တရုတ်ဝမ်ပေါင်ကုမ္ပဏီ မြန်မာပြည်က ထွက်ခွာသွားဖို့ လက်ပံတောင်းမှာ တောင်းဆိုဆန္ဒပြ

လက်ပံတောင်းတောင် ကြေးနီစီမံကိန်း ဆောင်ရွက်နေတဲ့ ဝမ်ပေါင်ကုမ္ပဏီ မြန်မာနိုင်ငံက ထွက်သွားဖို့ လက်ပံတောင်းမှာ ဒေသခံတွေက ဒီနေ့ ချီတက်ဆန္ဒပြ ခဲ့ကြပါတယ်။

မြေယာလျော်ကြေး ယူမထားပေမယ့် လယ်တွေ အသိမ်းခံ ထားရသူတွေ အတွက် နစ်နာချက်ကို ဖြေရှင်းပေးဖို့၊ မီးလောင်ဗုံး တရားခံကို အရေးယူပေးဖို့နဲ့ နောက်ဆုံး ဝမ်ပေါင်ကုမ္ပဏီ ထွက်သွားဖို့ အထိပါ တောင်းဆို နေကြတယ်လို့ ဒေသခံ မဝင်းဝင်းဌေးက အခုလိုပြောပါတယ်။

"ဝမ်ပေါင်ကုမ္ပဏီ ဒို့နိုင်ငံက အခုထွက်သွား၊ မြေသိမ်းယာသိမ်း ဦးပိုင်နဲ့ ဝမ်ပေါင်ကုမ္ပဏီ အလိုမရှိ၊ လယ်ယာမြေတွေ ထွက်ယက်စိုက်ပျိုးခွင့်ရရှိရေး၊ ကြေးနီစီမံကိန်း လုံးဝဖျက်သိမ်းရေး၊ မီးလောင်ဗုံးသုံး အကြမ်းဖက်တရားခံများအား အမြန်ဖော်ထုတ်အရေးယူပေးရေး၊ ပုဒ်မ ၁၄၄ ရုပ်သိမ်းပေးရေး လာပြီးတော့ ဆန္ဒပြတာ၊ ပုသိမ်-မုံရွာလမ်းဆုံ အများပြည်သူပိုင်လမ်းမှာ ကျမတို့ကို ဖြတ်သွားမခံဘူး၊ ပိတ်ဆို့ထားတယ်"

ဆန္ဒပြပွဲမှာ ဆည်တည်း၊ မိုးကြိုးပြင်နဲ့ တုံရွာအုပ်စုတွေပါဝင်ပြီး၊ ဝမ်ပေါင်ကုမ္ပဏီ ရုံးရှေ့အရောက် ချီတက်ရာမှာ ရဲတပ်ဖွဲ့တွေက လမ်းမှာတားဆီးထားသလို၊ ဆန္ဒပြသူတွေကလဲ အဲဒီနေရာမှာရပ်နေပြီး ဆက်လက်ဆန္ဒပြကြပါတယ်။

RFA Burmese
https://www.facebook.com/pages/RFA-Burmese/39218993127

http://www.thithtoolwin.com/2014/10/blog-post_2773.html?utm_source=BP_recent

ဓါတ်ပုံ - Ko Han Win Aung

ဓါတ်ပုံ - Ko Han Win Aung