တောင်တရုတ်ပင်လယ်ထဲက ဗီယက်နမ်ရေပိုင်နက်မှာ တရုတ်နိုင်ငံက ရေနံလာတူးနေတာကို ဆန့်ကျင်ကန့်ကွက်တဲ့ ဗီယက်နမ်ပြည်သူတွေ မနေ့က တရုတ်လူမျိုးပိုင် စက်ရုံအလုပ်ရုံတွေကို ဖျက်ဆီးခဲ့ကြပါတယ်။
ဗီယက်နမ်နိုင်ငံ ဘင်ဒူန်းခရိုင်နဲ့ ဒေါင်နိုင်ခရိုင်တွေမှာဖြစ်ပွားခဲ့ပြီး မီးရှို့ဖျက်ဆီးမှုတွေမှာ ထိုင်ဝမ်စက်ရုံတွေကို တရုတ်နိုင်ငံသားပိုင်စက်ရုံတွေအဖြစ် အထင်မှားဖျက်ဆီးခဲ့ကြတယ်လို့ ဆိုပါတယ်။
ဗီယက်နမ်-စင်ကာပူ စက်မှုဇုန်မှာလည်း အခုလို အကြမ်းဖက်ဖျက်ဆီးမှုတွေဖြစ်ပွားခဲ့ပြီး ဥပဒေစိုးမိုးရေးကို အမြန်ဆုံးဆောင်ရွက်ပေးဖို့ စင်ကာပူအစိုးရက ဗီယက်နမ်အစိုးရကို တောင်းဆိုခဲ့ပါတယ်။
နာမည်ကျော်အားကစားဖိနပ်တွေကို ထုတ်လုပ်ပေးနေတဲ့ ဟောင်ကောင်အခြေစိုက်ဖ ဖိနပ်စက်ရုံလည်း တရုတ်ဆန့်ကျင်ရေး ဆန္ဒပြတွေကြောင့် ထုတ်လုပ်မှုတွေကို ရပ်ဆိုင်းထားတယ်လို့ ဆိုပါတယ်။
တိုက်ခိုက်ဖျက်ဆီးမှုတွေအတွင်း ဗီယက်နမ်လူမျိုး ၅ ဦးနဲ့ တရုတ်လူမျိုး ၁၆ ဦး သေဆုံးခဲ့တယ်လို့ ဗီယက်နမ်သတင်းစာတွေမှာ ရေးသားဖော်ပြကြပါတယ်။
ဗီယက်နမ်နိုင်ငံမှာ အခုလိုတရုတ်လူမျိုးတွေရဲ့ အကျိုးစီးပွားတွေကို တိုက်ခိုက်ဖျက်ဆီးနေမှုတွေကို တားဆီးပေးဖို့နဲ့ တရုတ်နိုင်ငံရဲ့အချုပ်အခြာအာဏာကို လေးစားဖို့ ဗီယက်နမ်အစိုးရကို တရုတ်အစိုးရက တိုက်တွန်းခဲ့ပါတယ်။
ပဋိပက္ခတွေကြောင့် ဗီယက်နမ်နိုင်ငံမှာ အလုပ်လာလုပ်နေကြတဲ့ ထိုင်ဝမ်တရုတ်တွေဟာ ထိုင်ဝမ်ကို မေ ၁၃ ရက်နေ့က အများအပြား ပြန်လာခဲ့ကြပါတယ်။
မေ ၁၂ ရက်နေ့က ဖိနပ်စက်ရုံနဲ့ အထည်ချုပ်စက်ရုံလုပ်သား ၇၀၀၀ လောက် ဆန္ဒပြပွဲကနေစတင်ပြီး တရုတ်အကျိုးစီးပွားဖျက်ဆီးရေးတွေ ဆက်လက်ဖြစ်ပွားခဲ့တာလို့ ဆိုပါတယ်။
တောင်တရုတ်ပင်လယ်တွင်း ဗီယက်နမ်နဲ့ တရုတ်သင်္ဘောတွေ ထိပ်တိုက်တွေ့မှုတွေ ဖြစ်ပွားပြီး ၁၀ ရက်အကြာမှာ အခုလို ဗီယက်နမ်နိုင်ငံက တရုတ်စက်ရုံတွေ ဖျက်ဆီးခံခဲ့ရတာဖြစ်ပါတယ်။
တရုတ်နိုင်ငံဟာ တောင်တရုတ်ပင်လယ်ထဲမှာ ဗီယက်နမ်နိုင်ငံနဲ့ရော၊ ဖိလစ်ပိုင်နိုင်ငံနဲ့ပါ နယ်မြေအငြင်းပွားမှုတွေ တချိန်တည်းမှာဖြစ်ပွားနေပြီး ဂျပန်နိုင်ငံနဲ့လည်း အရှေ့တရုတ်ပင်လယ်မှာ နယ်နိမိတ်အငြင်းပွားမှု ဖြစ်ပွားနေတာပါ။
█ ░ အလင်းရှင် ░ █
No comments :
Post a Comment