ကျွန်တော် ဒီကဗျာလေးကို တင်ဖို့စိတ်ကူးရှိထားပေမယ့် စဉ်းစားစရာလေးတွေရှိနေသေးလို့ မတင်ဖြစ်ခဲ့ဘူး ကျွန်တော့ကဗျာတွေအားလုံးကို လုံချင်းထုတ်ဖို့အတွက် ကြံရွယ်ထားတဲ့ သက္ကရာဇ်ကလည်း တော်တော် တောင်ဟောင်းခဲ့ပြီ။ ဒါနဲ့ ဒီလိုနဲ့ မတင်ဖြစ်ခဲ့တာပါ။ ဒီနေ့တော့ ကော်ဖီဘားတစ်ခုမှာ ချစ်ကျွမ်းဝင်တဲ့ ညီလေး တစ်ယောက်က လိုချင်တယ်ဆိုတာနဲ့ သု့ကိုပေးရင်း အခုလိုတင်ဖြစ်သွားတာပါ။
လ အိပ် ယာ ၀င် တဲ့ ည
နာရီဖြစ်ခဲ့ဖူးပါတယ်
သံပတ်ရပ်သွားတဲ့ ညနေခင်းနဲ့
စက္ကန့်တန်တစ်ချောင်း။
ရာသီဖြစ်ခဲ့ဖူးပါတယ်
နွေဦးမှာ တွန်မိတဲ့
လေးသင့်တဲ့အတောင်တစ်ဘက်။
ဘ၀ဆိုတဲ့
ငါ့အင်္ကျီတစ်ထည်ကိုစကားလုံးအနီတွေနဲ့
ပစ်လိုက်ကြတာ
ပေါက်လို့ပြဲပေါ့။
အို . . . .
ခွေးတွေသံစုံတီးတဲ့ညမှာ
ငါကောင်းကင်ကြီးကို မေးကြည့်ဖူးပါတယ်
လမင်းတောင်အိပ်ယာဝင်သွားပြီတဲ့။
By:အလင်းရှင် http://aungminkhoung.blogspot.com
No comments :
Post a Comment