ရှိသူ ၃ ဦးက ခေတ္တ ဖမ်းဆီးထိမ်းသိမ်းထားခဲ့ရာ ထိမ်းသိမ်းခံခဲ့ရသူမှ အုပ်ချုပ်ရေးမှူး အပါအ၀င် လူ ၉ ဦးကို မတရား ဖမ်းဆီးချုပ်နှောင်မှုဖြင့် ပန်းတနော်မြို့နယ် တရားရုံးတွင် ပြန်လည် တရားစွဲဆိုခဲ့သည်။
ယင်းအမှုကို ၁ နှစ်ကျော် ကြားနာစစ်ဆေးပြီးနောက် ပြီးခဲ့သည့် အောက်တိုဘာလ ၂၁ နေ့တွင် ပန်းတနော်မြို့နယ် တရားသူကြီးက ဆယ်အိမ်မှူး ၃ ဦးအပါအ၀င် လူ ၈ ဦးအား ထောင်ဒဏ် ၁ လစီ ချမှတ်ခဲ့ပြီး ကျေးရွာအတွင်း မူးယစ်ရမ်းကားဆဲဆိုသူကိုမူ ဒဏ်ငွေ ၁ သောင်းကျပ် ချမှတ်ခဲ့သည့်အတွက် ထောင်ဒဏ် ချမှတ်ခံရသူတို့၏ မိသားစုဝင်များက ပန်းတနော်မြို့နယ် တရားသူကြီးအား ဦးဆောင်ဆန္ဒ ဖော်ထုတ်ခဲ့ကြခြင်း ဖြစ်သည်။

ဧရာဝတီတိုင်းဒေသကြီးတွင် အစိုးရဌာနဆိုင်ရာများဖြစ်သည့် ပညာရေး၊ ကျန်းမာရေး၊ လူကုန်တား ရဲတပ်ဖွဲ့တို့အား ဆန္ဒဖော်ထုတ်မှုများ ဖြစ်ပွားခဲ့ပြီးနောက် တရားရေးဌာနမှ မြို့နယ်တရားသူကြီးတဦးအား ဒေသခံပြည်သူများက ဆန္ဒဖော်ထုတ်ခြင်းမှာ ယခုအကြိမ်သည် ပထမဆုံးဖြစ်သည်။
ဆန္ဒပြသူများသည် “လယ်သမားများအား မတရားဖမ်းဆီးထောင်ချနေသော ပန်းတနော်မြို့နယ် တရားသူကြီးနှင့် ဥပဒေအကျိုးဆောင် အလိုမရှိ”၊ “တရားသူကြီးနှင့်ပေါင်းပြီး လာဘ်ပေးလာဘ်ယူမှု မလုပ်ရေး”၊ “တရားသူကြီးများ
မှန်မှန်ကန်ကန် ဆုံးဖြတ်ပြီး လယ်သမားများကို မြန်မြန်လွှတ်ပေးရေး”၊ “မှန်ကန်သော တရားစီရင်ရေး ချက်ခြင်း လုပ်ဆောင်ပေး” စသည့်ပိုစတာများ ကိုင်ဆောင်ကာ ပန်းတနော်မြို့နယ် အထွေထွေ အုပ်ချုပ်ရေးဌာနရုံးရှေ့မှ မြို့နယ်တရားရုံးရှေ့အထိ လှည့်လည် ဆန္ဒပြခဲ့ကြသည်။
“ရပ်ထဲရွာထဲ မူးပြီး ဆဲဆိုရမ်းကားနေသူကိုကျတော့ ဒဏ်ငွေ ကျပ် ၁ သောင်းပဲ ရိုက်တယ်။ တာဝန်အရ ထိမ်းသိမ်း လုပ်ဆောင်ခဲ့ကြသူတွေရော၊ ဒီကိစ္စမှာ လုံးဝမပါဘဲ ကိုယ့်အိမ်ကိုယ် နေကြတဲ့လူတွေကိုပါ ထောင်ဒဏ် ၁ လ ချမှတ်ခဲ့တဲ့ ပြစ်ဒဏ်က လုံးဝ တရားမျှတခြင်း မရှိပါဘူး။ ဒါကြောင့် နိုင်ငံတော်သမ္မတကြီးနဲ့ နိုင်ငံတော်တရားသူကြီးချုပ်တို့က ဒီလိုမျိုး မတရားပြစ်ဒဏ် ချမှတ်တဲ့တရားသူကြီးကို စစ်ဆေးအရေးယူပေးဖို့ တောင်းဆိုပါတယ်” ဟု ကင်းဝကြီးကျေးရွာမှ ဦးအေးမြင့်က ပြောသည်။
ထို့အပြင် ငါးခိုးမှု အပါအ၀င် ပုဒ်မ ၃ ခုဖြင့် ပန်းတနော်မြို့နယ် တရားရုံး၌ အချိန် ၄ လကျော်ကြာ အမှုရင်ဆိုင် နေရသည့် လယ်သမား ၁၉ ဦးကိစ္စတွင်လည်း လယ်သမားတို့အား အာမခံပေးရန် ပန်းတနော်တရားရုံးက ငြင်းဆန်ခဲ့ခြင်းနှင့် အချိန်ကြာမြင့်စွာ အမှုစစ်ဆေးနေခြင်းတို့အတွက် တရားသူကြီးအား စစ်ဆေး အရေးယူပေးပါရန် ဖမ်းဆီးခံနေရသည့် လယ်သမားတို့၏မိသားစုများက တောင်းဆိုခဲ့ကြသည်။
“ကျနော်တို့ လယ်သမားတွေကို လယ်ကိစ္စညှိနှိုင်းဖို့ဆိုပြီး ပန်းတနော်တရားရုံးကို ခေါ်ပါတယ်။ တရားရုံးထဲလည်း ရောက်ရော လယ်သမားတွေကို အကုန်လက်ထိပ်ခတ်ပြီး ဖမ်းခဲ့တာပါ။ အခုဆို လယ်သမားတွေကို အချုပ်ထဲ ထည့်ထားလို့ အချုပ်ထဲကနေ အမှုရင်ဆိုင်နေရတာ ၄ လကျော်နေပါပြီ။ အာမခံပေးဖို့ တင်တာလည်း မြို့နယ်တရားရုံးက ငြင်းပယ်ခဲ့ပါတယ်။ နိုင်ငံတော်သမ္မတကြီးနဲ့ တာဝန်ရှိသူတွေကို ပြောချင်တာက တရားရေးမဏ္ဍိုင်ဟာ တော်တော် ယိုင်နေပါတယ်။ ဒါကို ပြုပြင်ပြောင်းလဲပေးပါလို့ ပြောချင်ပါတယ်” ဟု အစ်ကိုဖြစ်သူ ဖမ်းဆီးခံထားရသည့် ကျောင်းကုန်းမြို့နယ် ကုန်းရှမ်းကျေးရွာမှ ကိုအောင်မြဦးက ပြောသည်။
ပန်းတနော်မြို့နယ် တရားရုံးတွင် ၂၀၁၃ နှင့် ၂၀၁၄ ခုနှစ်အတွင်း လယ်ယာမြေနှင့် ပတ်သက်သည့် အမှုပေါင်း ၃၀ ကျော် ဖြစ်ပွားခဲ့ပြီး လယ်သမားပေါင်း ၂၀၀ ကျော် တရားစွဲဆိုခံခဲ့ရကာ ယင်းအနက်မှ လူ ၅၀ ကျော် ထောင်ဒဏ်များ ချမှတ်ခံခဲ့ရပြီးဖြစ်ကြောင်း ပန်းတနော်မြို့မှ လယ်သမားအရေးလှုပ်ရှားသူ ဦးဇော်ဇော်က ပြောသည်။
http://burma.irrawaddy.org/news/2014/11/07/66854.html

တရားစီရင်ရေး မဏ္ဍိုင်ကို စိန်ခေါ်နေတဲ့ ကိုပါကြီး အမှု

ရေးဝေးသုဿန်တွင် ကိုပါကြီး ဈာပနမှ မြင်ကွင်းတခု (ဓာတ်ပုံ – စိုင်းဇော် / ဧရာဝတီ)

ကျိုက်မရောမြို့နယ် အစွန်ဆုံးလို့ ဆိုနိုင်တဲ့ ရွှေဝါချောင်ကျေးရွာရဲ့ အပြင်ဘက်  မိုင်ဝက်နီးပါးအကွာက လယ်တောထဲမှာ အနက် ၆ လက်မလောက်ပဲတူးပြီး ဖြစ်သလို မြှုပ်ထားတဲ့ အလွတ်သတင်းထောက် ဦးအောင်ကျော်နိုင် (ခ) ကိုပါကြီးရဲ့ အလောင်းကို ပြန်ဖော်တဲ့အခါ အလောင်းရဲ့ ခန္ဓာကိုယ်အောက်ပိုင်းတွေက အကောင်းနီးပါး ကျန်နေသေးတာကို တွေ့ရတယ်။

ကိုပါကြီးရဲ့ ဦးခေါင်းခွံ ပျက်စီးနေပြီး ရင်ဘတ်မှာလည်း နံရိုးကျိုးတဲ့ဒဏ်ရာနဲ့ တကိုယ်လုံးနီးပါး ဒဏ်ရာအနာတရတွေရှိ နေတာကို တွေ့ရတဲ့အတွက် သူမသေဆုံးခင်မှာ ထုထောင်းရိုက်နှက်တာမျိုး ခံစားခဲ့ရမယ်လို့ အလောင်းတူးဖော်ရာမှာ လိုက်ပါခဲ့ကြတဲ့ မျက်မြင်သက်သေတွေက ယူဆထားကြပါတယ်။
ကိုပါကြီးအမှုကို လိုက်ပါဆောင်ရွက်နေတဲ့ ရှေ့နေ ဦးရောဘတ်ဆန်းအောင်က “သူ့ရဲ့ ဦးခေါင်းခွံဟာ ကြေမွနေတယ်လို့ အတည်ပြုပေးတဲ့ (ဘားအံဆေးရုံက) ဆရာဝန်ကြီး (ဒေါက်တာ ခင်မောင်ဦး) ရဲ့ စကားနဲ့ ချင့်ချိန်တွက်ဆရင် ထုထောင်း ခံခဲ့ရတာနဲ့ ပက်သက်လို့ ဘယ်အချိန် ကတည်းကလဲဆိုတာ ဆုံးဖြတ်ဖို့ နည်းနည်ခက်တယ်။ ကျည်ဆံကြောင့် သေပြီးမှ ထပ် ထုထောင်းတာလား၊ မသေခင်ကတည်းက ထုထောင်းခံရတာလားဆိုတာ အတတ်မပြောနိုင်ဘူး” လို့ ဆိုပါတယ်။
မုတ္တမမြို့နယ်ရှိ ဆရာဝန်တဦးကလည်း “ဖြစ်နိုင်တာက ၂ မျိုးစလုံးပဲ။ ဖြစ်ခဲ့တာ ၁ လကျော်လောက် ကြာနေပြီဆိုတော့ ဖြစ်စဉ်အမှန်ကို မှုခင်းစစ်ဆေးသလို စစ်ဆေးဖို့ကလည်း နည်းနည်းတော့ အခက်အခဲရှိနိုင်တယ်။ အခု ဟိုးလေးတကျော် ဖြစ်လာလို့မှ အလောင်းပြန်ဖော်၊ ပြန်စစ်ဆိုတာ မိသားစုတွေ စိတ်ကျေနပ်အောင် စစ်ဆေးလိုက်တဲ့ သဘောလောက်ပဲ ဖြစ်မယ်” လို့ သုံးသပ်ပါတယ်။
အလောင်းကို စတင်ဖော်ယူစဉ်က ဦးခေါင်းဟာ ကြေမွနေပြီးတော့ ရင်ဘတ်ပိုင်းမှာ အပေါက် ၂ ပေါက်နဲ့ ခြေဖနောင့်မှာ အပေါက်တပေါက်၊ ပေါင်နဲ့ ခြေသလုံးမှာ အညိုအမည်းတွေ တွေ့ခဲ့ရကြောင်း အလောင်းကို မော်လမြိုင်ဆေးရုံမှာ ခွဲစိတ်မစစ်ခင် မြင်တွေ့ခဲ့ရတဲ့ ဒေါ်နော်အုန်းလှက ဆိုပါတယ်။
“ကျောဘက်ပိုင်းတော့ ကျမ မတွေ့ခဲ့ရဘူး။ ကိုပါကြီးရဲ့ဇနီး မသန္တာက ကျောဘက်မှာ အမှတ်ရှိတယ်ဆိုပြီး ကျောလှန်ပြခိုင်းတော့ ဘာဒဏ်ရာမှ မတွေ့ဘူးလို့ ကျမကို ပြောတယ်” လို့ ဒေါ်နော်အုန်းလှက ဆိုပါတယ်။
ဒေါ်သန္တာအနေနဲ့ ကိုပါကြီးအလောင်း ဖော်တဲ့အချိန်က ရခဲ့တဲ့ဒဏ်ရာနဲ့ အလောင်းစစ်ဆေးပြီးချိန်မှာ ပြခဲ့တဲ့ဒဏ်ရာတွေရဲ့ ကွဲလွဲချက်အပေါ်မှာ မသင်္ကာစရာတွေ အများကြီးရှိနေတယ်လို့ သိရတဲ့အကြောင်း ကိုပါကြီးအလောင်းကို ပြန်တူးဖော်တဲ့ ကိစ္စမှာ လိုက်ပါကူညီပေးတဲ့ မွန်အမျိုးသားပါတီမှ အမည်မဖော်လိုသူတဦးက ဆိုပါတယ်။
“မသန္တာကတော့ ဒီဟာကို အယုံအကြည် မရှိဘူး။ သေနတ်ဒဏ်ရာ မဟုတ်ဘူးလို့ ထင်တယ်။  မသင်္ကာစရာတွေ အများကြီးပဲ။ ကျနော်တို့ အလောင်းဆေးပြီးတဲ့အခါ ရိုက်ထားတဲ့ မှတ်တမ်းဓာတ်ပုံတွေ၊ ဗီဒီယိုဖိုင်တွေ ရှိပါတယ်။ အဲဒါတွေလည်း ကျနော်တို့ အလောင်းစစ်ပြီးတဲ့အချိန်နဲ့ သူတို့ပြတာတွေမှာ တော်တော်လေး ကွဲလွဲနေတာရှိပါတယ်” လို့ သူက ဆိုပါတယ်။
စက်တင်ဘာ ၃၀ ရက်နေ့က အစောင့်စစ်သားရဲ့ သေနတ်ကို လုယူတာကြောင့် ကိုပါကြီးကို သေနတ်ဖြင့် ပစ်ခတ် ဖမ်းဆီးခဲ့ကြောင်း၊ သူ့အလောင်းကို ကောင်းမွန်စွာ သင်္ဂြိုဟ်ခဲ့ကြောင်းနဲ့ ကိုပါကြီးဟာ DKBA တပ်ဖွဲ့ရဲ့ နိုင်ငံရေး အဖွဲ့ငယ်ဖြစ်သော ကလို့ထူးဘော ကရင် အစည်းအရုံး KKO မှာ ဗိုလ်ကြီးအဆင့်ရှိသူဖြစ်ကြောင်း အစိုးရတပ်မှ အောက်တိုဘာ ၂၃ ရက်နေ့မှာ ဓာတ်ပုံနဲ့တကွ ထုတ်ပြန်ခဲ့ပါတယ်။ ဓာတ်ပုံထဲမှာ ကိုပါကြီးကို ပြည်ပရောက် ABSDF တပ်ဖွဲ့ ဥက္ကဌဟောင်း ဦးမိုးသီးဇွန်နဲ့အတူ တောတွင်းတနေရာမှာ တွေ့ရပါတယ်။
ဒါပေမယ့် ကိုပါကြီးသည် DKBA တပ်ဖွဲ့ဝင်တဦး မဟုတ်သကဲ့သို့ အဆိုပါ ဓာတ်ပုံသည် ၂၀၁၀ ခုနှစ်က DKBA တပ်ဖွဲ့နဲ့ အစိုးရတပ်တို့ တိုက်ပွဲဖြစ်ပွားသောကြောင့် ထိုင်းနိုင်ငံသို့ ထွက်ပြေးခဲ့ကြရသော ဒုက္ခသည်များကို ကူညီပေးနေစဉ် ရိုက်ကူးခဲ့သော ဓာတ်ပုံဖြစ်ကြောင်း အဆိုပါ ဓာတ်ပုံမှာ ပါဝင်သူတဦးဖြစ်တဲ့ ဦးကိုကိုအောင်က အောက်တိုဘာ ၂၉ ရက်နေ့တွင် ၈၈ မျိုးဆက် ပွင့်လင်းလူ့အဖွဲ့အစည်း ရုံးခန်းမှာ ကျင်းပခဲ့တဲ့ သတင်းစာရှင်းလင်းပွဲမှာ ပြောကြားခဲ့ပါတယ်။
ကရင်ပြည်နယ်၊ ဆုံဆည်းမြိုင်ကျေးရွာမှာ အခြေစိုက်တဲ့ DKBA ဌာနချုပ်မှ ဗိုလ်မှူး စောထွန်းထွန်းက “ကိုပါကြီးဟာ DKBA တပ်ဖွဲ့ဝင်တဦး မဟုတ်ဘဲ အလွတ်သတင်းထောက် တဦးသာဖြစ်တာကို အခိုင်အမာ ပြောနိုင်တယ်၊ လက်ခံတာ၊ လက်မခံတာကတော့ စစ်တပ်အပိုင်းပဲ ဖြစ်တယ်။ မိမိကိုယ်တိုင် တပ်ဖွဲ့ဝင်များကို ကတ်ပြားထုတ်ပေးခဲ့တဲ့သူ ဖြစ်တဲ့အတွက် တပ်ဖွဲ့ဝင်အားလုံးရဲ့ စာရင်းရှိနေတယ်” လို့ ဆိုပါတယ်။
“တဆင့်စီ ရှင်းရမယ်ဆိုရင် တပ်ဖွဲ့ဝင်တဦး ဖြစ်လာပြီဆိုရင် တပ်ဖွဲ့ဝင်တဦးစီမှာ ကိုယ်ပိုင်နံပါတ်တခုစီ ပိုင်ဆိုင်ခွင့်ရှိတယ်။ တပ်ဖွဲ့ဝင်တဦးလို့ အခိုင်အမာ စွပ်စွဲပြီဆိုရင် အဲဒီ ဗိုလ်ကြီးအဆင့်ရှိတဲ့ ကိုပါကြီးသည် ကိုယ်ပိုင်နံပါတ် ဘယ်လောက်လဲဆို တာတော့ ပြည့်ပြည့်စုံစုံ ထည့်သွင်းပြောဖို့ လိုလိမ့်မယ်။ နောက်ပြီး တပ်ဖွဲ့ဝင် ကတ်ပြားမှာ ကတ်ပြားအမှတ်တွေ ရှိတယ်။ သူတို့က တပ်ဖွဲ့ဝင် ကတ်ပြားကို ရထားပါတယ်ဆိုရင် အဲဒီ ကတ်ပြားရဲ့အမှတ်ကို ကျနော်တို့ကို ထုတ်ပြောဖို့ လိုပါလိမ့်မယ်” လို့ သူကဆက်ပြောပြတယ်။
ကိုပါကြီးရဲ့ အလောင်း ဆေးစစ်ချက်အရ ကျည်ဆံဒဏ်ရာ ၅ ချက်ရှိတယ်လို့ ဆရာဝန်တွေက အတည်ပြု ပြောဆိုခဲ့ပေမယ့် ဆေးစစ်ချက်ကိုတော့ တရားဝင်ထုတ်ပြန်ပေးခြင်း မရှိသေးပါဘူး။ ကိုပါကြီးသေဆုံးမှုကို ကျိုက်မရောမြို့နယ်မှ အမှုဖွင့်ခဲ့တဲ့ အတွက်ကြောင့် တရားရုံးကိုသာ တိုက်ရိုက်တင်ပြမယ်လို့ သိရပါတယ်။
၈၈ မျိုးဆက် ကျောင်းသားခေါင်းဆောင် တဦးဖြစ်တဲ့ ကိုမြအေးက “ဆေးစစ်ချက်နဲ့ အလောင်းဖော်တဲ့အချိန်က ကွဲလွဲချက်တွေနဲ့ ၀ိရောဓိ ဖြစ်စရာတွေ ကြားနေရပါတယ်။ ကျနော်တို့က ပညာရှင်မဟုတ်တော့ အဲဒီအပိုင်းကို မပြောတတ်ပါဘူး။ ဒါပေမယ့် ပညာရှင်ဟာ ပညာရှင်ဆန်ဆန် အမှန်တရားဘက်မှာ ရပ်တည်ရေး အရေးကြီးတယ်။ တစုံတခုရဲ့ လွှမ်းမိုးမှုကြောင့် ပညာရှင်ဆန်ဆန် မရပ်တည်ခဲ့ရင်တော့ အမှတ်တရားဟာ ကွယ်ပျောက်နေဦးမှာပဲ” လို့ ဆိုပါတယ်။
ကိုပါကြီးဟာ အစောင့်စစ်သားရဲ့ သေနတ်ကို လုယူပြီး ထွက်ပြေးဖို့ ကြိုးစားတဲ့အတွက်ကြောင့် ပစ်ခတ်ဖမ်းဆီးရာ အသေမိခဲ့ကြောင်း တပ်မ ၂၂ က စစ်သားတချို့ကလည်း အစိုးရစစ်တပ်ရဲ့ ထုတ်ပြန်ချက်အတိုင်း တညီတညွတ်တည်း ဧရာဝတီကို ပြောပါတယ်။
ကိုပါကြီးဟာ ရွာအပြင်ဘက်အရောက်မှာ အပေါ့သွားချင်တယ်လို့ ဆိုတာကြောင့် စစ်သားတဦးက ချုံထဲကို လိုက်ပို့နေချိန်မှာ အဲဒီအစောင့်ရဲ့ သေနတ်ကို လုယူဖို့ ကြိုးစားတာလို့ တပ်မ ၂၂ က အမည်မဖော်လိုတဲ့ အရာရှိတဦးက ဆိုပါတယ်။
“သေနတ်ကို လုယူလိုက်ချိန်မှာ အဲဒီစစ်သားက လှမ်းအော်လိုက်တော့ တခြား စစ်သားတဦးက လှမ်းမြင်လိုက်ပြီး ပစ်တာ။ ကျနော်ကိုယ်တိုင် အခင်းဖြစ်ပျက်ချိန်မှာ မရှိခဲ့ပါဘူး။ ကျနော့်စစ်သားတွေက ပြောပြတာပါ။ သူ့ကို ဘယ်နှယ်ချက် ပစ်လိုက်တာကိုတော့ ကျနော် မသိဘူး။ အဲဒီအဖြစ်အပျက်မှာ ပါခဲ့တဲ့ စစ်သားတွေကို ကျနော်မေးကြည့်ပြီးပါပြီ” လို့ အဲဒီအရာရှိက ဆိုပါတယ်။
အစိုးရတပ်ဟာ DKBA တပ်ဖွဲ့က ဒဏ်ရာရခဲ့တဲ့ သူတွေကို လိုက်ပို့ပေးရတဲ့ ရွာသားတချို့ကို လမ်းပြန်ပြခိုင်းသေးတယ်လို့ သိရပါတယ်။ ရွာကနေ စစ်တပ်နဲ့အတူ ၅ ရက်အထိ ဘာမှသတင်းမကြားရတဲ့အတွက် ရွှေဝါချောင် ဘုန်းကြီးကျောင်း ကျောင်ထိုင်ဆရာတော်က ရွာသားတွေကို ပြန်လွှတ်ပေးဖို့ စစ်တပ်ကအရာရှိတချို့ကို မေတ္တာရပ်ခံတဲ့အတွက် ပြန်လွှတ်ပေးခဲ့ကြောင်း သိရပါတယ်။
ပြန်လွတ်လာတဲ့သူတချို့ရဲ့ အခြေအနေကို စုံစမ်းရာမှာ စစ်တပ်က လမ်းပြခိုင်းရာမှာ ရိုက်နှက်တာမျိုးလည်း ပြုလုပ်ခဲ့ကြောင်း သိရတယ်လို့ ပြန်လွတ်လာသူတဦးနဲ့ နီးစပ်သူက ပြောပါတယ်။
“သူတို့ကို လမ်းပြန်ပြခိုင်းတာက တောထဲကနေ ပြန်ဆုတ်သွားတဲ့ DKBA တပ်ဖွဲ့တွေရဲ့ လမ်းကြောင်းကို ပြခိုင်းတာ။ အခု သေဆုံးသွားတဲ့ ကိုပါကြီးနဲ့က သူနဲ့က တခါလေးပဲ မြင်ခဲ့ဖူးတာ။ ကိုပါကြီးကိုတော့ ရွှေဝါချောင်ကျေးရွာထဲကို ခေါ်သွားပြီး သူတို့ကိုတော့ တောထဲကို ခေါ်သွားတာ။ ဟိုဘက် ကြာအင်းဆိပ်ကြီးအပိုင် တောစပ်က သူတို့ နောက်ဆုံးရောက်ခဲ့တဲ့ နေရာအထိ လိုက်ပြပေးရတယ်။ လမ်းသွားနေရင် လှမ်းထိုးတာ၊ ဇက်ပိုးအုပ်တာ၊ စစ်ဖိနပ်နဲ့ ကန်တာမျိုးတော့ လုပ်ခံရတယ်” လို့ ၎င်းက ဆိုပါတယ်။
ကိုပါကြီး အဖြစ်အပျက်နောက်ပိုင်း တိုက်ပွဲဖြစ်ခဲ့တဲ့နေရာတခွင်က ရွာတိုင်းလိုလိုမှာ စစ်တပ်တွေ စခန်းချနေကြသလို တခါတလေမူးပြီး သေနတ်တကားကားနဲ့ ရမ်းကားတာမျိုးလည်း ကြုံတွေ့ရတယ်လို့ ကော့ဒွန် ကော့ပနောရွာက ရွာခံတွေက ဆိုပါတယ်။
မိမိတို့ ရွာသူရွာသားများမှာ လက်နက်ရှိနေကြတဲ့ သူတိုင်းကို ကြောက်ရတဲ့အကြောင်း၊ ဘယ်လက်နက်ကိုင်မဆို ခိုင်းသမျှ လုပ်ကြရမှာဖြစ်ကြောင်း ကတုန်စစ် ရွာသားတဦးက ပြောပါတယ်။
“ကျနော်တို့ ရွာသားတွေဆိုတာ DKBA ဘက်ကလည်း ဒါခိုင်းတယ်ဆိုရင် ဘယ်လိုလုပ် ငြင်းရဲမလဲ။ သူတို့ကို လိုက်ပို့လို့ ဆိုပြီး အစိုးရ စစ်တပ်ကလည်း ကျနော်တို့ကို ပြန်ဖမ်းရင်လည်း ကျနော်တို့ ခံရမှာပဲ။ သေနတ်ရှိနေတဲ့သူ ဘယ်သူမဆို ခိုင်းသမျှ ကျနော်တို့က လိုက်လုပ်ပေးရမှာပဲ။ စစ်တပ်က ပြန်ခိုင်းလည်း လုပ်ရမှာပဲ။ ကြားထဲက မြေဇာပင် ဖြစ်နေကြရတာ” လို့ သူက ဆိုပါတယ်။
၂၀၁၁ ခုနှစ်ကနေ ၂၀၁၃ ခုနှစ်အတွင်း ကချင်လွတ်လပ်ရေး တပ်မတော် (KIA) နဲ့ အစိုးရတပ်တို့ တိုက်ပွဲအတွင်း အစိုးရတပ်ဘက်က ပြည်သူတွေကို ဖမ်းဆီးခေါ်ဆောင်သွားပြီး လုံးဝ ပျောက်ဆုံးနေတာ၊ အကျဉ်းချထားတာ၊ သတ်ပစ်လိုက်တာ၊ နှိပ်စက်ညှဉ်းပန်းခဲ့တဲ့ အရေအတွက်က ၂၂ ခုအထိ ရှိနေတယ်လို့ ကချင်ငြိမ်းချမ်းရေး ကွန်ရက်အဖွဲ့ရဲ့ စာရင်းအရ သိရပါတယ်။
ဒေါက်တာ တူးဂျာက “လက်နက်နဲ့ ပဋိပက္ခဖြစ်တဲ့ဒေသတွေမှာ အရင်ကလည်း ဒီလိုဖြစ်ရပ်တွေ ဖြစ်ခဲ့သလို နောင်လည်း ဖြစ်နေဦးမှာပဲ။ ဒီလို ဖြစ်ရပ်တွေက ၂ ဖက်လုံးမှာ ဖြစ်နိုင်ပါတယ်။ ဒါပေမယ့် စစ်တပ်ဘက်ကတော့ အများဆုံးပေါ့” လို့ ဆိုပါတယ်။
ယခုဖြစ်ရပ်ကို ဥပဒေနဲ့အညီ စီရင်နိုင်ဖို့ အရေးကြီးကြောင်း၊ လက်ရှိ ၂၀၀၈ ဖွဲ့သည်းပုံ အခြေခံဥပဒေအရ အစိုးရတပ်နဲ့ ဖြစ်ပျက်တဲ့ ကိစ္စတိုင်းမှာ စစ်ဘက်ဆိုင်ရာ တရားရုံး အဆုံးအဖြတ်က အပြီးအပြတ် ဖြစ်နေတာကြောင့် စစ်ဘက်က ကျူးလွန်တဲ့ ကိစ္စတွေကို ဘယ်လိုစီရင်မလဲဆိုတာ အဖြေရှာဖို့ အဓိက စိန်ခေါ်မှု ဖြစ်တယ်လို့ ၈၈ မျိုးဆက် ပွင့်လင်းလူ့အဖွဲ့အစည်းက ဦးကိုကိုကြီးက ဆိုပါတယ်။
ဦးကိုကိုကြီးက “ကျနော် ပြောချင်တာက စစ်တပ်ရယ်၊ ရဲရယ် ကျနော် ပြောတာ မဟုတ်ဘူး။ ဘယ်သူပဲကျူးလွန် ကျူးလွန်၊ တကယ်လို့ ကျူးလွန်ခဲ့တယ်ဆိုရင်ပေါ့ မှန်မှန်ကန်ကန် ဖော်ထုတ်ပြီး အရေးယူခြင်းကို စနစ်က ခွင့်ပြုမထားဘူးဆိုတာ အကောင်းဆုံး သတ်သေပြရာ ရောက်နေတယ်။ ဒါကြောင့်မို့ ကျနော်တို့ကတော့ တရားခွင် စစ်ချက်တွေအပေါ် ဂရုတစိုက်နဲ့ အားလုံးစောင့် ကြည့်နေမယ်။ မီဒီယာရော နိုင်ငံတကာ အသိုင်းအဝိုင်းကလည်းပဲ တရားခွင်စစ်ချက်တွေကိုပဲ အဓိက တိုင်တည်နိုင်တဲ့ မှတ်ကျောက်တင်နိုင်တဲ့ နေရာအဖြစ်နဲ့ သတ်မှတ်စေချင်တယ်” လို့ ပြောပါတယ်။
ကိုပါကြီးရဲ့ မိသားစုနဲ့ သူ့ရဲ့ ရှေ့နေတွေကတော့ စစ်ဘက်ဆိုင်ရာနဲ့ ဖြစ်ပျက်ခဲ့တာကို အရပ်ဘက်တရားရုံးမှာ စီရင်ခွင့်ရဖို့ ဆက်လက် ကြိုးပမ်းဆောင်ရွက်လျက် ရှိနေပါတယ်လို့ မိသားစုတွေဘက်က ဆောင်ရွက်ပေးနေတဲ့ ရှေ့နေ ဦးရောဘတ်စန်းအောင်က ဆိုပါတယ်။
“ကျနော်တို့ကတော့ စစ်ဘက်တရားရုံးကနေ အရပ်ဘက်တရားရုံးမှာ စီရင်ခွင့်ရဖို့အတွက် ဆိုင်ရာအဖွဲ့အစည်းတွေကို လှမ်းအကြောင်းကြားထားပါတယ်။ လက်ရှိ ဖွဲ့စည်းပုံအရ အဲဒီလို စီရင်ခွင့် မရှိတာကြောင့် အခု တနိုင်ငံလုံးက ပြောနေကြတဲ့ ဖွဲ့စည်းပုံပြင်ဆင်ရေးက အဓိကဆိုတာ မီးမောင်းထိုးပြလိုက်တာပဲ” လို့ သူက ဆိုပါတယ်။
http://burma.irrawaddy.org/article/2014/11/10/66933.html
(ဧရာဝတီ သတင်းထောက် ကျော်မျိုးထွန်း ပူးပေါင်းရေးသားသည်။)

အမေရိကန်ရဲ့ ချဉ်းကပ်ဆက်ဆံရေးမူဝါဒ ဘာကြောင့် ရလဒ်ပြောင်းပြန် ထွက်ခဲ့သလဲ

မြန်မာ အစိုးရနှင့် ဆက်ဆံရေး တည်ထောင်ရန် အိုဘားမား အစိုးရက ကတိပြုခဲ့ ပြီးဖြစ်သည့်အတွက် လုပ်ငန်းစဉ်ကို ရပ်တန့်ရန် သို့မဟုတ် အရှိန်လျှော့ချရန်မှာ နိုင်ငံရေးအရ မကောင်းဟု ရှုမြင်ခြင်းလည်း ဖြစ်နိုင်ပါသည် (ဓာတ်ပုံ – Reuters)

မြန်မာနိုင်ငံတွင် ကျင်းပမည့် အာဆီယံ ထိပ်သီးအစည်းအဝေးသို့ တက်ရောက်ရန် အမေရိကန် သမ္မတ အိုဘားမား အပါအဝင် ဒေသအတွင်းမှ ခေါင်းဆောင်များ ရောက်လာကြပြီဖြစ်သည်။ သမ္မတအိုဘားမား၏ ယခုခရီးစဉ်သည် ကြမ်းတမ်းဖိနှိပ်တတ်သော၊နိုင်ငံခြားသားများကို မနှစ်သက်သော စစ်အစိုးရက အုပ်ချုပ်ခဲ့သည့် နိုင်ငံ၊ လမ်းပေါ်တက်ဆန္ဒပြသူများကို သေနတ်ဖြင့် ပစ်သတ်ခြင်း၊ အတိုက်အခံခေါင်းဆောင် ဒေါ်အောင်ဆန်း စုကြည်ကို အကျဉ်းချထားခဲ့ခြင်းများကြောင့် အမေရိကန်အစိုးရက အဖက်မလုပ်ဘဲထားခဲ့သည့် နိုင်ငံသို့ ဒုတိယ အကြိမ်မြောက်သွားရောက်ခြင်းလည်း ဖြစ်သည်။
၂၀၁၂ ခုနှစ်က မြန်မာနိုင်ငံသို့ သမ္မတအိုဘားမား ပထမဆုံးလာရောက်စဉ် မြန်မာနိုင်ငံ၏ အနာဂတ် (မြန်မာနိုင်ငံ၏ နိုင်ငံရေး၊ ဈေးကွက်၊ အမေရိကန်-မြန်မာ ဆက်ဆံရေး) နှင့် ပတ်သက်၍ အကန့်အသတ်မဲ့နီးပါး အကောင်းမြင်ခဲ့သည်။
အစိုးရသစ်က ၂၀၁၅ ခုနှစ်တွင် ရွေးကောက်ပွဲကျင်းပရန် စီစဉ်ခဲ့သည်၊ ဒေါ်အောင်ဆန်းစုကြည်ကိုလည်း နေအိမ် အကျယ်ချုပ်မှ ပြန်လွှတ်ပေးခဲ့သည်။ မြန်မာ သမ္မတ ဦးသိန်းစိန်က နိုင်ငံရေး အကျဉ်းသား ရာပေါင်းများစွာကို ပြန်လွှတ်ပေးခဲ့ပြီး အစိုးရနှင့် ဆယ်စု နှစ်ပေါင်းများစွာ တိုက်ခိုက်နေခဲ့သည့် တိုင်းရင်းသားလူနည်းစု လက်နက်ကိုင်အဖွဲ့များနှင့်လည်း အပစ်အခတ် ရပ်စဲရေး လက်မှတ်ရေးထိုးနိုင်ခဲ့သည်။ ပြည်တွင်း မီဒီယာများ အပေါ် တင်းကျပ်စွာ ချုပ်ကိုင်ထားမှုများကိုလည်း ဖြေလျှော့ ပေးခဲ့သည်။
၂၀၁၂ ခုနှစ်က မြန်မာနိုင်ငံသို့ ရောက်စဉ် အိုဘားမားက “ကျနော့်ရဲ့ ကတိကို ထိန်းသိမ်းဖို့နဲ့ မိတ်ဆွေအဖြစ် လက်ကမ်းဖို့ ကျနော်ရောက်လာခဲ့ပါတယ်” ဟု ပြောခဲ့သည်။ မြန်မာနိုင်ငံ၏ ပြုပြင်ပြောင်းလဲရေးများသည် မြန်မာပြည်သူ အားလုံးအတွက် တောက်ပသည့် လမ်းပြကြယ်ဖြစ်လာလိမ့်မည်ဟုလည်းသူကဆိုခဲ့သည်။
သို့သော်လည်း နောက်ထပ် ၂နှစ်မျှသာကြာသည့် အခါ မြန်မာနိုင်ငံ၏ နိုင်ငံရေးနှင့် စီးပွားရေး အခြေအနေများက သိသိသာသာ နောက်ပြန်သွားခဲ့ပြီဖြစ်သည်။
အိုဘားမား အစိုးရက မြန်မာနိုင်ငံနှင့် ဆက်ဆံရေးကို ပြန်လည်တည်ဆောက်ရန် ဦးစားပေးရခြင်းအတွက် အကြောင်းပြ ချက် အမြောက်အများရှိနေသည်။ တချို့ အစိုးရတာဝန်ရှိသူများနှင့် အရှေ့တောင်အာရှရေးရာ စောင့်ကြည့်လေ့လာ သူများ၏ အမြင်တွင် မြန်မာနိုင်ငံသည် အမေရိကန်နိုင်ငံနှင့် တရုတ်နိုင်ငံတို့ တိုက်ရိုက် ယှဉ်ပြိုင်ကြမည့် နေရာအသွင်ဖြစ် နေသည်။
ပြီးခဲ့သည့် ဆယ်စုနှစ် တခုအတွင်းအမေရိကန်ကုမ္ပဏီကြီး အမြောက်အများက မြန်မာနိုင်ငံအပေါ် ဒဏ်ခတ် အရေးယူမှုများကို ပယ်ဖျက်ပေးရန် သွေးဆောင် စည်းရုံးခဲ့ကြသည်။ အဘယ်ကြောင့်ဆိုသော် မြန်မာနိုင်ငံသည် တိုးတက်ထွန်းကားလာမည့် ဈေးကွက်တခု အဖြစ်ယုံကြည်ခဲ့ကြသောကြောင့် ဖြစ်သည်။ အမေရိကန် အစိုးရ အတွင်းနှင့် အပြင်ဘက်မှ အရှေ့တောင်အာရှ ရေးရာ စောင့်ကြည့်လေ့လာသူ တချို့ကလည်း မြန်မာနိုင်ငံ၏ ဗျူဟာမြောက် အရေးပါမှုက တိုးတက်လာနေသည်ဟု ရှုမြင်ခဲ့ကြသည်။ အကြောင်းမှာမြန်မာနိုင်ငံသည် အာရှဒေသအတွင်းတွင် တိုးတက်လာနေသည့် ကားလမ်း၊ ရထားလမ်းနှင့် ရေကြောင်းလမ်းများ ကွန်ရက်၏ အလယ်တွင် တည်ရှိနေသောကြောင့် ဖြစ်သည်။
အိုဘားမား အစိုးရက မြန်မာနိုင်ငံနှင့် ဆက်ဆံရေး အသစ် ပြန်လည်စတင်နိုင်ခြင်းအပေါ် ကျယ်ပြန်သည့် နိုင်ငံခြားရေးရာ မူဝါဒ အောင်မြင်မှု တရပ်ဖြစ်လာရန် မျှော်လင့်ထားသည်။ အမေရိကန် အစိုးရ တာဝန်ရှိသူ အများအပြားက အရှေ့တောင် အာရှ၏ အပယ်ခံနိုင်ငံဖြစ်ခဲ့သည့် မြန်မာနိုင်ငံသို့ မိတ်ဆွေအဖြစ် လက်ကမ်းဆက်ဆံသည့် ချဉ်းကပ်မှု အလုပ်ဖြစ်ခဲ့လျှင် အမေရိကန်၏ ကာလရှည်ရန်ဘက်များ ဖြစ်ခဲ့သည့် ကျူးဘား သို့မဟုတ် အီရန် သို့မဟုတ် ရုရှားတို့နှင့်လည်း အလားတူ အလုပ်ဖြစ်နိုင်ကြောင်း အကြံပြုခဲ့ကြသည်။
မြန်မာနိုင်ငံနှင့် ဆက်သွယ်ဆောင်ရွက်ခြင်းအတွက် အဆိုပါ အခြေခံအကြောင်းတရားများတွင် အလေးအနက်ထားရမည့် အပြစ်အနာအဆာများ တွေ့ရှိခဲ့ရပြီးဖြစ်သည်။ မြန်မာနိုင်ငံကို သိမြင်နိုင်ရန် ခက်ခဲလွန်းသည်။ ထို့အပြင် အမေရိကန် အစိုးရက တခြားနိုင်ငံများနှင့် ကွဲပြားခြားသော ဆက်ဆံရေးမျိုး ပြုလုပ်ရန်အတွက်ကလည်း အီရန်နှင့် ရုရှားတို့ကဲ့သို့ နိုင်ငံများနှင့် အင်အား အလွန်ကွာခြားသည်။ မြန်မာနိုင်ငံသည် ဗျူဟာအရ အရေးပါ အချက်အချာကျသည့် နေရာတွင် ရှိသည်ဟူသော အဆိုကို ပြီးခဲ့သည့် ၅ နှစ်အတွင်းမှန်ကန်ကြောင်း ပြသနိုင်ခဲ့ခြင်း မရှိပါ။ မြန်မာနိုင်ငံ၏ စီးပွားရေးသည် သေးငယ်နေဆဲဖြစ်ပြီး ဒေသတွင်းကာကွယ်ရေးတွင်လည်း အနည်းငယ်သာ ပါဝင်နိုင်သည့် နိုင်ငံဖြစ်သည်။ မဲခေါင်မြစ်သည် အမေရိကန်၏ ကုန်သွယ်ရေး သို့မဟုတ် ကာကွယ်ရေးဗျူဟာ အတွက် အရေးပါသော ရေကြောင်းလမ်းလည်း မဟုတ်ပါ။ ထိုင်းနိုင်ငံကို ဖယ်ထုတ်လိုက်လျှင် အမေရိကန်နှင့် မဲခေါင်ဒေသနိုင်ငံများ၏ ကုန်သွယ်ရေးသည် အမေရိကန်-ဘယ်လ်ဂျီယံ ၂ နိုင်ငံ ကုန်သွယ်ရေးထက်ပင် နည်းပါးပါသည်။
မြန်မာနိုင်ငံအပေါ် ဦးတည်အာရုံစိုက်ထားခြင်းသည် ဗျူဟာအရ အကျိုးအမြတ် နည်းပါးသည်သာမက တခြားပိုမို အရေးကြီးသည့် ဒေသများနှင့် အာရှရေးရာ ကိစ္စရပ်များအပေါ် အမေရိကန် ခေါင်းဆောင်များ၏ အချိန်ပေးမှုနှင့် အလေး ထားမှုတို့ကို ရှုပ်ထွေးစေနိုင်သည်။ ကုန်သွယ်ရေးပူးပေါင်း ဆောင်ရွက်မှုက ဥပမာတခု ဖြစ်သည်။ အမေရိကန် အကြီးတန်း ခေါင်းဆောင်များသည် ဒေသဆိုင်ရာ ကုန်သွယ်ရေးသဘောတူညီချက်တခု ဖြစ်သော Trans Pacific Partnership- TPP (အာရှနှင့် ပစိဖိတ်ဒေသနိုင်ငံများ လွတ်လပ်စွာကုန်သွယ်ရေး သဘောတူညီချက်) နှင့် ပတ်သက်၍ အာရှနိုင်ငံများ သို့မဟုတ် အမေရိကန် ကွန်ဂရက်လွှတ်တော်နှင့် ပြည်သူများသို့ အဆိုပါသဘောတူညီချက်နှင့် ပတ်သက်သည့် အကျိုးကျေးဇူးများကို ရှင်းလင်းပြောဆိုထုတ်ပြန်ပေးရန် အချိန် အနည်းငယ်မျှသာ အသုံးပြုနိုင်ခဲ့ကြသည်။
ထို့ကြောင့် အကျိုးဆက်၏ တစိတ်တပိုင်း အနေဖြင့် ကွန်ဂရက်လွှတ်တော်မှ ၀ါရင့် ဒီမိုကရက်တစ် အမတ် အများအပြားက TPP ကို မဲပေးဆုံးဖြတ်ရန် ကွန်ဂရက်လွှတ်တော်သို့ တင်သွင်းလာပါက ထောက်ခံမည် မဟုတ်ကြောင်း လူသိရှင်ကြား ထုတ်ဖော်ပြောကြားခဲ့ကြရာ  TPP ၏ ညှိနှိုင်းဆွေးနွေးမှုများဖြင့် ပူးပေါင်းဆောင်ရွက်လိုကြသော အာရှနိုင်ငံများ၏ စိတ်အား ထက်သန်မှုကို ထိခိုက်စေခဲ့သည်။ ထိုနည်းတူ သမ္မတ အိုဘားမား၏ နိုင်ငံခြားရေး ၀န်ကြီးဟောင်း ဟီလာရီ ကလင်တန်နှင့် လက်ရှိ နိုင်ငံခြားရေးဝန်ကြီး ဂျွန်ကယ်ရီတို့သည် မြန်မာနိုင်ငံ အပေါ် ဒဏ်ခတ်အရေးယူမှုများ လျှော့ချပေးရန်၊ မြန်မာအစိုးရကို သံတမန်နည်းလမ်းသစ်ဖြင့် ဆက်ဆံရန်၊ စစ်တပ်ချင်းဆက်သွယ်ရေးကို အတည်ပြုပေးရန် ကွန်ဂရက်အမတ်များကို သွေးဆောင်စည်းရုံးရာတွင် များစွာ အချိန်ကုန်၍ ပင်ပန်းခဲ့ကြသည်။
မြန်မာနိုင်ငံသည် စီးပွားရေး နိဗ္ဗာန်ဘုံတခု ဖြစ်လာလိမ့်မည်ဟူသော အတွေးမှာလည်း စိတ်ကူးတခု သက်သက်သာ ဖြစ်သည်ဆိုသည်ကို တွေ့ခဲ့ကြရပြီး ဖြစ်သည်။ မြန်မာနိုင်ငံတွင် ကမ်းလွန်ရေနံ နှင့် သဘာဝဓာတ်ငွေ့သိုက်များ၊ ကြေးနီ၊ အဖိုးတန်ကျောက်မျက်ရတနာများ၊ သစ်နှင့် တခြား သဘာဝသယံဇာတ အရင်းအမြစ်များ အမြောက်အများ ရှိနေသော်လည်း ကား၊ မိုဘိုင်းဖုန်းနှင့် အိမ်သုံးပစ္စည်းများ စသည့် အခြေခံ လူသုံးကုန်ပစ္စည်းများ သုံးစွဲနိုင်မှုတွင်တော့ ဒေသတွင်း အဆင့်တွင် နိမ့်ကျနေဆဲဖြစ်သည်။
သို့ရာတွင် မြန်မာနိုင်ငံ၏ ပွင့်လင်းမြင်သာမှု မရှိသည့် မူဝါဒချမှတ်ခြင်းနှင့် အစိုးရ နှင့် တိုင်းရင်းသား လက်နက်ကိုင် တပ်ဖွဲ့များအကြား ပဋိပက္ခများ ပြန်လည်ပေါ်ပေါက်လာခြင်း တို့ကြောင့် မြန်မာနိုင်ငံအပေါ် စိတ်ဝင်စားနေသည့် အလားအလာရှိသော ရင်းနှီးမြှုပ်နှံသူများ၏ စိတ်အားထက်သန်မှုကို (ကာလရှည် ရင်းနှီးမြှုပ်နှံမှု အတွက်ပင်လျှင်) လျော့ကျနေစေသည်။ ကမ်းလွန် ရေနံနှင့် သဘာဝဓာတ်ငွေ့ လုပ်ငန်းကဏ္ဍကမူ ချွင်းချက်ဖြစ်သည်။ မြန်မာနိုင်ငံ၏ ကမ်းလွန် ရေနံနှင့် သဘာဝဓာတ်ငွေ့လုပ်ကွက်များကို အလွန်စိတ်ဝင်စားသည့် နိုင်ငံခြား ရင်းနှီးမြှုပ်နှံသူများ ရှိနေဆဲဖြစ်သည်။
သြဂုတ်လထုတ် Wall Street ဂျာနယ်တွင် ဖော်ပြထားချက် အရ လူဦးရေ သန်း ၅၀ ရှိသည့် မြန်မာနိုင်ငံတွင် အမေရိကန် ကုမ္ပဏီများက ရင်းနှီးမြှုပ်နှံရန် ကတိပြုထားမှုသည် အမေရိကန် ဒေါ်လာသန်း ၂၅၀ ထက်နည်းသည်ဟု သိရသည်။ အဆိုပါ ပမာဏသည် အမေရိကန် ကုမ္ပဏီများက လူဦးရေ ၅သိန်း ခန့်သာရှိသည့် လူဇင်ဘတ် နိုင်ငံတွင် ရင်းနှီးမြှုပ်နှံမှု၏ ၁၀ဆ ကျော်သာရှိသည်ဟု Wall Street ကဆိုသည်။
မြန်မာနိုင်ငံတွင် ဒီမိုကရေစီစနစ်တခု ပေါ်ပေါက်လာရန် ခက်ခဲစွာ ကြိုးစားနေရသည်။ ၂၀၁၃ ခုနှစ် အစောပိုင်းမှစ၍ နိုင်ငံရေးနှင့် စီးပွားရေး ပြုပြင်ပြောင်းလဲမှုများ ရပ်တန့်ခဲ့ရသည်။ တချို့သောသူများ ခန့်မှန်းထားခဲ့သကဲ့သို့ စစ်တပ်က အာဏာကို မစွန့်လွှတ်ခဲ့ပါ။ စစ်တပ်က ပါလီမန်နှင့် တခြားသော အဖွဲ့အစည်းများအပေါ် ဆက်လက်ထိန်းချုပ်ထားနိုင်ရန် အခွင့်အာဏာရှိသည့် အခြေခံဥပဒေကို စစ်တပ်ကပင် ရေးဆွဲခဲ့သည်။ ဥပဒေပြု လွှတ်တော်တွင် ကိုယ်စားလှယ်နေရာ ၂၅ ရာခိုင်နှုန်းကို စစ်တပ်က ရယူထားသည်။ တချိန်တည်းမှာပင် စစ်တပ်က မဲဆန္ဒရှင်များကို ငွေပေး၍သိမ်းသွင်းခြင်း၊ စစ်တပ်ကလိုလားသည့် ပါတီကို မဲပေးရန်အတွက် ပြည်သူများကို ခြိမ်းခြောက်အကျပ်ကိုင်ရန် ရာဇ၀တ်သားများကို လေ့ကျင့်သင်တန်းပေးခြင်းများ ပြုလုပ်၍ ၂၀၁၅ ခုနှစ် ရွေးကောက်ပွဲတွင် မရိုးမသားပြုလုပ်ရန် လုပ်ဆောင်နေသည်ဟု သံတမန်များနှင့် မြန်မာ့အရေး လေ့လာစောင့်ကြည့်သူများက သတိပေးမှုများလည်း ရှိနေသည်။
အဆိုးဆုံး အချက်မှာ မြန်မာနိုင်ငံ အနောက်ပိုင်း ရခိုင်ပြည်နယ်တွင် ဖြစ်ပွားခဲ့သော အကြမ်းဖက် တိုက်ခိုက်မှုတချို့တွင် စစ်တပ်က ပါဝင်ပတ်သက်နေသည် ဆိုသော စွပ်စွဲမှုများ ရှိနေခြင်း ဖြစ်သည်။ ရခိုင်ပြည်နယ်တွင် ဖြစ်ပွားခဲ့သော ပဋိပက္ခများကြောင့် အိုးမဲ့ အိမ်မဲ့ ဖြစ်ခဲ့ရသည့် လူပေါင်း ၁၀၀၀၀၀ ကျော်သည် ညစ်ပတ်နေသော ဒုက္ခသည် စခန်းများတွင် နေထိုင်နေကြရသည်။ ရခိုင်ပြည်နယ်မှ လူ့အခွင့်အရေး အခြေအနေများကို လေ့လာ မှတ်တမ်းပြုစုနေသည့် NGO  တခုဖြစ်သော Arakan Project က အဆိုပါစခန်းများကို “ဟင်းလင်းပွင့် အကျဉ်း ထောင်များ” ဟု ခေါ်ဝေါ်ခဲ့သည်။
အစိုးရကလည်း များသောအားဖြင့် မြန်မာနိုင်ငံ အနောက်ပိုင်းမှ ပဋိပက္ခများကို လျစ်လျူ ရှုရန် အားထုတ်ခဲ့သည်။ နယ်စည်းမခြား ဆရာဝန်များအဖွဲ့ (Medicins Sans Frontieres- MSF) ကို မြန်မာနိုင်ငံ အနောက်ပိုင်းမှ ပြန်လည်ထွက်ခွာစေခဲ့သည်။ လူ့အခွင့်အရေးအတွက် တိုက်ပွဲဝင်ခဲ့ခြင်းကြောင့် ဆယ်စုနှစ်နှင့်ချီ၍ နေအိမ် အကျယ်ချုပ်ချထားခြင်း ခံခဲ့ရသည့် ဒေါ်အောင်ဆန်းစုကြည်ကလည်း အကြမ်းဖက်တိုက်ခိုက်မှုကို ဝေဖန်ပြောဆိုရန် ရှောင်လွှဲခဲ့သည်။
မြန်မာနိုင်ငံတွင် အကြမ်းဖက်မှုနှင့် ဖရိုဖရဲ အုပ်ချုပ်မှုသို့ နောက်ကြောင်းပြန်သွားခြင်းက မြန်မာပြည်သူတို့၏ ဘ၀ကို ထိခိုက်နစ်နာစေပါလိမ့်မည်။ ထို့နည်းတူ ပိုမိုလွတ်လပ်သော နိုင်ငံရေးနှင့် စီးပွားရေးများမှ နောက်ကြောင်း ပြန်လှည့်သွားခြင်းသည် အမေရိကန် ပြည်ထောင်စုနှင့် တခြား ဒီမိုကရေစီနိုင်ငံများ၏ မဟာဗျူဟာ အကျိူးစီးပွားကိုလည်း ထိခိုက်စေပါလိမ့်မည်။
ရောစပ်ပုံစံ သို့မဟုတ် အာဏာရှင်ဆန်သော အစိုးရများသည် ဒီမိုကရေစီ အစိုးရများထက်ပို၍ ကာလ ရှည်ကြာသည့် ပြည်တွင်း ပဋိပက္ခများကို ရင်ဆိုင်ရဖွယ်ရှိနေပြီး ပြည်တွင်းစစ်ကိုပင် ရင်ဆိုင်ရနိုင်သည်။ ဒီမိုကရေစီ ရှင်သန်နေသည့် နိုင်ငံများတွင် ဖွံ့ဖြိုးတိုးတက်မှုနှုန်းများက အာဏာရှင်နိုင်ငံများနှင့် အကြမ်းဖျင်းအားဖြင့် တူညီလျှင်ပင် ပို၍ တည်ငြိမ်နိုင် ပါသည်။ ပိုမို၍ တိကျစွာဆိုရလျှင် ဆက်လက်ဖြစ်ပေါ်နေသည့် မတည်ငြိမ်မှုများအပြင်၊ ဒေသတွင်းပြဿနာများနှင့် ရင်ဆိုင်နေရသော မြန်မာအစိုးရအနေဖြင့် အရေးပါသည့် အကြောင်းအရာ များကိုအမေရိကန် ပြည်ထောင်စုနှင့် ပူးပေါင်းဆောင်ရွက်ရာတွင် အခက်အခဲများ ဖြစ်စေပါလိမ့်မည်။
မည်သို့ပင်ဖြစ်စေ သမ္မတအိုဘားမားအစိုးရက မြန်မာနိုင်ငံနှင့် ပူးပေါင်း ဆောင်ရွက်ရေးကို ဆက်လက် လုပ်ဆောင်နေသည်။
မြန်မာနိုင်ငံသည် မတည်ငြိမ်မှုများဆီသို့ ဦးတည်နေလင့်ကစား အိမ်ဖြူတော်က မြန်မာနိုင်ငံနှင့် စစ်တပ်ချင်း ဆက်ဆံရေးကို ပြန်လည်တည်ဆောက်နေသည်။ အမေရိကန်က ဦးဆောင်သည့် စစ်ရေး လေ့ကျင့်မှုများအနက် အာရှတွင် အကြီးမားဆုံး ဖြစ်သော Cobra Gold တွင် ပါဝင်ရန် မြန်မာစစ်အရာရှိများကို ဖိတ်ခေါ်ခဲ့သည်။ ယခုတကြိမ် မြန်မာနိုင်ငံသို့ ရောက်ရှိလာချိန်တွင် ပြီးခဲ့သည့် ၂၀၁၂ ခုနှစ်ကကဲ့သို့ ဂုဏ်ပြုချီးကျူးခြင်း ပြုချင်မှ ပြုလိမ့်မည် ဖြစ်သော်လည်း သမ္မတ အိုဘားမားက သူ၏ ခရီးစဉ်ကို ဖျက်သိမ်းခဲ့ခြင်း မရှိခြင်းကြောင့် ဆက်လက်ထောက်ခံမည့် သင်္ကေတ တခုအဖြစ် မြန်မာခေါင်းဆောင် အမြောက်အများက ယူဆခဲ့ကြသည်။
သမ္မတ အိုဘားမား အစိုးရ၏ တာဝန်ရှိသူ အတော်များများက အလွတ်သဘော ၀န်ခံပြောကြားမှုများ ရှိခဲ့သည့် အပြင်၊ အမေရိကန် အစိုးရက မြန်မာနိုင်ငံကို ဆက်လက်သွေးဆောင် စည်းရုံးနေခြင်းသည် မြန်မာနိုင်ငံအနေဖြင့် တခြားသော အာရှဗျူဟာ ဆိုင်ရာတွက်ချက်မှုများထက် စာလျှင် အမေရိကန် အစိုးရနှင့် အတူဆောင်ရွက်ရန် အကြောင်း မြောက်များစွာ ပိုရှိနေသည်ဆိုသည့် အကြောင်းပြချက်များ အရလည်း ဖြစ်ကောင်း ဖြစ်နိုင်ပါသည်။ မြန်မာ အစိုးရနှင့် ဆက်ဆံရေး တည်ထောင်ရန် အိုဘားမား အစိုးရက ကတိပြုခဲ့ ပြီးဖြစ်သည့်အတွက် လုပ်ငန်းစဉ်ကို ရပ်တန့်ရန် သို့မဟုတ် အရှိန်လျှော့ချရန်မှာ နိုင်ငံရေးအရ မကောင်းဟု ရှုမြင်ခြင်းလည်း ဖြစ်နိုင်ပါသည်။
နောက်ဆုံးဆိုရသော် လွန်ခဲ့သော နှစ်အနည်းငယ်ခန့်က ဘုန်းတော်ကြီးများကို သတ်ဖြတ်ခဲ့သော အမှန်တကယ် ပြုပြင်ပြောင်းလဲရေး မလုပ်ခဲ့သည့် အစိုးရတခုနှင့် ဆက်ဆံရေးပြန်လည် ထူထောင်ခြင်းကို ကွန်ဂရက်လွှတ်တော်နှင့် လူ့အခွင့်အရေး အဖွဲ့အစည်း အမြောက်အများက ယုံကြည်လက်ခံလာစေရန် အမေရိကန် အစိုးရက နိုင်ငံရေးအရ အကြီးအကျယ် အားထုတ်ခဲ့ရပါသည်။ ယခုအချိန်ကျမှ အမေရိကန် အစိုးရအနေဖြင့်မြန်မာနိုင်ငံနှင့် ပတ်သက်၍ မှားယွင်းခဲ့ပါသည်ဟု ၀န်ခံရုံသက်သက်မျှဖြင့် မဖြစ်နိုင်တော့ကြောင်း ထင်ရှားနေပါသည်။
(businessweek.com တွင် ဖော်ပြထားသောJosh Kurlantzick ၏ Why Obama’s Courtship of Myanmar Backfired မှ ထုတ်နုတ်ဘာသာပြန်ဆိုသည်။)
http://burma.irrawaddy.org/opinion/viewpoint/2014/11/13/67070.html

အမေရိကန် သမ္မတ အိုဘားမားနှင့် သီးသန့် အင်တာဗျူး

အာဆီယံ ဥက္ကဋ္ဌအနေနဲ့ မြန်မာနိုင်ငံက အိမ်ရှင်အဖြစ် လက်ခံကျင်းပတဲ့ အာဆီယံ ထိပ်သီးဆွေးနွေးပွဲကို တက်ရောက်ဖို့ အမေရိကန် သမ္မတ အိုဘားမား မြန်မာနိုင်ငံကို ရောက်ရှိမှာ ဖြစ်ပါတယ်။ မြန်မာပြည်တွင်းမှာ ဖွဲ့စည်းပုံ အခြေခံဥပဒေ ပြင်ဆင်ရေး၊ တိုင်းရင်းသား လက်နက်ကိုင်များနဲ့ တိုက်ပွဲများ ဖြစ်ပွားနေမှု၊ မီဒီယာများ ဖိနှိပ်မှု ဆက်လက်ခံနေရခြင်း၊ လူ့အခွင့်အရေး ချိုးဖောက်မှုများ ဆက်လက် ဖြစ်ပေါ်နေခြင်း စတဲ့ အငြင်းပွားဖွယ်ရာတွေ ပေါ်ပေါက်နေချိန်လည်း ဖြစ်ပါတယ်။

သမ္မတ အိုဘားမားအနေနဲ့ မြန်မာနိုင်ငံကို ဒုတိယတခေါက် ရောက်လာတဲ့အခါ မြန်မာနိုင်ငံအပေါ် ဆက်လက်ထားရှိမယ့် သဘောထားမူဝါဒ၊ ၂၀၁၅ မြန်မာ့ရွေးကောက်ပွဲ အပေါ် အမြင်၊ ဖွဲ့စည်းပုံ အခြေခံဥပဒေ ပြုပြင်ပြောင်းလဲခြင်း မရှိတာနဲ့ အမေရိကန်-မြန်မာ ဆက်ဆံရေးအပေါ် သက်ရောက်မှု၊ တိုင်းရင်းသား လက်နက်ကိုင်များနဲ့ ငြိမ်းချမ်းရေး ဖြစ်စဉ်အပေါ် ပေးချင်တဲ့ သတင်းစကား၊ အနာဂတ်မှာ ဒေါ်အောင်ဆန်းစုကြည်ရဲ့ အလားအလာအပေါ် အမြင်၊ အာရှ ပစိဖိတ်ဒေသတွင်း မြန်မာနိုင်ငံရဲ့ အလားအလာနဲ့ အမေရိကန် မူဝါဒ ဖြစ်နိုင်ခြေ စတာတွေနဲ့ ပတ်သက်ပြီး ဧရာဝတီ သတင်းဌာနအတွက် သီးသန့် အင်တာဗျူးကို အမေရိကန်၊ ဝါရှင်တန် ဒီစီ အခြေစိုက် သတင်းထောက် လာလစ် ကေ ဂျာ (Lalit K. Jha) က ဆက်သွယ် မေးမြန်း ပေးပို့ထားပါတယ်။
မေး – မြန်မာနိုင်ငံကို ၂ ကြိမ်လာရောက်တဲ့ ပထမဆုံး အမေရိကန် သမ္မတအနေနဲ့ မြန်မာနိုင်ငံဟာ အမေရိကန်အစိုးရရဲ့ နိုင်ငံခြားရေးမူဝါဒရဲ့အောင်မြင်မှု တခုအဖြစ် ယူဆပါသလား။ ဒီလိုမေးရတာက West Point စစ်တက္ကသိုလ်မှာ ဒီနှစ်နွေဦးတုန်းက သမ္မတကြီး ပြောခဲ့တဲ့ မိန့်ခွန်းမှာ အမေရိကန်ဟာ သေနတ်တချက်တောင် မဖောက်ဘဲ မြန်မာနိုင်ငံနဲ့ မိတ်ဖက်နိုင်ငံအဖြစ် တည်ဆောက်ခဲ့တာပါလို့ ပြောခဲ့ဖူးလို့ဖြစ်ပါတယ်။
ဖြေ – လွန်ခဲ့တဲ့ ၂ နှစ်က မြန်မာနိုင်ငံကို ပထမဆုံး လာရောက်တဲ့ အမေရိကန် သမ္မတအဖြစ် လာရောက်ခဲ့ရတာကို ဂုဏ်ယူပါတယ်။ ကျနော်ရောက်ရှိခဲ့ချိန်မှာ မြန်မာပြည်သူတွေရဲ့ လိုက်လှဲပျုငှာစွာ ကြိုဆိုမှုတွေကို လေးလေးနက်နက် သိရှိခံစားခဲ့ရပါတယ်။ ဒုတိယအကြိမ် လာရောက်ဖို့အတွက်လည်း ကျနော် အများကြီးမျှော်လင့်ထားတာပါ။ ဒီတကြိမ်မှာတော့ ဒေသတွင်း အခြားခေါင်းဆောင်တွေနဲ့ အတူတူ မြန်မာနိုင်ငံက အိမ်ရှင်အဖြစ် လက်ခံကျင်းပနေတဲ့ အရှေ့အာရှထိပ်သီးအစည်းဝေးနဲ့ အရှေ့တောင်အာရှထိပ်သီး အစည်းအဝေးတွေကို တက်ရောက်မှာ ဖြစ်ပါတယ်။  ဒီလိုထိပ်သီး အစည်း အဝေးတွေကိုကျင်းပဖို့ဆိုတာ လွယ်တဲ့ကိစ္စ မဟုတ်ပါဘူး။ အစည်းအဝေးတွေကို အောင်မြင်စွာ ကျင်းပပေးနိုင်တဲ့အတွက် မြန်မာအစိုးရနဲ့ ပြည်သူတွေကို ကျနော် ချီးကျုးမိပါတယ်။ ဒီအစည်းအဝေးတွေဟာ ပြီးခဲ့တဲ့နှစ်တွေအတွင်း မြန်မာနိုင်ငံရဲ့တိုးတက်မှုကို ထင်ဟပ်ပြသနေပြီး အရှေ့တောင်အာရှမှာ မြန်မာနိုင်ငံအနေနဲ့ ပိုမိုကြီးမားတဲ့ ကဏ္ဍကနေ ပါဝင်နိုင်ကြောင်း ပြသနေတဲ့ သင်္ကေတတခု ဖြစ်ပါတယ်။
လွန်ခဲ့တဲ့ ၂ နှစ်က ကျနော် မြန်မာနိုင်ငံကို လာရောက်လည်ပတ်ခဲ့ပြီးနောက်မှာ သမ္မတ ဦးသိန်းစိန်ကို အိမ်ဖြုတော်ကို ဖိတ်ခေါ်ကြိုဆိုခဲ့ပါတယ်။ ဒါဟာ မြန်မာနိုင်ငံရဲ့ ခေါင်းဆောင်တယောက် အနေနဲ့ နှစ်ပေါင်း ၅၀ နီးပါးအတွင်း အမေရိကန်ကို ပထမဆုံး လာရောက်လည်ပတ်မှုလည်း ဖြစ်ပါတယ်။ ကျနော် ရန်ကုန်မှာ ဒေါ်အောင်ဆန်းစုကြည်နဲ့ တွေ့ဆုံခဲ့သလို မြန်မာနိုင်ငံမှာ ဒီမိုကရေစီ လှုပ်ရှားမှုအတွင်း အသက်စွန့်ပြီး ဆောင်ရွက်ခဲ့ကြတဲ့ ရဲရင့်တဲ့ အခြားသော တက်ကြွ လှုပ်ရှားသူတွေနဲ့လည်း တွေ့ဆုံခဲ့ပါတယ်။ ပြီးတော့ ပြီးခဲ့တဲ့၂နှစ်အတွင်း ကျနော်တို့နှစ်နိုင်ငံဟာ ဆက်ဆံရေးနဲ့ ကုန်သွယ်ရေးတွေကို တည်ဆောက်နိုင်ခဲ့ပါတယ်။
ကျနော့်ရဲ့ ဆက်ဆံမှုဟာ ကျနော် အမေရိကန် သမ္မတ စဖြစ်ချိန်မှာ အစိုးရတွေကို ပြောခဲ့တဲ့စကားပေါ်မှာ အခြေခံပါတယ်။ အဲဒီတုန်းက ခင်ဗျားတို့ ပိုမိုပွင့်လင်းမြင်သာမှုနဲ့ ပြုပြင်ပြောင်းလဲရေးကို ထိထိရောက်ရောက် စလုပ်ပြီဆိုရင် အမေရိကန်က လက်ကမ်းကြိုဆိုပြီး ဒီပြုပြင်ပြောင်းလဲမှုတွေကို ကူညီပေးမှာပါလို့ ကျနော် ပြောခဲ့ပါတယ်။ ဒီအသွင်ပြောင်းလဲရေးဟာ ဘယ်လောက် ခက်ခဲမလဲဆိုတာ ကျနော် ရှင်းရှင်းလင်းလင်း သိပါတယ်။ ဒါပေမယ့် သမ္မတ တယောက်အနေနဲ့ အမေရိကန်ဟာ ပိုမိုကြီးမားတဲ့ လွတ်လပ်မှု ကြွယ်ဝချမ်းသာမှုနဲ့ ဂုဏ်သိက္ခာကို ရှာဖွေသူတိုင်းအတွက် မိတ်ဆွေအဖြစ် ရပ်တည်ပေးသွားမယ်လို့ ဆုံးဖြတ်ချက်ချထားပါတယ်။
အမေရိကန် စစ်တက္ကသိုလ် West Point မှာ မိန့်ခွန်းပြောချိန်မှာ မြန်မာနိုင်ငံရဲ့ ပြုပြင်ပြောင်းလဲရေးတွေသာ
အောင်မြင်ရင် အမေရိကန်ဟာ မိတ်ဖက်နိုင်ငံအသစ် တနိုင်ငံ ရပါလိမ့်မယ်လို့ ကျနော်ပြောခဲ့ပါတယ်။ မြန်မာနိုင်ငံဟာ အသစ် ပြန်လည် တည်ဆောက်ခြင်းနဲ့ ပြန်လည်ပေါင်းစည်းခြင်းဆိုတဲ့ ရှည်လျားကြမ်းတမ်းတဲ့ ခရီးရှည်ကြီးရဲ့အစမှာပဲ ရှိနေပါသေးတယ်။ ဒါပေမယ့် တဖက်မှာတော့ ကျနော် အရင်တခေါက် မြန်မာနိုင်ငံကို ရောက်ခဲ့ချိန်ကတည်းက  တိုးတက်မှုတွေကို တွေ့နေရပါပြီ။ စီးပွားရေး ပြုပြင်ပြောင်းလဲရေးတွေ၊ ကောင်းမွန်တဲ့ နိုင်ငံရေးခြေလှမ်းတွေ၊ လက်ကျန် နိုင်ငံရေး အကျဉ်းသားတွေကို လွှတ်ပေးမှုတွေ၊ ဖွဲ့စည်းပုံအခြေခံဥပဒေကို ပြင်ဆင်ဖို့ ဆောင်ရွက်မှုတွေ မြန်မာနိုင်ငံရဲ့ တိုးတက်မှုတွေကို အဟန်အတား ဖြစ်စေခဲ့တဲ့ ပဋိပက္ခတွေကို အဆုံးသတ်ဖို့အတွက် အပစ်အခတ်ရပ်စဲရေး သဘောတူညီမှုတွေ အပါအဝင်ပေါ့။
အခြားတဖက်မှာတော့ လွန်ခဲ့ ၄ နှစ် ပြုပြင်ပြောင်းလဲရေး စတင်ခဲ့စဉ်အချိန်မှာ အများက မျှော်လင့်ထားခဲ့သလောက် တိုးတက်မှုတွေဟာ မြန်မြန်ဆန်ဆန် ဖြစ်ပေါ်လာခြင်းမရှိပါဘူး။ တချို့နေရာတွေမှာ ပြုပြင်ပြောင်းလဲရေးက နှေးကွေးနေပြီး တချို့နေရာတွေမှာ နောက်ပြန်တောင် ရောက်နေပါတယ်။ နိုင်ငံရေး အကျဉ်းသားဟောင်းတွေကို ချုပ်ချယ်ကန့်သတ်မှုတွေ ရှိနေတုန်းပဲ ဖြစ်ပါတယ်။ မီဒီယာသမားတွေ အဖမ်းခံခဲ့ရပြီး ဂျာနယ်လစ် ကိုအောင်ကျော်နိုင်ဟာ အကြောင်းမဲ့သက်သက် ကြေကွဲဖွယ် အသတ်ခံခဲ့ရပါတယ်။ ရခိုင်ပြည်နယ်က လူ့သားချင်း စာနာထောက်ထားမှုဆိုင်ရာ အခြေအနေကို ကျနော်တို့ အလွန်ပဲ စိုးရိမ်ပူပန်မိပါတယ်။ ရိုဟင်ဂျာတွေနဲ့ အခြားမူဆလင် လူ့အဖွဲ့အစည်းတွေကို ခွဲခြားဆက်ဆံမှု၊ အနိုင်ကျင့်မှုတွေကို ဆက်လက် ရင်ဆိုင်နေရဆဲဖြစ်ပြီး ဒီအခြေအနေအပေါ်လည်း အလွန်ပဲ စိုးရိမ်ပူပန်မိပါတယ်။
ကျနော့်ရဲ့ ဒီတကြိမ် မြန်မာနိုင်ငံကို လာရောက်တဲ့ ခရီးစဉ်အတွင်း ပြောချင်တဲ့ အဓိက စကားတွေထဲက တခုကတော့ မြန်မာအစိုးရဟာ သူရဲ့ ပြည်သူတွေရဲ့ လုံခြုံရေးနဲ့ လူမှုဘ၀ကောင်းမွန်ရေးကို ဆောင်ရွက်ရန်အတွက် တာဝန်ရှိပါတယ်။ နောက်ပြီး နိုင်ငံသားတွေ အားလုံးရဲ့ အခြေခံ လူ့အခွင့်အရေးနဲ့ လွတ်လပ်ခွင့်တွေ ရရှိရေးအတွက် ဆောင်ရွက်ပေးဖို့အတွက် တာဝန် ရှိပါတယ်။ ဒါမှသာ ပြုပြင်ပြောင်းလဲရေးဟာ လမ်းကြောင်းမှန်ပေါ် ဆက်လက်ရှိနေမှာ ဖြစ်ပါတယ်။ ဒါမှသာ ဒီနိုင်ငံအနေနဲ့ ပိုမိုကြွယ်ဝပြီး ဒီဒေသအတွင်းနဲ့ နိုင်ငံတကာမှာပါ သူ့ရဲ့နေရာမှန်ကို ရရှိနိုင်မှာ ဖြစ်ပါတယ်။ ဒါဟာ အထူးသဖြင့်တော့ မြန်မာ နိုင်ငံသားတွေအတွက် အောင်မြင်မှုဖြစ်မှာ ဖြစ်ပြီး အမေရိကန်နဲ့  နိုင်ငံတကာအတွက်လည်း ကောင်းမွန်မှာ ဖြစ်ပါတယ်။
မေး – အမေရိကန်နဲ့ အနောက်နိုင်ငံတွေဟာ ၂၀၁၅ ရွေးကောက်ပွဲ အပေါ်မျှော်လင့်ချက် ကြီးကြီး ထားနေကြပါတယ်။ ဒါပေမယ့် လက်တွေ့မှာတော့ အတိုက်အခံတွေနဲ့ အရပ်ဖက်လူ့အဖွဲ့အစည်းတွေက စစ်တပ်က ရေးဆွဲထားတဲ့
ဖွဲ့စည်းပုံ အခြေခံ ဥပဒေကို ပြင်ဆင်ဖို့အတွက် ကြိုးပမ်းနေကြပါတယ်။ ၂၀၁၅ ရွေးကောက်ပွဲဟာ လွတ်လပ်ပြီး တရားမျှတမှုရှိမယ်လို့ သမ္မတကြီးအနေနဲ့ ထင်ပါသလား။ ဒီရွေးကောက်ပွဲဟာ အမှန်တကယ်လွတ်လပ်ပြီး တရားမျှတမှု ရှိဖို့ အမေရိကန် အနေနဲ့ ဘယ်လိုတွန်းအားပေးသွားဖို့ အစီအစဉ်ရှိပါသလဲ။ တကယ်လို့ ၂၀၁၅ ရွေးကောက်ပွဲဟာ ၂၀၁၀ ရွေးကောက်ပွဲအတိုင်း ဖြစ်လာရင် ဒါဟာ အမေရိကန်နဲ့ မြန်မာရဲ့ ဆက်ဆံရေး အပေါ် ဘယ်လို သက်ရောက်မှုမျိုး
ရှိနိုင်ပါသလဲ။
ဖြေ – နေပြည်တော်နဲ့ ရန်ကုန်မှာ ကျနော်က အစိုးရ၊ လွှတ်တော် နဲ့ အရပ်ဖက် လူ့အဖွဲ့အစည်းတွေက ခေါင်းဆောင်တွေနဲ့ တွေ့ဆုံပြီး ၂၀၁၅ ရွေးကောက်ပွဲ အကြောင်းကို အဓိကထား ဆွေးနွေးသွားမှာပါ။ အမေရိကန် အနေနဲ့ ဒီရွေးကောက်ပွဲ ဖြစ်စဉ်တွေကို အနီးကပ် စောင့်ကြည့်သွားမှာဖြစ်ပါတယ်။ လောလောဆယ်မှာ စတောင် မစရသေးတဲ့ ရွေးကောက်ပွဲရဲ့ ရလဒ်နဲ့ ပတ်သက်ပြီး ဘာမှကြိုတင်ပြီး မပြောလိုပါဘူး။ ကျနော်ပြောချင်တာကတော့ ဒီရွေးကောက်ပွဲဟာ အရေးပါတဲ့ မှတ်တိုင်တခု ဖြစ်လာမှာ ဖြစ်ပြီး မြန်မာနိုင်ငံသားတွေနဲ့ နိုင်ငံတကာ အသိုင်းအ၀ိုင်းကလည်း  ဒီရွေးကောက်ပွဲကို ယုံကြည်လက်ခံနိုင်လောက်တဲ့ ရွေးကောက်ပွဲတခု ဖြစ်ဖို့ မျှော်လင့်နေကြပါတယ်။ ဒါမှလည်း ပြုပြင်ပြောင်းလဲရေးကို ရှေ့ဆက်သွားနိုင်မှာ ဖြစ်ပါတယ်။ ဒီရွေးကောက်ပွဲဟာ မြန်မာနိုင်ငံ ၊ မြန်မာပြည်သူတွေ အားလုံးရဲ့ လိုအင်ဆန္ဒတွေကို ထင်ဟပ်နိုင်တဲ့ ကိုယ်စားပြုနိုင်စွမ်းရှိတဲ့ ဒီမိုကရေစီကို ဖော်ဆောင်နိုင်ဖို့ အတွက် အရမ်းပဲ အရေးကြီးပါတယ်။ ပြီးတော့
ဒီရွေးကောက်ပွဲဟာ အမေရိကန်အနေနဲ့ မြန်မာနိုင်ငံနဲ့ ရှေ့ဆက်ပြီး ဘယ်လိုဆက်ဆံမယ် ဆိုတာကို အဆုံးအဖြတ် ပေးမှာပါ။
မြန်မာနိုင်ငံရဲ့ အနာဂတ်ကို မြန်မာပြည်သူတွေကပဲ ပုံဖော်ရမှာပါ။ မြန်မာပြည်သူတွေအနေနဲ့ သူတို့ရဲ့ ခေါင်းဆောင်ကို သူတို့ကိုယ်တိုင် ရွေးချယ်ခွင့် ရှိသင့်တယ်လို့ ကျနော်တို့ ယုံကြည်ပါတယ်။ အမေရိကန် ဒါမှမဟုတ် တခြားနိုင်ငံတခုခုက မြန်မာပြည်သူတွေကို သူတို့ရဲ့ အနာဂတ်ကို ဘယ်လိုဆုံးဖြတ်ရမယ်လို့ ပြောခွင့် မရှိပါဘူး။ ဒါပေမယ့် နိုင်ငံတကာနဲ့
အတူတကွ အမေရိကန်ဟာလည်း နောက်နှစ်ရွေးကောက်ပွဲ အောင်မြင်စွာကျင်းပနိုင်ရေးအတွက် အကူအညီပေးဖို့ လုပ်ဆောင်နေပါတယ်။
ကျနော်တို့က အားလုံးပါဝင်မှုရှိတဲ့၊ ပွင့်လင်းမြင်သာတဲ့၊ ယုံကြည်စိတ်ချမှုရှိတဲ့ ရွေးကောက်ပွဲတွေ ဖြစ်မြောက်ရေးအတွက် နိုင်ငံရေး ပါတီတွေ၊ အရပ်ဖက် လူ့အဖွဲ့အစည်းတွေနဲ့ မြန်မာအစိုးရနဲ့အတူ ပူးပေါင်း ဆောင်ရွက် နေပါတယ်။ အရပ်ဖက် လူ့အဖွဲ့အစည်းတွေ မဲဆန္ဒရှင်တွေကို ပညာပေးနိုင်ဖို့ ဒီမိုကရေစီ နိုင်ငံရေးပါတီတွေအနေနဲ့ နိုင်ငံသားတွေရဲ့ အကျိုးစီးပွားကို ကိုယ်စားပြုနိုင်တဲ့ စွမ်းရည်ကို မြှင့်တင်ဖို့နဲ့ လွှတ်တော်ရဲ့ ဥပဒေပြုရေး စွမ်းရည်ကို မြင့်တင်ဖို့အတွက် အကူအညီတွေ ပေးနေပါတယ်။ ကျနော်တို့က ပြည်တွင်းနဲ့ နိုင်ငံတကာက ရွေးကောက်ပွဲ စောင့်ကြည့်သူတွေ အားလုံးကို ပွင့်လင်းမြင်သာမှုရှိစွာ ခွင့်ပြုပေးနိုင်ရေး၊ မြန်မာနိုင်ငံအစိုးရကို တိုက်တွန်းနေပါတယ်။ ပြည်တွင်း ရွေးကောက်ပွဲ စောင့်ကြည့်သူတွေ အပါအ၀င် ရွေးကောက်ပွဲ တရားမျှတမှုရှိရေး၊ အားထုတ်ကြိုးပမ်းမှုတွေကို အကူအညီပေးသွားမှာပါ။
ကျနော်ရဲ့ ခရီးစဉ်အတွင်းမှာ လာမယ့်ရွေးကောက်ပွဲအတွက် ပြင်ဆင်မှုတွေနဲ့ ပတ်သက်ပြီး ခေါင်းဆောင်တွေနဲ့ နိုင်ငံသားတွေက ဘယ်လိုမြင်လဲဆိုတာကို သိချင်ပါတယ်။ ရွေးကောက်ပွဲတခုတည်းနဲ့ ဒီမိုကရေစီ ပြုပြင်ပြောင်းလဲရေးကို အကောင်အထည် မဖော်နိုင်ဘူးဆိုတာ ကျနော်တို့ သိပါတယ်။ ဒါကြောင့်မို့လည်း အခြေခံ ဥပဒေပြုပြင်ရေးကို ကျနော်တို့ ထောက်ခံခဲ့တာပါ။ ကျနော်တို့ အရင်က ပြောခဲ့ဖူးသလိုပဲ အခြေခံ ဥပဒေ ပြုပြင်ပြောင်းလဲရေးဟာ မြန်မာနိုင်ငံသားတွေရဲ့ ဆန္ဒကို ထင်ဟပ်ရပါမယ်။ အားလုံး ပါဝင်မှုရှိတဲ့ ပွင့်လင်းမြင်သာတဲ့ ယုံကြည်စိတ်ချမှုရှိတဲ့ ရွေးကောက်ပွဲတွေ ကျင်းပ နိုင်စေရပါမယ်။ လူနည်းစုတိုင်းရင်းသားတွေရဲ့ အခွင့်အရေးကို ဖော်ဆောင်နိုင်ရပါမယ်။ အစိုးရနဲ့ လူများစု တိုင်းရင်းသား ဒေသတွေအကြား ဆက်ဆံရေးကို ပြေလည်စေရပါမယ်။ ပြီးတော့ အရပ်ဖက်အစိုးရရဲ့ စစ်တပ်ကို  ထိန်းချုပ်နိုင်စွမ်းကို တိုးမြှင့်နိုင်စေရပါမယ်။ ဒီအတွက် လိုအပ်တာတွေကတော့ တရားဥပဒေစိုးမိုးရေး အပါအ၀င် ဒီမိုကရေစီ အဖွဲ့အစည်းတွေပဲ ဖြစ်ပါတယ်။ မြန်မာနိုင်ငံအနေနဲ့ ရေရှည် ဖွံ့ဖြိုးတိုးတက်မှုတွေ ရဖို့အတွက် ဒါတွေက မရှိမဖြစ်လိုအပ်ပါတယ်။
မေး- သမ္မတကြီး ခင်ဗျား၊ ဆက်လက်ဖြစ်ပွားနေဆဲ ဖြစ်တဲ့ တိုင်းရင်းသား ပဋိပက္ခတွေ၊ လူ့အခွင့် အရေး ချိုးဖောက်မှုနဲ့ ပတ်သက်ပြီး စွပ်စွဲချက်တွေ နိုင်ငံရေး ခေါင်းဆောင်တွေ အများအပြားကို ဆက်လက် ထောင်သွင်း အကျဉ်းချမှုတွေနဲ့ စာနယ်ဇင်း လွတ်လပ်ခွင့်အပေါ် ကန့်သတ်ချက်တွေနဲ့ ပတ်သက်လို့ မေးချင်ပါတယ်။ ရှမ်းပြည်နယ်နဲ့ ကချင်ပြည်နယ်မှာ ကျေးရွာတွေက အတင်းအဓမ္မ ပြောင်းရွှေ့ခံခဲ့ရပြီး ၂၀၁၂ ခုနှစ်မှာ တိုင်းရင်းသား လက်နက်ကိုင် အဖွဲ့အစည်း အများစုက အပစ်အခတ် ရပ်စဲရေးစာချုပ်တွေကို လက်မှတ်ထိုးထားပေမယ့် ကချင်၊ ရှမ်းနဲ့ ကရင်ပြည်နယ်တွေမှာ အစိုးရစစ်တပ်က တိုက်ခိုက်မှုတွေကို ဆက်လက် ပြုလုပ်နေဆဲ ဖြစ်ပါတယ်။ ဒါနဲ့ ပတ်သက်ပြီး သမ္မတကြီးအနေနဲ့ ဘာပြောချင်ပါသလဲ။ အခုတကြိမ် မြန်မာနိုင်ငံက ခေါင်းဆောင်တွေနဲ့ တွေ့တဲ့အခါမှာ ဒီကိစ္စတွေနဲ့ ပတ်သက်ပြီး သမ္မတကြီးဘက်က ဘာပြောဖို့ ရှိပါသလဲ။
ဖြေ – ကျနော်ပြောချင်တာကတော့  တနိုင်ငံလုံး အပစ်အခတ်ရပ်စဲရေးနဲ့ အားလုံးပါဝင်မှုရှိတဲ့ နိုင်ငံရေး ဆွေးနွေးမှု ဖြစ်စဉ်ရဲ့ တိုးတက်မှုတွေအပေါ် အမေရိကန်က ကြိုဆိုပါတယ်။ ထာဝရငြိမ်းချမ်းရေး ရဖို့အတွက် အစိုးရနဲ့ တိုင်းရင်းသား အုပ်စုတွေ စိတ်ပိုင်းဖြတ်ထားမှု အပေါ်လည်း အမေရိကန်က အားရကျေနပ်မိပါတယ်။ ဒီကိစ္စ အောင်မြင်ဖို့အတွက် ဒီအပစ်အခတ် ရပ်စဲရေးဟာ အမျိုးသားပြန်လည် သင့်မြတ်ရေးကို ဦးတည်သင့်ပြီးတော့ အမျိုးသားပြန်လည် သင့်မြတ်ရေးက တိုင်းရင်းသား အဖွဲ့တွေ အားလုံးအနေနဲ့ သူတို့ရဲ့ ကံကြမ္မာကို သူတို့ကိုယ်တိုင် ဆုံးဖြတ်ခွင့် ရရှိရေးကို သေချာစေပါလိမ့်မယ်။ စစ်မှန်တဲ့နိုင်ငံရေး ပြန်လည်ပေါင်းစည်းရေးဟာ မြန်မာနိုင်ငံသားတွေ အားလုံးအတွက် ကြီးမားတဲ့ အောင်မြင်မှု ဖြစ်လာပါလိမ့်မယ်။
အမေရိကန် အနေနဲ့လည်း ပွင့်လင်းမြင်သာတဲ့ အာလုံးပါဝင်မှုရှိတဲ့ တရားဝင်မှုရှိတဲ့ ငြိမ်းချမ်းရေး ဖြစ်စဉ်ကို အကူအညီ ပေးရေးအတွက် သက်ဆိုင်ရာ အဖွဲ့အစည်းအားလုံးနဲ့ ထိတွေ့ဆောင်ရွက်နေပါတယ်။ ငြိမ်းချမ်းရေး ဖြစ်စဉ်က ဆက်လက် ခက်ခဲပြီး ရှုပ်ထွေးနေဦးမှာပါပဲ။ နှစ်ပေါင်းများစွာကြာ ပဋိပက္ခတွေ ဖြစ်ပွားခဲ့ပြီးနောက် ယုံကြည်မှု တည်ဆောက်ဖို့ဆိုတာ အချိန်လိုပါတယ်။ ပြီးတော့ သက်ဆိုင်သူတွေ အားလုံးက စစ်မှန်ထက်သန်တဲ့ စိတ်ဆန္ဒရှိဖို့လည်း လိုပါတယ်။ တိုက်ပွဲ အငယ်စားလေးတွေနဲ့ တခြားသော အပစ်အခတ်ရပ်စဲရေး သဘောတူညီချက် ဖောက်ဖျက်မှုတွေဟာ ယုံကြည်မှု တည်ဆောင်ရေး အပေါ် အဟန့်အတား ဖြစ်စေပါတယ်။
ကျနော်အရင်က ပြောခဲ့သလိုပဲ နိုင်ငံရေးနဲ့ စီးပွားရေး မျက်နှာစာတွေမှာ တိုးတက်မှုတွေ အနည်းငယ်ရှိပေမယ့် အခြားသော နယ်ပယ်တွေမှာတော့ ပြုပြင်ပြောင်းလဲရေးတွေဟာ နှေးကွေးနေပြီး နောက်ပြန်သွားနေပါတယ်။ စာနယ်ဇင်း လွတ်လပ်ခွင့်တွေအပေါ် ထိန်းချုပ်ကန့်သတ်မှုတွေ အပြင် နိုင်ငံရဲ့ တိုင်းရင်းသားဒေသတွေမှာ တရားလက်လွတ် သတ်ဖြတ်မှုတွေ၊ အဓမ္မပြုကျင့်မှုတွေနဲ့ အတင်းအဓမ္မ ခိုင်းစေမှုတွေအပါအ၀င် အခြေခံလူ့အခွင့်အရေး ချိုးဖောက်မှုတွေကို ဆက်တွေ့နေရတုန်းပဲ ဖြစ်ပါတယ်။ ဒီချိုးဖောက်မှုတွေက မြန်မာနိုင်ငံသား အများအပြားရဲ့ နာကျင်ဖွယ်ကောင်းတဲ့ သမိုင်းကို ရည်ညွှန်းဖော်ပြနေပါတယ်။ မြန်မာနိုင်ငံသားတွေ အနေနဲ့ ဒီအဖြစ်တွေကို ဆက်လက်ကြုံတွေ့လိုခြင်း မရှိတော့ပါဘူး။ ဒါကြောင့်လည်း အမေရိကန်အနေနဲ့ မြန်မာနိုင်ငံနဲ့ ဆက်လက် ထိတွေ့ဆက်ဆံပြီး ပြုပြင် ပြောင်းလဲရေးကို ထောက်ခံအားပေးနေတာ၊ အကြမ်းဖက်မှုတွေကို ကန့်ကွက်ရှုတ်ချနေတာ ဖြစ်ပါတယ်။  မြန်မာပြည်သူတွေက တည်ဆောက်နေတဲ့ မြန်မာနိုင်ငံသစ်မှာ ဒီလို လူ့အခွင့်အရေး ချိုးဖောက်မှုတွေ အတွက် လုံးဝနေရာမရှိပါဘူး။
ကျနော်ပြောခဲ့သလိုပဲ၊ ကျနော် မြန်မာအစိုးရကို ပြောချင်တာကတော့ မြန်မာအစိုးရအနေနဲ့ မြန်မာနိုင်ငံသား အားလုံးရဲ့ လူမှုဘ၀ တိုးတက်ကောင်းမွန်ရေးနဲ့ အခြေခံ လူ့အခွင့်အရေးနဲ့ လွတ်လပ်ခွင့်တွေကို အာမခံပေးဖို့ တာဝန်ရှိပါတယ်။ ဒါဟာ အစိုးရတိုင်းရဲ့ အခြေခံ တာဝန်တွေထဲက တခုဖြစ်ပါတယ်။ မတရားခံရသူတွေအတွက် တရားမျှတမှုကို ဆောင်ကြဉ်း ပေးရမှာ ဖြစ်ပြီး ပြစ်မှုကျူးလွန်သူတွေကို ပွင့်လင်းမြင်သာမှု ရှိစွာ ဥပဒေနဲ့အညီ အပြစ်ပေးရမှာ ဖြစ်ပါတယ်။ တချိန်တည်းမှာပဲ မြန်မာနိုင်ငံကို အသစ်ပြန်လည် တည်ဆောက်မှုမှာ လူတိုင်း ပါဝင်ဆောင်ရွက်ရပါမယ်။
ဥပမာ အနေနဲ့ ရခိုင်ပြည်နယ်မှာ ရိုဟင်ဂျာတွေနဲ့ တခြား မွတ်စလင် အသိုင်းအ၀ိုင်းတွေအပေါ် အကြမ်းဖက်မှု အများစုဟာ ဒေသခံတွေက ကျူးလွန်နေကြတာ ဖြစ်ပါတယ်။ ဒါပေမယ့် အစိုးရအနေနဲ့ လူသားချင်း စာနာထောက်ထားမှုဆိုင်ရာ အခြေအနေတွေကို တိုးတက် ကောင်းမွန်စေဖို့ ပြည်သူတွေနဲ့ ပူးပေါင်းဆောင်ရွက်သွားဖို့ တာဝန်ရှိပါတယ်။ စိန်ခေါ်မှု အခက်အခဲတွေကို ဖြေရှင်းပေးရပါမယ်။
ဒါကြောင့်မို့လည်း လွန်ခဲ့တဲ့ ၂ နှစ်က ရန်ကုန်တက္ကသိုလ်မှာ မိန့်ခွန်းပြောစဉ်က သည်းခံခြင်းရဲ့ အရေးပါမှုနဲ့ လူသားတွေအနေနဲ့ တန်းတူညီမျှတဲ့ လူ့ဂုဏ်သိက္ခာ အကြောင်း မြန်မာ ပြည်သူတွေကို ကျနော် တိုက်ရိုက်ပြောခဲ့တာ ဖြစ်ပါတယ်။ ကျနော်တို့အားလုံး အနေနဲ့ ကျနော်တို့ရဲ့ ကိုယ်ပိုင်ဘ၀မှာ ခွဲခြား ဆက်ဆံမှုတွေနဲ့ ဘက်လိုက်မှုတွေ ကြားမှာ သတိထားပြီး နေထိုင်ဖို့ လိုအပ်ပါတယ်။ အခြားနိုင်ငံတွေလိုပဲ မြန်မာနိုင်ငံအနေနဲ့ ပြည်သူတွေ အားလုံးရဲ့ အင်အားနဲ့ တည်ထောင်မယ်ဆိုရင် ပိုမိုခိုင်မာပြီး ပိုမိုအောင်မြင်လာမှာ ဖြစ်ပါတယ်။ မြန်မာနိုင်ငံအနေနဲ့ မတူကွဲပြားမှုတွေကို ခြိမ်းခြောက်မှု အနေနဲ့ မကြည့်ဘဲ အင်အားတရပ်အဖြစ် ရှုမြင်သင့်ပါတယ်။
မေး – ဒေါ်အောင်ဆန်းစုကြည်နဲ့ တွေ့ဖို့ အစီအစဉ်ရှိပါသလား။ အနာဂတ် မြန်မာနိုင်ငံမှာ ဒေါ်အောင်ဆန်းစုကြည် အနေနဲ့ ဘယ်လိုကဏ္ဍမှာ ရှိမယ်လို့ သမ္မတကြီး ထင်ပါသလဲ။
ဖြေ – လွန်ခဲ့တဲ့ နှစ်အနည်းငယ်က ဒေါ်အောင်ဆန်းစုကြည်ကို အိမ်ဖြူတော်မှာ တွေ့ဆုံခွင့်ရခဲ့ပြီး ဒီလို တွေ့ဆုံခွင့်ရတဲ့ ပထမဆုံး အမေရိကန် သမ္မတအနေနဲ့ ကျနော် ဂုဏ်ယူပါတယ်။ ကျနော် အရင်က ပြောခဲ့သလိုပဲ ဒေါ်အောင်ဆန်းစုကြည်ဟာ သူလုပ်ဆောင်ပြခဲ့တာတွေ  သူ့ရဲ့ စာပေအရေးအသားတွေက တဆင့် ကျနော်အပါအ၀င် တကမ္ဘာလုံးမှာ ရှိတဲ့သူတွေကို စိတ်ဓာတ်ခွန်အားပေးနိုင်တဲ့ ဒီမိုကရေဒီရဲ့ ပြယုဂ်ပဲ ဖြစ်ပါတယ်။ သူရဲ့ သတ္တိ၊ ဂုဏ်သိက္ခာနဲ့ နိုင်ငံအတွက် ပေးဆပ်ဖို့ စိတ်ပိုင်းဖြတ်ထားမှုတွေကို ကျနော်အမြဲတန်းပဲ လေးစားခဲ့ပါတယ်။ အဲဒီ ဆုံးဖြတ်ချက်အတွက် ခက်ခဲ ကြမ်းတမ်းတဲ့ နှစ်ပေါင်းများစွာကို သူ့ရဲ့ အိမ်ထဲမှာပဲ နေထိုင်ရင်း ဖြတ်သန်းခဲ့ပါတယ်။ သူ့ရဲ့ အဲဒီအိမ်မှာ ပြီးခဲ့တဲ့ ၂
နှစ်က တွေ့ဆုံခွင့် ရခဲ့တဲ့အတွက် ကျနော် တော်တော်လေးကို စိတ်လှုပ်ရှားခဲ့ပါတယ်။
ကျနော် မြန်မာနိုင်ငံကို ရောက်နေစဉ်မှာ သူနဲ့ ထပ်တွေ့ချင်ပါတယ်။ မြန်မာနိုင်ငံရဲ့ အသွင်ကူးပြောင်းရေးနဲ့ အနာဂတ်နဲ့ ပတ်သက်ပြီး ကိစ္စရပ်တွေတော်တော်များများကို သူနဲ့ အသေးစိတ်ဆွေးနွေးခဲ့ပါတယ်။ ဒါကို ကျနော်တို့ ဆက်လုပ်သွားမှာ ဖြစ်ပါတယ်။ ဒီတခေါက် လည်ပတ်ချိန်မှာတော့ ဖွဲ့စည်းပုံ အခြေခံ ဥပေဒပြုပြင်ပြောင်းလဲရေး ဖြစ်စဉ်၊ နောက်နှစ် ရွေးကောက်ပွဲနဲ့ အမေရိကန်အပါအ၀င် နိုင်ငံတကာ အနေနဲ့ အားလုံးပါဝင်မှု ရှိတဲ့၊ ပွင့်လင်းမြင်သာမှု ရှိတဲ့၊ ယုံကြည် စိတ်ချရမှုရှိတဲ့ ရွေးကောက်ပွဲတရပ် ဖြစ်မြောက်ရေး အတွက် ဘယ်လိုအကူအညီ ပေးနိုင်မလဲဆိုတာနဲ့ ပတ်သက်ပြီး သူရဲ့ သဘောထားအမြင်တွေကို အထူးပဲ သိချင်ပါတယ်။ သူဟာ တရားမျှတမှု နဲ့ လွတ်လပ်ခွင့်အတွက် ကြီးမားတဲ့ ခွန်အား တရပ် ဖြစ်ပါတယ်။ နောက်လာမယ့် နှစ်ပေါင်းများစွာမှာလည်း သူရဲ့ နိုင်ငံအတွက် အရေးကြီးတဲ့ အခန်းကဏ္ဍကနေ ဆက်လက်ပါဝင်ဆောင်ရွက်သွားမယ်လို့ ကျနော် မျှော်လင့်ပါတယ်။
မေး – နောက်ဆုံးအနေနဲ့ အခုကနေ နောက်လာမယ့် ၁၀ နှစ်အတွင်း မြန်မာနိုင်ငံကို သမ္မတကြီး အနေနဲ့ ဘယ်လို ဖြစ်စေချင်ပါသလဲ။ အာရှ ပစိဖိတ်ဒေသမှာ မြန်မာနိုင်ငံအနေနဲ့ ဘယ်လို အခန်းကဏ္ဍကနေ ပါဝင်လာနိုင်မယ်လို့ သမ္မတကြီးက ထင်ပါသလဲ။ အမေရိကန်က ဆက်လက်ကျင့်သုံးသွားမယ့် မူဝါဒက ဘယ်လိုရှိပါသလဲ။
ဖြေ – သိပ်မကြာသေးခင်ကတော့ မြန်မာနိုင်ငံမှာ ကျနော်တို့ အခုမြင်နေရတဲ့ တိုးတက်မှုနဲ့ ပြုပြင်ပြောင်းလဲရေးတွေ ပေါ်ပေါက်လာမယ်လို့ မျှော်လင့်ခဲ့သူ အနည်းငယ်ပဲ ရှိပါလိမ့်မယ်။ တကယ်လို့ ဒီပြုပြင်ပြောင်းလဲရေး ဖြစ်စဉ်သာ ဆက်လက် ဖြစ်ပေါ်နေပြီး အမျိုးသား ပြန်လည် ရင်ကြားစေ့ရေးနဲ့ ပတ်သက်ပြီး အဓိပ္ပါယ်ရှိတဲ့ ခြေလှမ်းတွေသာ လှမ်းနိုင်ခဲ့မယ် ဆိုရင်တော့ အခုကနေ ၁၀ နှစ်အတွင်း မြန်မာနိုင်ငံရဲ့ သန်း ၅၀ သော ပြည်သူတွေဟာ ပိုမိုကြွယ်ဝပြီး ဒီမိုကရေစီဆန်တဲ့ နိုင်ငံတခုကို မြင်တွေ့နိုင်မှာ ဖြစ်ပါတယ်။ ခရီးကတော့ အရှည်ကြီးပါ။ အောင်မြင်မယ်လို့ အာမခံချက်လည်း မရှိပါဘူး။ ဒါပေမယ့် ကျနော်တို့ရဲ့ ထိတွေ့ဆက်ဆံမှုရဲ့ ရည်ရွယ်ချက်ကတော့ ပြုပြင်ပြောင်းလဲရေးကို တိုက်တွန်း အားပေး ပုံဖော်ဖို့ ဖြစ်ပြီး ဒါမှလည်း မြန်မာပြည်သူတွေ အနေနဲ့ သူတို့ရဲ့ထိုက်တန်တဲ့ အနာဂတ်ကို ရောက်ရှိ အကောင်အထည်ဖော်နိုင်မှာ
ဖြစ်ပါတယ်။ ဒါမှလည်း မြန်မာနိုင်ငံ အနေနဲ့  တည်ငြိမ်ကြွယ်ဝပြီး တိုးတက်ဖြစ်ထွန်းမှုတွေ ဖြစ်ပေါ်နေတဲ့ အရှေ့တောင် အာရှမှာ ခေါင်းဆောင်နိုင်ငံတနိုင်ငံ အနေနဲ့ သူ့ရဲ့နေရာမှန်ကို ရောက်ရှိနိုင်မှာ ဖြစ်ပါတယ်။
မြန်မာပြည်သူတွေ အားလုံးအနေနဲ့ သူတို့နိုင်ငံရဲ့ အနာဂတ်ကို ပုံဖော်နိုင်စေမယ့် တာဝန်ခံမှု ရှိပြီး တုန့်ပြန်မှုရှိတဲ့ ဒီမိုကရေစီ အဖွဲ့အစည်းတွေကို  မြန်မာနိုင်ငံအနေနဲ့ တည်ဆောက်နိုင်လိမ့်မယ်လို့ ကျနော်တို့ မျှော်လင့်ပါတယ်။ ဒါဟာ အမေရိကန် မူဝါဒရဲ့ အုတ်မြစ်အခြေခံလည်း ဖြစ်ပါတယ်။ နိုင်ငံရေး အကျဉ်းသားတွေ မရှိတော့တဲ့ ၊ နိုင်ငံရေး ပါတီတွေ အနေနဲ့ လွတ်လပ်စွာ လုပ်ဆောင်နိုင်ပြီး တရားမျှတမှု ရှိတဲ့ ရွေးကောက်ပွဲတွေမှာ ၀င်ရောက်ယှဉ်ပြိုင်နိုင်တဲ့ ၊ ဂျာနယ်လစ်တွေအနေနဲ့ စိုးရိမ်ရမှုနဲ့ တရားစွဲဆိုခြင်း ခံရမှု မရှိဘဲ အမှန်တရားကို ဖော်ထုတ် တင်ပြနိုင်တဲ့ မြန်မာနိုင်ငံကို မြင်ချင်ပါတယ်။ မိဘတွေ အနေနဲ့ သူတို့ရဲ့ ကလေးတွေကို ထောက်ပံ့မှု ပေးနိုင်တဲ့၊ လူငယ်တွေအတွက် အခွင့်အရေးတွေ ပိုမိုပေးအပ်နိုင်တဲ့ ဖွံ့ဖြိုးတိုးတက်မှုနဲ့ စီးပွားရေး တိုးတက်မှုတွေ ဖြစ်ပေါ်စေဖို့ အတွက် အမေရိကန်က ပူးပေါင်းဆောင်ရွက် ပေးလိုပါတယ်။ ဒီပြုပြင်ပြောင်းလဲရေးသာ ဆက်လက် တိုးတက် ဖြစ်ပေါ်နေမယ် ဆိုရင် အမေရိကန်အနေနဲ့ ပိုမို ရင်းနှီးမြှပ်နှံနိုင်မယ့် အခွင့်အရေးတွေ ရရှိနိုင်ပြီး ကုန်သွယ်ရေးနဲ့ ၂ နိုင်ငံ ပြည်သူအချင်းချင်း အပြန်အလှန်ဆက်ဆံမှုတွေ တိုးတက်လာမယ်လို့ ကျနော်ယုံကြည်ပါတယ်။
မြန်မာနိုင်ငံအနေနဲ့ နိုင်ငံတကာနဲ့ ကုန်သွယ်မှု ၊ ရင်းနှီးမြှပ်နှံမှုနဲ့ အတွေးအခေါ် အကြံညဏ်တွေ အပြန်အလှန် ဖလှယ်မှု ကနေတဆင့် အကျိုးကျေးဇူးရရှိနိုင်ပြီး ဒေသတွင်း လုံခြုံရေးနဲ့ ကြွယ်ဝမှုကို အထောက်အပံ့ပေးနိုင်ကာ အာဆီယံနဲ့ အာရှ ပစိဖိတ်ဒေသမှာ တက်ကြွပြီး အပြုသဘောဆောင်တဲ့ အခန်းကဏ္ဍကနေ ပါဝင်နိုင်တာကို မြင်ချင်ပါတယ်။ အလွန် ကြီးမား တဲ့ စိန်ခေါ်မှုတွေ ရှေ့မှာ ရှိနေတာကို ကျနော်တို့ သတိထားမိပါတယ်။ ဒါပေမယ့်  နှစ် ၆၀ ကြာ စစ်အာဏာရှင် အုပ်ချုပ်ရေး ကနေအသွင်ကူးပြောင်းလာတဲ့ လမ်းတလျှောက်မှာမြန်မာပြည်သူတွေကို ကူညီဖို့နဲ့  ပြည်သူတွေကို ဆင်းရဲတွင်းကနေ ကယ်တင်နိုင်မယ့် ဒီမိုကရေစီနဲ့ စီးပွားရေး ဖွံ့ဖြိုးတိုးတက်မှုကို ရဖို့အတွက် ကူညီဖို့ ကျနော်တို့ စိတ်ပိုင်းဖြတ်ထားပါတယ်။ ခင်ဗျားတို့ရဲ့ အနာဂတ်ဟာ ကျနော်ကိုယ်တိုင် အတွက်ရော ၊ ကျနော့်နိုင်ငံအတွက်ရော အရေးကြီးပါတယ်။ ကျနော်တို့ ခင်ဗျားတို့ကို အောင်မြင်စေချင်ပါတယ်။
(ဤ အင်တာဗျူးသည် ဧရာဝတီ၏ မူပိုင်ဖြစ်သည်။ ကူးယူပုံနှိပ် ဖော်ပြခွင့် မပြုပါ။)

တရုတ်သမ္မတကတော်နှင့် ရရုသမ္မတပူတင်တို့ရဲ့ ပ၀ါခြုံလွှမ်းခြင်းပြဿနာ

  တရုတ်နိုင်ငံက အွန်လိုင်း သုံးသူတွေကြား ဟိုးလေးတကြော်ကိစ္စကတော့ ရုရှား သမ္မတ ပူတင်က တရုတ် သမ္မတ ကတော်ကို ပုဝါခြုံပေးတဲ့ ကိစ္စ ဆင်ဆာ ဖြတ်လိုက်တယ်ဆိုတာပါဘဲ။

 ဓာတ်ပုံ- businessinsider.com

တရုတ်နိုင်ငံမှာ နိုဝင်ဘာ ၁၀ ရက်နေ့က ကျင်းပတဲ့ အာရှ -ပစိဖိတ် စီးပွားရေး ပူးပေါင်း ဆောင်ရွက်ရေး APEC ( အေပက် )အစည်းအဝေးတခုမှာ တရုတ်သမ္မတ ဇီကျင်ပင်းနဲ့ အတူ အစည်းအဝေး တက်ရောက် လာတဲ့ သမ္မတကတော် မစ္စ Peng Liyuan ကို ရုရှားသမ္မတ ပူတင်က ပုဝါ ခြုံပေးနေတဲ့ မြင်ကွင်းကို တီဗွီ ကင်မရာတွေအများကြီးက ရိုက်ကူး မှတ်တမ်းတင်ထားမိခဲ့ကြပါတယ်။

 ဒီမြင်ကွင်းဟာ တရုတ် အင်တာနက် လူမှုရေး စာမျက်နှာတွေပေါ် တမဟုတ်ချင်း ပျံ့နှံသွားပါတော့တယ်။ ဒါပေမယ့် ဒီ မြင်ကွင်း ရုပ်သံ ပြကွက်တွေဟာ မိနစ်ပိုင်းအတွင်းမှာပဲ ဆင်ဆာဖြတ်တောက်ဖြုတ်ပစ်လိုက်လို့ တရုတ် အင်တာနက် အွန်လိုင်းသုံးသူတွေ မမြင်ကြရတော့ပါဘူး။

ဒီအကြောင်း ဗြိတိန် အခြေစိုက် ဂါးဒီးယန်းသတင်းဌာနနဲ့တကွ နိုင်ငံတကာ သတင်းတွေမှာ ဖော်ပြထားပါ တယ်။

တရုတ်နိုင်ငံဟာ သတင်းမီဒီယာတွေအပေါ် ထိန်းချုပ် ဆင်ဆာ လုပ်တဲ့နေရာမှာ နာမည်ကြီးပါတယ်။

အထူးသဖြင့် တရုတ်နိုင်ငံသားတွေကို အခုလို မြင်ကွင်းမျိုးတွေ မမြင်ကြရအောင် နဲ့ ဝေဖန်ဆွေးနွေး သုံးသပ်ချက်တွေ လုပ်လို့မရအောင် အင်တာနက်ဆာဗာတွေကို ပိတ်ပင်ထားလေ့ ရှိပါတယ်။

အမျိုးသမီးတွေကို လေးစားတဲ့အနေနဲ့ ရုရှား သမ္မတ ပူတင်ကတော့ သူတို့ ထုံးစံအတိုင်း လုပ်ဆောင် ခဲ့တာသာဖြစ်တယ်လို့ ကာကွယ်ပြောဆိုတာမျိုးလည်း သတင်းတွေမှာတွေ့ရပါတယ်။

http://blog.irrawaddy.org/2014/11/blog-post_91.html