တ ကယ့် လူ
လူဆိုတော့
စားဖို့၊ ၀တ်ဖို့၊ နေဖို့ထိုင်ဖို့
မိုးခိုဖို့ နေရာတွေ
ရှာရဖွေရ ဒုက္ခမြစ်တစ်စင်း။
လူဆိုတော့
ချစ်ဖို့
ချစ်သူကိုရဖို့၊
အနမ်းရိပ်ကွန်းခိုစရာတွေ
ခံစားမှုက ဒုက္ခ
နေတစ်စင်း။
လူဆိုတော့
အမေရယ်အဖေရယ်
ညီမနဲ့အမတွေရယ်
ဝန်းကျင်နဲ့အစဉ်ပြေဖို့
မွန်းကျပ်တဲ့ဒုက္ခလေပြေ။
လူဆိုတော့
ဘုရားရယ် တရားရယ်
ဘာရယ် ညာရယ်
ဘုရားလိုလို
တရားလိုလို
ဘာလိုလို
ညာလိုလိုနဲ့
ဘုရားလက်ထက်က
ပုတီးမပေါ်သေးလို့
တို့ကပုတီးမစိတ်ဘူးတဲ့
အတ္တမကွာသေးတဲ့
အရေခွံကို
ပိတ်စပတ်ထားတာမျိုး။
ဘုရားတရားသံဃာ မြတ်ရတနာကို
ခြင်ထောင်ထဲက
ကိလေသာအနံ့
ရေမွှေးစွတ်ပြီး
ဘာသာပြန်နေတဲ့
မေထုန်သမားက
ဘုရား . . . . တဲ့
တရား . . . . . တဲ့
သံဃာ . . . . . တဲ့
အဓိပ္ပါယ်သိနိုင်ပါ့မလား။
ဗြဟ္မဇာလသုတ်
စူဋ္ဌသီလခန်းကိုရှာဖတ်
နဲနဲလေးသိပြီး
စကားလုံးများများတွေဟာ အံချင်စရာတွေ။
အခိုင်အမာရှိတဲ့
ဒို့ကမ္ဘာမြေကို
အသိဉာဏ် ဆံခြည်မျှင်နဲ့
မချည်လိုက်ဘဲ
ကမ္ဘာရဲ့သည်းခံခြင်းနဲ့
ချစ်ခြင်းများစွာကို
သယ်ပိုပြီး
ဒုက္ခမြစ်များကိုကျော်ဖြတ်နိုင်မှ
တကယ့်လူ။
မောင်ဇရာ
No comments :
Post a Comment